الموضوع: ارجو اﻻفادة

اهلا بيك معانا يا تامر في المنتدي,الادا 2110 عربية حلوة ,سعرها للاسف مش عارف وصل كام ممكن تتصل بيهم في التوكيل ,عربية اعتمادية(لادا),اعتقد بدون باور بس بيركب لها باور ,بس مش منتشرة زي الدايو والفيرنا مثلا ,قطع الغيار متوفرة في التوكيل ,التوكيل سيئ بعض الشئ ,فيه منها مصر وروسي ,انتظر رد الاخ cobra ,حيث انة يتمتلك 2110,بالتوفيق

بصراحة يا اخ cobra انا مش عارف اشكرك ازاى على المعلومات الجميلة دى وجزاك الله كل خير

المشاركة الأصلية كتبت بواسطة cobraa2008

مافهاش باور بل هاف باور زي العربيات القديمة موديل التسعينات زي الابيزا وغيره

مشاء الله ربنا يباركلك فيها

بسش مافيش حاجة اسمها هاف باور

العربية يا فيها باور يا مافايهاش

لكن دي كلمة اخترعوها ناس دماغها عالية شوية

المشاركة الأصلية كتبت بواسطة cobraa2008

ازيك يا تامر انت عامل ايه واهلا بيك في المنتدى بتاعنا وان شاء الله تكون عضو نشيط معا المهم انا شايف انك بتسال عن 2110 وطبعا انا بشكر الاستاذ محمد انا رد عليك قبلي



طبعا خد الكلام ده عن تجربة ماشي
1- الادا 2110 سيارة ذات اعتمادية كبيييييييييييييييييييرة جدا
2- عالية عن الارض بتستحمل المطبات بتاعة مصر(( كل على 60-80 وروح ربط عفشة في الاخر فقط لا غير)) ايوة كل مطبات امشي بالسرعة اللي بتحبها شيل اوزان جوه العربية بتستحمل اقوووووووووووووووووووووي(( واسئلني))
3- 1600 سي سي 86 حصاااااااان ادائها موش بطاااااااااال قوي وبتاعة شد بس لما تعدي ال80 بتلاقي العربية طلقة معاك طبعا اخر العداد 185 او 190 موش فاكر علشان ماكنتش مركز وانا بقفله لما شديت مع هوندا سيفيك من سرعة 80 على العموم نرجع تاني
4- افضل ثباااااااااات ممكن تلاقيه في الفئة السعرية اي((سعر العربية بخلاف العربيات الاخرى))
5- ثباتها فوق الخيال لا مراجيح ولا بطيخ زي الفيرنا والانوس
6- استهلاك بنزين كويس
7- قطع غيارها رخصية مقارنة مع عربيات اخرى
يا عني (( تيل الفرامل الامامي يتراوح بين 65-75 فلتر البنزين 15 جنيه فلتر الزيت تقريبا 250-40 جنيه موش فاكر بالزبط تربيط العفشة في التوكيل تقريبا 20-30 جنيه فلتر الهواء 40-45 -50 جنيه حسب الصناعة

الفوانيس لو اتكسر الزجاج الخارجي تجيب ازاز كامل موش فانوس كامل
الشبورة الفانوس الاصلي ب 40 جنيه الواحد

السيور متوفرة بره

طقم دبرياج ب 450 جنيه بره في التوكيل ب650 جنيه


العربية فيها كمبيوتر ومكيف ياباني بيخلي العربية تلاجة لو ارعة في العربية


فيها عداد رحلات الفوانيس عدسات((لو عايز تركب زنزن ياعني))


واسعة من ورا وتشيل


شنطتها حاجة كبيرة خالص ممكن شخصين يناموا فيها عادي


دركسونها صغير وحاجة حلوة
صوت الماتور معقول لحد 3.5 وبعد كده لو حبيت تعيش في مود السبااااااق بجد موش بهرج ايوة صوتها تحفة بعد 3.5 او 4 كمان تحس انك راكب عربية حلوة


فيها تسجيل كلاريون وسماعتين سيمفوني




العيوب

مافهاش باور بل هاف باور زي العربيات القديمة موديل التسعينات زي الابيزا وغيره

التوكييييييييل زبالة وسعات قطع غيار ماتلاقهاش بره بس اغلب القطع بره

التوكيل نصاب وبيضيف مصنعية على قطع الغيار لو بتشتريها تقفيل مصري يا عني زبالة حبتين

سعرها يتراوح بين 58-60 الف جنيه وانت وشطارتك بقى

على العموم لو انت بتفكر تجيب هذه السيارة اتوكل وخدها وها تحبها



ولو كنت بتفكر في لانوس او فيرنا لا خليك في الادا

لوانتم عائلة وبتسفروا كتيييير خليك فيها

لو انت ببتعلم سواقة خدها صاجها حديد ويبترد على البارد





شكل العربية واخد من الانسر كريستالة على الكرولا القديمة وقليل من واجهية البي ام القديم (( مع تعديلات)) اه المصري الفوانيس بتاعتها رينجااااااااات

بليل في الظلام تحس اناها بي ام


وممكن تخش على موضوع cobra2110 في البوم صور الاعضاء وتشوف العربية

يا cobrra2008 والى باقى أعضاء المنتدى الكرام هل 2110 يباع منها جديد بالمبلغ المذكور أعلاة بتاع cobrra ولو فى جديد بيباع فين
رجاء توضيح ذلك بالتفصيل وشكرا