زجاج الفلوانس

**khaled_samy82** · 13-03-2013 01:47 AM

هو يا جماعة لة بطلت العربية و الزجاج نازل تحت مينفعش اطلعو غير و العربية دايرة؟ دة يبقة حوار مقرف اوى

**speed_magnum** · 13-03-2013 02:09 AM

جرب تشيل كابل البطاريه خمس دقايق وتركبه تاني

**abdo_2812** · 13-03-2013 07:10 AM

حضرتك كده بتكون مبطل العربية وشايل الكارت وفاتح الباب ... بفرض إن الفليونس زي الميجان :)
ده لو عربية حضرتك بكارت وده ما أتوقعه بما إن حضرتك مستغرب
كل ما في الأمر إن كهرباء العربية بتفصل في الحالة دي حضرتك مش لازم تدور العربية خالص وإنما تدخل الكارت مكانه وتدوس على زرار Start بدون الضغط على الفرامل، ده كأنك فتحت الكونتاكت بالظبط في العربية اللي بمفتاح وساعتها تقدر تستخدم الأنوار والكاسيت والسنتر وكل شيئ متعلق بالكهرباء :)

في نقطة تاني، أنا مش عارف عربيتك فيها وحدات رفع زجاج ولا لأ ... شفت كلام قبل كده إن موديلات فيها وأخرى مافيهاش
حاول تجرب تبطل العربية وتشيل الكارت وتخرج من العربية والزجاج مفتوح وبدون ما تقفله وبعد غلق باب السيارة اضغط زرار الـ lock في الريموت مرتين ورا بعض، لو الزجاج قفل يبقى كده عربيتك فيها وحدات رفع لو لأ يبقى لازم حضرتك تقفل الزجاج قبل إخراج الكارت من مكانه بعد ما تبطل العربية.

إن شاء الله أكون أفدتك
مع السلامة :)

**khaled_samy82** · 13-03-2013 09:48 AM

المشاركة الأصلية كتبت بواسطة abdo_2812

حضرتك كده بتكون مبطل العربية وشايل الكارت وفاتح الباب ... بفرض إن الفليونس زي الميجان :)
ده لو عربية حضرتك بكارت وده ما أتوقعه بما إن حضرتك مستغرب
كل ما في الأمر إن كهرباء العربية بتفصل في الحالة دي حضرتك مش لازم تدور العربية خالص وإنما تدخل الكارت مكانه وتدوس على زرار start بدون الضغط على الفرامل، ده كأنك فتحت الكونتاكت بالظبط في العربية اللي بمفتاح وساعتها تقدر تستخدم الأنوار والكاسيت والسنتر وكل شيئ متعلق بالكهرباء :)

في نقطة تاني، أنا مش عارف عربيتك فيها وحدات رفع زجاج ولا لأ ... شفت كلام قبل كده إن موديلات فيها وأخرى مافيهاش
حاول تجرب تبطل العربية وتشيل الكارت وتخرج من العربية والزجاج مفتوح وبدون ما تقفله وبعد غلق باب السيارة اضغط زرار الـ lock في الريموت مرتين ورا بعض، لو الزجاج قفل يبقى كده عربيتك فيها وحدات رفع لو لأ يبقى لازم حضرتك تقفل الزجاج قبل إخراج الكارت من مكانه بعد ما تبطل العربية.

إن شاء الله أكون أفدتك
مع السلامة :)

شكرا للردود بس هى بكارت و الكارت مش بطلعو من جيبى لما اجى ادور و لو دوست ستارت بس من غير فرامل بتفتح كونتكت بس بردة الازاز زى ما هو لازم ادور عشان الازاز يطلع

**socrate** · 13-03-2013 10:56 AM

حاول تضغط على زرار اللوك اللى فى الكرت مرتين كدا ورا بعض وانشاء الله هيرفع وهيبئا فيها وحدات رفع غير كدا هيبئا عندك حلين لو مش عاوز تدور العربيه الاول انك تحط الكارارت وتضغط استارت من غير فرامل والتانى انك تضغط استارت مع فرامل وتشيل رجلك بسرعه كدا العربيه زى ما تكون شغاله ومش شغاله

**MohammedAladel** · 13-03-2013 04:12 PM

بتدوس مرة واحدة على زرار start من غير فرامل المفروض يطلع وينزل عادى غير كدا يبقى فيه مشكلة

**karemof** · 14-03-2013 02:31 PM

السلام عليكم,

بص يا فندم الموضوع ده حله أنك تدخل الكارت مكانه حتلاقي الكهرباء كلها أشتغلت و المرايات فتحت وتقدر تفتح الأزاز زي ما أنت عايز, وبعد كده ممكن تشيل الكارت تاني علشان ما تنسهوش لو متعود على كده

**horas3000** · 14-03-2013 03:10 PM

المشاركة الأصلية كتبت بواسطة speed_magnum

جرب تشيل كابل البطاريه خمس دقايق وتركبه تاني

يا جماعة اوعوا حد يعمل كده
لو كبل البطاريه اتشال برمجه حاجات كتير بتتلغي و العربية مش هتدور

المشاركة الأصلية كتبت بواسطة mohammedaladel

بتدوس مرة واحدة على زرار start من غير فرامل المفروض يطلع وينزل عادى غير كدا يبقى فيه مشكلة

المشاركة الأصلية كتبت بواسطة karemof

السلام عليكم,

بص يا فندم الموضوع ده حله أنك تدخل الكارت مكانه حتلاقي الكهرباء كلها أشتغلت و المرايات فتحت وتقدر تفتح الأزاز زي ما أنت عايز, وبعد كده ممكن تشيل الكارت تاني علشان ما تنسهوش لو متعود على كده

ده الطريقة الوحيده للموديلات قبل 2013
ال 2013 فيها وحده رفع و ممكن تقفل الشبابيك من الكارت