الموضوع: محتار بين جولف وجين 2 و فكترا و ميجان و بورا و أوكتافيا

بعد السلام
أريد أن أشترى سيارة مستعملة ولكنى فى حيرة من أمرى ولذلك رجاء المساعدة من أصحاب الخبرة والتجارب فى تلك السيارات الأتية :
* جولف من 2000 ل 2004 اختيارى الأول بالرغم من أنها أقل فى الأمكانيات عن اختياراتى الاحقة بم أن الغالب منها فى السوق مانيوال و 1400cc
* بورا 2000 ل 2003
* سكودا أوكتافيا موديل 2000 الى موديل 2004
* أوبل فكترا من 2000 الى 2003
* جين 2 من 2007 الى 2009
* رينو ميجان 2007 أو 2008
* بيجو 307 من 2006 ل 2008
* جراند بونتو من سنة 2007 الى 2009

مع مراعاة الأتى :
- سيارة تحتوى على ماتور قوى وجراااية فى السفر يعنى تجيب 190 كم فى الساعة ولو تزيد يكون أفضل
- سعر اعادة البيع يعنى مش عاوز أخسر فيها كتير بعد سنتين أو ثلاث سنين
- قليلة الأعطال يعنى مش عاوز أرووح للميكانيكى كل أسبوع وأيضا قطع غيارها تكون متوفرة
- تكيفها مقبول فى الصيف

وأخيرا وليس بأخره يا ريت يا جماعة كل اللى عنده معلومة ميبخلش بيها وبصراحة دى أول مشاركة لى هنا علما بأنى أستفدت كتير من هذا الموقع من فترة سابقة وعندما رأيت نفسى فى حيرة قولت أستشيركم لعله خير أن شاء الله

المشاركة الأصلية كتبت بواسطة تامر.محمد

ملاحظاتي :
انا ملاحظ انك بتتكلم في الاداء و الاعتمادية
فعموما الاعتمادية هاتخليك تستبعد ال307 فورا
كل العربيات دي اوروبي فتكييفها متوسط
قطع الغيار مش مرطرطة لكل العربيات دي , كل واحدة فيهم لها سككها
لو ناوي على التوكيل يبقى الميجان
لو بتتكلم في كماليات يبقى الميجان , و احتمال الجراند , بس ما اظنش دي قصتك
اعادة البيع هاتخليك تستبعد البيجو و الرينو و الفيات و الجين2


متطلباتك حيرتي بصراحة :)
طب قول ايه عندك اهم من ايه :)

بص يا باشا أولا شكرا لأهتمامك
ثانيا أنا فعلا متردد وبالذات أن رأيت أراء الناس مختلفة تماما بين تلك السيارات يعنى عجبانى الجين 2 بس بيقولوا بتستهلك بنزين وخاماتها تعبانة يعنى ألوان الزراير بتروح دة غير أن قطع غيارها غالية مثل الأوربى تقريبا بالاضافة الى سعر اعادة البيع ضايع أما بالنسبة للميجان والبيجو والجراند بونتو سمعت أنهم مش جامدين على السرعات العالية دة غير سعر اعادة البيع اللى حضرتك ذكرته تبقى المقارنة بين الاوكتافيا والجولف 4 وأنا من وجهة نظرى الأتنين ميفترقوش عن بعضهم كتير الا فى المساحة الداخلية وممكن تكون سعر قطع غيار الاوكتافيا أرخص شوية من الجولف 4 بس فرق بسيط يعنى على حد علمى وبالنسبة للماتورين أعتقد الاتنين فى قوة بعض نسبيا حتى وان كانت الجولف 1400 سى سى أقل من سعة الاوكتافيا 1600 سى سى فجسم الأوكتافيا أتقل من الجولف
معلش أنا حاسس أنى حيرتك معايا على العموم أنا عاوز عربية ماتووووور قوى وجراية وشكلها شيك أما بالنسبة للامكانيات فالتكييف والسنتر والباور وزجاج الكهربائى كافيين لى وطبعا متخسرنيش كتيير فى اعادة بيعها
ملاحظة بسيطة .. أنا معجب جدا بالجولف 4 والجين 2 مع العلم أنى جربت الجولف 4 على السرعات العالية ممتازة وال 200 كم فى الساعة بتجيبها عادى جدا مع الثبات أيضا أنما الجين 2 معنديش أى خبرة عملية لها أنما معلوماتى كلها عنها عن طريق الأنترنت
أسف على الأطالة ولكنى أردت التوضيح