مساعده في تسعير شراء سياره

**amorozo23** · 10-11-2012 04:40 PM

السلام عليكم اولا انا سعيد اني عضو في المنتدي الجميل ده اللي ماشاء الله مليان خبراء وناس محترمه بتساعد بعضها لوجه الله تعالي ....أنا يا أخواني عايز أشتري سياره ودي ان شاء الله هتبقي أول سياره في حياتي (ربنا يستر) وبعد البحث والمقارنات وعلي حسب ميزانيتي قررت ان شاء الله شراء 127 سوبر فيورا انا قدامي واحده صاحبها بيقول فابريقه دواخل بالكامل وفيها طقم جنوط وصاحبها بيقول ان موتورها ممتاز بيجيب بيه 120 والصالون جيد والعدادات والانوار كلها تعمل بس في مشكله بيقولي عداد السرعه بيهيس ممكن ساعات بيبقي اقل وساعات بيبقي ازيد ....أرجوكم انا عايز اعرف دي مشكله كبيره ولا عاديه ولو عاديه انا اكيد نفسي تتحل ان شاء الله فهعمل ايه ؟؟؟ ......وعايز اعرف السياره دي تعمل كام علما بأنه طالب 15000 وأنا شايفهم كتير علي عربيه موديل 85 ....أفيدوني ربنا يخليكم ويبارك لكم

**fares_311** · 10-11-2012 05:09 PM

بس في مشكله بيقولي عداد السرعه بيهيس ممكن ساعات بيبقي اقل وساعات بيبقي ازيد ....أرجوكم انا عايز اعرف دي مشكله كبيره ولا عاديه>>>>>>>>>>>>>>>> مش مشكله خطيره اوي

طالب 15000>>>>>>>>>>> كتير 15 الف يعني ممكن من 7 الى 12 الف مثلا حسب نظافه العربيه

**thegoodhacker** · 10-11-2012 05:47 PM

لو علي مشكلة عداد السرعة فدي بسيطة اخرها حتكلفك 60 جنيه وممكن أقل كمان علي حسب القطعة اللي بتسبب المشكلة ( العداد بيبقي مربوط بكابل بيوصل من ترس السرعة الي العداد وغالبا بيبقي الكابل هو سبب المشكلة )
بالنسبة للسعر لو هي فعلا دواخل فابريقة وما فيهاش شغل غير موضوع العداد يبقي تفاصل مع صاحب العربية لغاية 13 ألف ........ انا لسة بايع عربيتي 127 موديل 83 حالة ممتازة ومش راشة جوة علي 11 ألف وحاسس اني اتسرعت أصلا وكانت ممكن تجيبلي اكتر لو كنت استنيت عليها شوية .......

**amorozo23** · 11-11-2012 02:16 AM

المشاركة الأصلية كتبت بواسطة thegoodhacker

لو علي مشكلة عداد السرعة فدي بسيطة اخرها حتكلفك 60 جنيه وممكن أقل كمان علي حسب القطعة اللي بتسبب المشكلة ( العداد بيبقي مربوط بكابل بيوصل من ترس السرعة الي العداد وغالبا بيبقي الكابل هو سبب المشكلة )
بالنسبة للسعر لو هي فعلا دواخل فابريقة وما فيهاش شغل غير موضوع العداد يبقي تفاصل مع صاحب العربية لغاية 13 ألف ........ انا لسة بايع عربيتي 127 موديل 83 حالة ممتازة ومش راشة جوة علي 11 ألف وحاسس اني اتسرعت أصلا وكانت ممكن تجيبلي اكتر لو كنت استنيت عليها شوية .......

الف شكر يا بشمهندس علي ردك السريع ده وفعلا انا شايف انها تخلص 13000 او 13500 علي اكثر تقدير حام ادفع 15000 في 127 ده ممكن 3000 واجيب ريجاتا محترمه 1500 سي سي هحاول مع الراجل وخير ان شاء الله وشكرا مره تانيه علي ذوقك

**amorozo23** · 11-11-2012 02:18 AM

المشاركة الأصلية كتبت بواسطة fares_311

بس في مشكله بيقولي عداد السرعه بيهيس ممكن ساعات بيبقي اقل وساعات بيبقي ازيد ....أرجوكم انا عايز اعرف دي مشكله كبيره ولا عاديه>>>>>>>>>>>>>>>> مش مشكله خطيره اوي

طالب 15000>>>>>>>>>>> كتير 15 الف يعني ممكن من 7 الى 12 الف مثلا حسب نظافه العربيه

شكرا ياباشا علي ردك

**amorozo23** · 11-11-2012 02:19 AM

ها يا جماعه حد شايف السعر برضو غالي ؟ !!!

**peposupervisor** · 11-11-2012 09:23 AM

15 كتير
والعيب البتقول عليه ده مش حاجة خالص بسيط
اهم حاجة انت بتقول العربية فبريكة دواخل وماتور كويس كوتش كويس عفشة كويسةوالفتيس تمام
مش مشكلة اي حاجة تاني

**amorozo23** · 11-11-2012 03:46 PM

المشاركة الأصلية كتبت بواسطة peposupervisor

15 كتير
والعيب البتقول عليه ده مش حاجة خالص بسيط
اهم حاجة انت بتقول العربية فبريكة دواخل وماتور كويس كوتش كويس عفشة كويسةوالفتيس تمام
مش مشكلة اي حاجة تاني

متشكر ياباشا علي ردك العملي وفعلا انا شايف 15 كتير طيب من رأي حضرتك تخلص كام ؟؟

وفي عربيه تاني قدامي سوبر فيورا بس رشه كارتيرتين دواخل بيقول عشان البارومه وهيه مطلوب فيها 11.5 شايف أيه وهل الكارتيرتين دول عيب في السياره وهيقرفني في الاستعمال وفي اعاده البيع ؟؟

**thegoodhacker** · 11-11-2012 03:58 PM

المشاركة الأصلية كتبت بواسطة amorozo23

متشكر ياباشا علي ردك العملي وفعلا انا شايف 15 كتير طيب من رأي حضرتك تخلص كام ؟؟

وفي عربيه تاني قدامي سوبر فيورا بس رشه كارتيرتين دواخل بيقول عشان البارومه وهيه مطلوب فيها 11.5 شايف أيه وهل الكارتيرتين دول عيب في السياره وهيقرفني في الاستعمال وفي اعاده البيع ؟؟

لو راشة الكارتيرتين ده برضه العادي في ال127 حتي لو بقية دواخل العربية كلها ما رشتش علشان البارومة بتاكل الحتت دي بالذات في ال127 عموما ....... بس اتأكد ان نمرة الشاسيه موجودة علي الكارتيرة و مطابقة للرخصة و حوض العربية نفسه ( اللي تحت الاستبن ) ما يكونش راشش .......... والسعر ده انا شايف عن نفسي انه كويس بس طبعا افحص دواخل العربية كويس وحالة الموتور و العفشة والصالون

**amorozo23** · 11-11-2012 04:16 PM

شادي باشا جزاك الله كل خير معلش أخوك أول مره هشتري عربيه أن شاء الله فعلي قدي في المعلومات معلش ....الراجل بيقول رقم قايم والماتور جديد استيراد والصالون كويس والطابلوه والعفشه والدهان ....يعني لو راشه الكارتيرتين بس والرقم علي القايم يبقي تمام وأخلص ولا حضرتك تنصحني أشوف حاجه تاني بما أني لسه نيوووو في موضوع العربيات ....ولك مني الف شكر :b4_388: