الموضوع: ينفع اركب شاشة نافيجشن فى التوكيل رينو فلوينس

المشاركة الأصلية كتبت بواسطة koshakindnes

السلام عليكم

هو لو اشتريت الفئة التالتة الى فيها فتحة سقف ينفع اركب شاشة فيها بدل الى موجودة

هل اصلا موجودة الشاشة فى التوكيل وب 6000 ولا الكلام دا غلط ومش موجودة

وتحياتى

للمعلومه....نافيجيشين رينو الأصلى جاى من شركه Carminat Tom Tom و للأسف مش عاملين خرائط لمصر حتى الآن ده بالإضافة انك كمان هتحتاج لاريال للGPS علشان السيستم يلقط الإشارة.....لكن لو عايزه علشان تستخدمه كشاشه كبيره فقط فده قرارك.....
على فكره لو لسه مااشترتش ممكن تطلب أسبيشيال أوردر شاشه فى أى فئه سياره انت حاببها وده افضل بدل ما التوكيل هو اللى يركبها لان برده الصنايعى على قده و مش هتبقى بنظافه تقفيل المصنع

يا فندم ده من ذوق حضرتك......
الشاشة النافيجيشن جميله طبعا كشكل و كوظائف.....بتشتغل تاتش و طبعا بتدى شكل جميل للعربيه من الداخل
بالنسبة لنقطه حضرتك.....لاحظ أن الكاسيت مكانه و شكله مش بيتغير....اللى هيتغير هو الشاشة الزرقاء اللى فوق التابلوه فى المنتصف.....هيبقى مكانها شاشه ٥.٨ بوصه (الشاشه الجديده أكثر ارتفاعا من القديمة و لكن العرض واحد علشان إمكانية التبديل) كمان تكنولوجيا الشاشه نفسها بتتغير من tft إلى lcd يعنى من مربعات جنب بعضها بتكون بيها الحرف لشاشه تباينها أعلى بمراحل
السعر فى اعتقادى لن يتعدى ال ٦٠٠٠ جنيه باى حال من الأحوال و ده فعلا فرقها لو حضرتك نقلت من الهاى لاين اللى ب١٩٥ ألف إلى التوب لاين اللى ب٢٠٠ ألف ....فرق الشاشه و السيستم ٥٠٠٠ جنيه

المشاركة الأصلية كتبت بواسطة wael-mohamed

بعد اذن سيادتكم هو حضراتكم بتتكلموا على العربيات اللي في مصر والا بره ؟
علشان جميع سيارات رينو في مصر حتى فلوانس الجديدة مابينزلش فيها شاشة وسعرها بدون تركيب 6000 جنيه فعلا ولا تعمل سوى لاظهار البيانات فقط كما ان الشاشة الخاصة بالفلونس مع الكاسيت موجودة في شارع دمشق ب4500 شاملة التركيب وتشغيل gps وتركيب كاميرا خلفية والشاشة باللمس هي مش فاكر 5 او 6 بوصة
بالنسبة لطلب العربية اسبشيال اوردر هيبقى اغلى لعدة اسباب اولا جمرك العربية هيختلف ثانيا شحن العربية هيختلف لان هناك احتمال تتشحن لوحدها كمان التوكيل هيحمل العميل مصاريف طلب العربية بالشكل ده من المصنع فمتهيالي السعر هيزيد مش اقل من 10 او 15 الف جنيه واسال وشوف .

يا فندم احنا بنتكلم عن مصر طبعا
الفلوانس فيها فئه اسمها Top line نازل فيها شاشه نافيجيشين مع إظهار الملفات الصوتيه و الساعه و الحراره و خلافه
سعر الفئة دى ١٩٩٩٠٠
بالنسبة للSpecial order احنا مش بنقصد السيارة .....احنا بنقصد الكماليات تبقى Special order و دى بتيجى مع باقى سيارات الوكيل عادى جداً و بدون فرق جمارك يذكر أو شحن مختلف.... كل الفرق أنها مخصصه لشخص معين بالحجز و هيدفع تمن الكماليات الإضافية بعد الاتفاق عليها مع العميل من قبل الطلب.
لاحظ أن فرق النافيجيشن عن الفئة اللى قبلها ٤٩٠٠ جنيه بالتمام و الكمال شامله شحن و جمارك و كل حاجه.....يعنى الفئة اللى ناقصه النافيجيشن سعرها ١٩٥٠٠٠.......