الموضوع: معلش ياجماعة تاعبكم معايا استفسار تانى بخصوص لادا

الف شكر ياباشا مفيش حد غيرك رد اصلا

وانا عايز من الاعضاء الي يفهم ف حاجة يقولها بس .. مش شرط يعنى يجاوب كله

وميرسى ليك جدا

هرد على حضرتك بكرة معلش عشان مستعجل والله المستعان

متابع

المشاركة الأصلية كتبت بواسطة maherzzz

انا خلاص استقريت انى اصبر واخلي عربيتى معايا وعاوز اشد العربية شوية عشان الفترة الجاية هسافر بيها كتير

1_ المكنه بتاعتى بقالي اسبوعين كدا بسمع منها صوت زى مايكون الغطا بتاع العمه مفكوك صوت غريب كدا مع القرص عل البنزين .. مع العلم سحبها زى ماهو وكل حاجة زى ماهى مش حاسس بأى اختلاف ولا مشكلة اروح لمكانيكى ولا مش مشكلة ؟

شوف سير الكتينة لو عايز يتشد تشدة عند الميكانيكى

2_ الصاج عندى فى خبطه ف الباب وخبطة ف الجنب الشمال من ورى وخبطه ف الجنب الي ادام شمال ويمين كل دى خبطات خفيفة + فى حتت كتير ف العربية فى زى عضعضه كدا
عاوز اعملها سمكرة ياترى تكلفتها تكون كام ؟؟ سواء سمكرة او دوكو ؟

عموما هى لو بسيطة تتعمل على البارد ولكن الاحسن تظبتها صح ومعجون بسيط وترش
السعر بيختلف حسب الشغل وحسب البية السمكرى محدش هيقيم المبلغ من طرفنا صح

3_ العفشة : العربية بتحدف منى يمين وانا ماشى .. وبحس بتعويمة علي الطرق الي مش مستقيمة زى طريق اسكندرية الزراعى كدا .. وفى صوت ف الفردة الشمال ادام زى مايكون الفردة بتحك ف حاجة .. روحت للعفشجى عشان الحكة دى وقالي ان القنطرة الشاسية بتاعها في شرخ ولازم احل العفشة كلها واشوف اعملك اية ... عايز رأيكم ف كل دا ولو عملته يكلف كام ؟؟

الحدفة وانت ماشى زوايا تروح لبتاع زوايا محترم ( فى واحد فى شبر الخيمة دكتور وثقة اسمة غالبا اشرف اسو وراجل كبير) هو يقيم المشكلة فى العفشة فين وبعد كدة تتفك وتشف مشكلتها اية عند سمكر تخصص قناطر وشاسية ( فى واحد فى عين شمس علم اسمة الشيخ سمير ) لانها بتتقاس بالمزورة و لو فى امكانية تتطلع على حمدى لادا وتجيب واحدة روسى وتقويها قبل ما تركبها عند الشيخ سمير بردة والعفشجى الى هيحل ويركب من 120 الى 200 ج وترجع تانى لبتاع الزوايا يديك النتيجة الاساسية ( عمل زى كسر العظام - اشعة قبل التجبيرة واشعة بعد التجبيرة ) وعلى فكرة المشكلة دى هى ابيخ عيوب الادا

مع العلم ان العبد لله اتنصب عليه من الصنايعية كتير خصوصا العفشجية

عمرك ما هتتعلم الا لم يتنصب عليك كلنا اتعلمنا كدة معلش يموت المعلم والا يتعلم
معلش هى مش قسوة ولكن فى علام بيقى بشكل دا

4_ عاوز اجيب 4 فرد كاوتش جداد عشان السفر وكدا وابقي مطمن اية احسن نوع ؟؟ فردة 13
وسعرها فى حدود كام ؟

البريدجستون حاجة محترمة ومش غالية زى ما الناس معتقد انا جبت الفرد ال 14 بمبلغ 380ج من التوكيل والترصيص مجانا وضمان على الكاوتش

5_ ودى اهم حاجة الفرامل عندى غيرت طقم الاتيال كله .. بس الطنابير متاكله شوية خصوصا الطنابير الي ورى وفرامل اليد عندى مش شغالة.. بس فرامى كويسة بنسبة 80% وانا متكيف عليها وبعرف اجرى بيها وبعرف اوقف العربية .. بس عايز اخلي الفرامى بتاعتى زى فرامل الزيرو باللمس .. مش بنفس الحال الي عليه دلوقتى؟؟ ياترى اعمل اية بالظبط وياريت تكلفة كل حاجة عشان انا بعمل الميزانية :d

الطنابير الى قدام لو وحشين الميكانيكى يبص عليهم لو عايز وش نضافة تتطلع على الخراط ب 10 ج يعملك نضافة لو وحشين خالص يبقى جوز استيراد لو بتعرف تنقية بحوالى 200ج و وراء نفس الكلام مع الاخذ انك هتجيب تيل جديد
فرامل اليد مش شغالة يبقى مفكوكة من مكانها يام عايز تتربط وتتشد 3 تاكة ودا بحوالى 20 ج
السلك مقطوع يبقى عايز يتغير اشترى سلك روسى يعمل حوالى 70 ج

معلش انا اسألتى كتير بس استحملونى

كلنا اخواتك وتحت امرك فى اى حاجة

الف شكر ياوزير معلش تعبتك معايا