لا ياباشا مافيش مشاكل وكلنا هنا في خدمة بعض ارجو ان اكون افدك ولو في شئ اخر ماجبتش عليه بدقه ممكن احد الاعضاء يجاوب عليه وموفق بأذن اللهانا خلاص استقريت انى اصبر واخلي عربيتى معايا وعاوز اشد العربية شوية عشان الفترة الجاية هسافر بيها كتير
1_ المكنه بتاعتى بقالي اسبوعين كدا بسمع منها صوت زى مايكون الغطا بتاع العمه مفكوك صوت غريب كدا مع القرص عل البنزين .. مع العلم سحبها زى ماهو وكل حاجة زى ماهى مش حاسس بأى اختلاف ولا مشكلة اروح لمكانيكى ولا مش مشكلة ؟
ممكن يكون معادا تغير الزيت جه.. عموما الادا مايتركزش معاها الا لو حاجه كبيره
2_ الصاج عندى فى خبطه ف الباب وخبطة ف الجنب الشمال من ورى وخبطه ف الجنب الي ادام شمال ويمين كل دى خبطات خفيفة + فى حتت كتير ف العربية فى زى عضعضه كدا
عاوز اعملها سمكرة ياترى تكلفتها تكون كام ؟؟ سواء سمكرة او دوكو ؟
لو هترد علي البارد مش هتزيد عن 100 جنيه لكن لو هترش بتفرق من صنيعي للتاني عموما ممكن نقول سمكره 600 ودوكو 1500
3_ العفشة : العربية بتحدف منى يمين وانا ماشى .. وبحس بتعويمة علي الطرق الي مش مستقيمة زى طريق اسكندرية الزراعى كدا
ممكن يكون ظبط زوايا مش اكتر او جلب المقصات نشفت وعاوزه تتغير كله هيبان عند بتاع الزوايا
..
وفى صوت ف الفردة الشمال ادام زى مايكون الفردة بتحك ف حاجة .. روحت للعفشجى عشان الحكة دى وقالي ان القنطرة الشاسية بتاعها في شرخ ولازم احل العفشة كلها واشوف اعملك اية ... عايز رأيكم ف كل دا ولو عملته يكلف كام ؟؟
لا دي انا ماعرفهاش
مع العلم ان العبد لله اتنصب عليه من الصنايعية كتير خصوصا العفشجية
4_ عاوز اجيب 4 فرد كاوتش جداد عشان السفر وكدا وابقي مطمن اية احسن نوع ؟؟ فردة 13
وسعرها فى حدود كام ؟
برجستون / لاسا / ماكسس
التلاته في رنج 300 ل 340 حسب المكان والنوع
وعموما الماكسس محترمه وعامله 300 للفرده
لاسا 320
برجستون 325 /330 حسب شطارتك
الكلام ده من حوالي شهرين
5_ ودى اهم حاجة الفرامل عندى غيرت طقم الاتيال كله .. بس الطنابير متاكله شوية خصوصا الطنابير الي ورى وفرامل اليد عندى مش شغالة.. بس فرامى كويسة بنسبة 80% وانا متكيف عليها وبعرف اجرى بيها وبعرف اوقف العربية .. بس عايز اخلي الفرامى بتاعتى زى فرامل الزيرو باللمس
هي الادا كده تكنلوجيا قديمه بس حضرتك ممكن تعمل رجلاش علي الفرامل عند الميكانيكي ويظبطها زي ماحضرتك عاوز
وممكن كمان تغير الفرامل الخلفيه الطبل بسكاكين بتاعت البلونيز او 125 بس ماعرفش التكلفه ودي هتحسن من الفرامل جامد جدا
.. مش بنفس الحال الي عليه دلوقتى؟؟ ياترى اعمل اية بالظبط وياريت تكلفة كل حاجة عشان انا بعمل الميزانية :d
معلش انا اسألتى كتير بس استحملونى
المفضلات