مازدا 3 2007 1600cc استبترونك

**sherif309** · 25-01-2013 05:48 PM

السلام عليكم

اولا انا حابب اشكركم على المجهود الرائع الى الناس عميلينو هنا.

ثانيا انا عايز اسئل عن شويه حجات بما انى بئيت مذداوى جديد.

انا معروض عليا ماذدا 3 2007 1600cc استبترونك عامله 110 الف فابريقه بلاكامل بدون قلم بويه واحد بيتكلم فى 75 الف. اولا احنا معادنا بكرة للكشف عليها فى التوكيل وطبعا انا معرفش اقرب توكيل ليا فين مع العلم بانى انا وهوا من سكان مصر الجديدة فياريت حد يقلى اقرب مكان للكشف على العربيه فين وبكام وايه اهم حاجه ابص عليها فى العربيه. هيا كل كماليتها الحمد لله شغاله ماعدا كرستال المرايات متغيرة مش اصليه فعامله عضه فى الموتور لما بلف المرايه.

ويا ريت كمان حد يقولى قطع الغيار منين واسعارها ايه وانسب طريقه للمحافظه على العربيه

وشكرا ليكوا واتمنى ان اختيارى يكون فى محله

**medokassem** · 25-01-2013 06:45 PM

روح كشف عليها في سمارت كار حافظينها اكتر من التوكيل وخليه يفليهالك

سمارت كار

151 كورنيش النيل, المعادى, القاهرة

التليفون:
02-25243006 , 0111-6663662, 02-27030025 , 0111-0102091
اي استفسار انا في الخدمة

**sherif309** · 25-01-2013 07:37 PM

ربنا يخليك يا باشا والله مش ععارف اقولك ايه
طب متعرفش فى حدود كام الكشف الكامل؟ وايه بردو الى ابص عليه فى العربيه عشان اطمن وكدة سعرها حلو ولا ايه النظام؟. وقولى كمان مفيش حاجه مركز خدمه فى مدينه العبور اهه اقرب شويه

**medokassem** · 25-01-2013 08:28 PM

المشاركة الأصلية كتبت بواسطة sherif309

ربنا يخليك يا باشا والله مش ععارف اقولك ايه
طب متعرفش فى حدود كام الكشف الكامل؟ وايه بردو الى ابص عليه فى العربيه عشان اطمن وكدة سعرها حلو ولا ايه النظام؟. وقولى كمان مفيش حاجه مركز خدمه فى مدينه العبور اهه اقرب شويه

العفو ياكبيرنا والله ما فاكر الكشف يعمل كامبس اعمل حسابك ٦٠٠ بالكتير شامل عفشة وكهربا وميكانيكا وشاسيه
كبالن وقاعدة موتور اهم حاجة تشيك علي دول

**sherif309** · 26-01-2013 05:50 PM

الحمد لله انا خلصت فى العربيه على 71 الف بعد ما رفعتها فى التوكيل بس توكيل القاضى فى العاشر من رمضان هوا مش متخصص فى المازدا بس هناك ناس حبايبى وبيفهموا كويس.
المهم هى كل الى فيها مساعد جايب زيت وخفيف شويه بس شغال. وبارة دركسيون داخليه خفيفه سيكه بس مضرش وكفوف المرايات مش اصليه عشان كدة مبتلفش كويس فطبعا عايزين يتغيروا بس الحمد لله العربيه فابريقه بالكامل من الاكصدام للاكصدام.
المهم حد يقولى ابتدى ازاى بس المهم انى مهجمش على العربيه عشان ميجليش سكته انا عايز امشى واروق مع ان العربيه الحمد لله مش محتاجه ترويق
انا هغسل العربيه كير والموتور الاول فهل كدة صح ولا غلط واعمل ايه وانا بغسل.
ثانيا العربيه بتسحب جامد جدا والكيك داون بتاعها حساس جدى فهل دة طبيعى؟

انا دوشتكوا جدا يا ريت حد يرد وبعدين نكمل

**medokassem** · 27-01-2013 12:27 AM

المشاركة الأصلية كتبت بواسطة sherif309

الحمد لله انا خلصت فى العربيه على 71 الف بعد ما رفعتها فى التوكيل بس توكيل القاضى فى العاشر من رمضان هوا مش متخصص فى المازدا بس هناك ناس حبايبى وبيفهموا كويس.
المهم هى كل الى فيها مساعد جايب زيت وخفيف شويه بس شغال. وبارة دركسيون داخليه خفيفه سيكه بس مضرش وكفوف المرايات مش اصليه عشان كدة مبتلفش كويس فطبعا عايزين يتغيروا بس الحمد لله العربيه فابريقه بالكامل من الاكصدام للاكصدام.
المهم حد يقولى ابتدى ازاى بس المهم انى مهجمش على العربيه عشان ميجليش سكته انا عايز امشى واروق مع ان العربيه الحمد لله مش محتاجه ترويق
انا هغسل العربيه كير والموتور الاول فهل كدة صح ولا غلط واعمل ايه وانا بغسل.
ثانيا العربيه بتسحب جامد جدا والكيك داون بتاعها حساس جدى فهل دة طبيعى؟

انا دوشتكوا جدا يا ريت حد يرد وبعدين نكمل

مبروووووووك

لا متغسلش الموتور نصيحة
عارف ليه عشان فيه ١٢ حساس مش ناقصة واحد يبوظ دي اول حاجة تاني حاجة
طقم سيرفو
بوجيهات
فلتر هوا
فلتر بنزين
زيت موتور
ولو ماشية كتير زيت فتيس
سير دينامو
وشوف العربية هتبقي ازاي علي الطريق هتبقي غوووول
وطبعا غيرلها المساعد
ايوه يباشا طبعا سحبها فاااااجر والدواسة خساسة بعكس الكوري
انا طالع من جولف ٤ مكنه ٢٠٠٠ وانا عوبيتي جايبة فتيس ومعرفش يطلع مني ^_^
انا انشاء الله نازل العاشر من الاسبوع اللي جاي عشان الجامعة بتاعتي hti
ولو عزت اي حاجة للعربية دي هدلك علي سكتها ولو عرفت انزل ابص عليها اشوفهالك ^_^
ومبروك مقدما وطلع حاجة لله

**sherif309** · 27-01-2013 03:57 PM

حبيبى يا ميدو
والله احلى واجب, انا ساكن جمب المعهد وشغلى كمان يا معلم يعنى فى اى فسوة هتقلى انا هنا هقابلك واعمل معاك الواجب. انا هستلم العربيه بكرة ان شاء الله فياريت اشوفك قريب عشان انا مخضووووووووض من المازدا وركبى بتخبط فى بعضها ومبنمش.
كان معايا بومه 1300cc كنت حافظ فيها النمله وكنت بصينها وبوباتها وحساستها وغربنها وضبابيرها بنفسى كل جمعه عند البت. اما دى مش عارف هعمل ايه ربنا يعنى.

انا اهم حاجه عندى المرايات الموتور بيلف وبسمع صوته بس الكرستالات مبتتحركش والراجل قالى لانهم مش اصلى وشكلهم ملزوقين بسيليكون كدة فطبعا دى اول حاجه هنفضها فياريت تقولى اعمل ايه وبكام ومنين عشان بسمع ارقام معديه الفلنكات وممكن اقطع مرايه حمام وامشى بيها احسنلى

شكرا تانى يا معلم

**kokobom** · 27-01-2013 10:40 PM

طيب سؤال سريع بقى .. هو الباور بتاعها اتقل من اللنسر ؟؟ صح !! علشان انا جربت و حاسس كده و مش عارف ده عيب من العربيه ولا هى كده ؟؟ علشان قبل ماشتريها اكون عارف :d