ليه مش نجدد

**Blondi** · 11-03-2013 10:55 AM

بسم الله الرحمن الرحيم

سوال محيرني ليه احنا البلد الوحيده الي عماله تقول العربيه دي مغيره نص وربع ومنزله رفرف والشنطه متبهدله والكلام دا

مع ان بره في روسيا العيال بتشيل كل حاجه في العربيه من جوه ومن بره وبترش العربيه كلها حتي صدر العربيه وحوض المكنه

وانا شايف ان الحل الوحيد للعربيات الي معانا خصوصا الموديلات القديمه اننا نفكها كلها كراسي وعفشه وعجل ومتور نطلع كل دا بره ونبتدي نعمل ليها احياء من جديد ودا حيريح من مشاكل كتير

انا بقيت احس ان الصنيعيه بقوا من علتي من كتر ما بروح ليهم لما قرفت

**hassanin_lada** · 11-03-2013 12:48 PM

ياباشا في ناس كتير بتعمل كده

بس لما يبقي سعر اعادة البيع مش فارق معاه

او هو عاوز حاجه معينه من العربيه وخلاص بعد كده ماتلزمهوش

او انه عارف انه مش هيبيعها خالص

كل مكان وليه عادات وتقاليد

انا قبل ماجيب الادا

اتفرجت علي 131 موديل 77 تقريبا

العربيه مافيهاش غلطه

جنوط اسبور

كراسي اوبل سوسته

متور بفتيس بعمود كردان بكارونه موديل 84

كاست و سامعات بايونير

اقسم بالله العربيه كانت منصوبه نصبه تحس انها دكر فعلا

بس طبعا الحلو مايكملش لانها كانت رشه حوض (علي كلام الراجل نضافه)

مع اننا طلعنا جربناها والعربيه مسطرة علي الطريق

وكل حاجه شغاله فيها تحس انها طالعه من المصنع

وطبعا البيعه طارة ولسه ندمان اني ماخدتهاش

**MEKAWY2000** · 12-03-2013 06:10 PM

انت لو بتحب عربيتك ومتمسك بيها هيبقى الموضوع ده سهل بالنسبه ليك السياره ادمان يعنى انا والحمد الله من الناس الى بتحب السياره مع العلم ان فى سيارات كتير مريحه فى كل حاجه لاكن انا حببها ولو فيها حاجه مانمش الى ماتخلص زى العيل الصغير لما يتعب تفضل تفرك الى ان يشفى ويروق هى السيارات مع اغلب الناس كده

**mohammed dodda** · 13-03-2013 12:25 AM

المشاركة الأصلية كتبت بواسطة MEKAWY2000

انت لو بتحب عربيتك ومتمسك بيها هيبقى الموضوع ده سهل بالنسبه ليك السياره ادمان يعنى انا والحمد الله من الناس الى بتحب السياره مع العلم ان فى سيارات كتير مريحه فى كل حاجه لاكن انا حببها ولو فيها حاجه مانمش الى ماتخلص زى العيل الصغير لما يتعب تفضل تفرك الى ان يشفى ويروق هى السيارات مع اغلب الناس كده

....كلامك مضبوط بس اللادا عيل رخم بزيادة يفرك وميخفش برضه