عايز اجيب دى فى دى للعربية الاوبترا بتاعتى

**zikoofire** · 25-03-2013 02:29 AM

السلام عليكم يا شباب

محتاج مساعدتكم بخصوص سى دى بلاير يكون فيه دى فى دى وبلوتوث ويكون تاتش سكرين

انا كنت شايفه راكب فى عربية اوبترا بردو وكان فيه بلوتوث وكان جامد اوى لما تدخل بالموبيل جوا العربية يعمل pairing معاه اوتوماتيك ، فلوجالك مكالمات على التليفون بترد على طول من الكاسيت ، وهوا تاتش سكرين ، بس اللى شوفته الحقيقة كان كينوود ودا اكيد هايكون غالى
فلو حد يقدر يقولى احسن الانواع ايه واسعارها اكون شاكر ليكم

لو افضل اماكن البيع والتركيب كمان يبقى كتر الف خيركم

**mstool** · 25-03-2013 10:43 AM

بص السونى و الكينود و الحاجات دية من 2500 فما فوق
و فية ماركة صينى اسمها سيتى ساوند مشهوررة و نضيفة فى دى فى دى العربية و الكاسيت بتتباع فى شارع الازهر و عربيات كتير نضيفة مركباها بتبدا من 1200 الى 1900 انضف حاجة بالكاميرا بالبلوتوث بالجى بى اس بكل حاجة و فاجر و صوتة ميقلش عن الحاجات التانية عن تجربة و فية شاشات صينى برضة للاوبترا مكتوب عليها شيفرولية عشان تجبلك الويلكم سكرين اول ما تشغل الكاسيت و دة بيبدا من 2000 برضة و اعلى
شوف ناوى تدفع كام فى شاشة و كلة واحد على فكرة الصينى لا يقل لانى لاقيت كتير اوى سيراتو كوبية مركبين الصينى بتاع الكيا فملقتش فرق فى الصوت على العدد النضيفة اصلا

**akmm** · 25-03-2013 03:22 PM

وفيه بايونيير ... اسعاره من 2500 وهو هايل وموديلات منه كتير عند ارخصهم فى التوفيقيه .

**zikoofire** · 25-03-2013 10:33 PM

متشكر اوى يا رجالة ، لو فيه حد عنده صور او لينك فيه صور اكون متشكر اوى بجد
وياريت لو المكان او اسم المحل اللى بتتباع فيه كل حاجة وهل بيتم التركيب هناك ولالا