مهزلة موبينيل و شركة رينج !!!!

**Vet.Mera** · 18-05-2013 02:12 AM

تخيلوا كده لو حد فيكوا راح يشتري موبيل من شركة مفروض انها محترمة و تلاقي فيه عيب تصنيع و تروح موديه لشركة الصيانة و بعد ما توديه يفضلوا يقلولك النهاردة بكرة بعد اسبوع بعد يومين و تفضل شهر و نص من غير فايدة و جهاز حماية المستهلك ما بيعبروش حد لا و الادهى من كده لما تحب بقى تاخد حقك و ترفع قضية و تسال عن عنوان ادارة الشركة اللي هتخاطبهم عليها يقولك ما عندناش!!!!!
يعني شركة كاملة مالهاش كيان و لا عنوان و لا موقع الكتروني حتى و لا ادارة زي باقي الشركات
طب لما الواحد يحب ياخد حقه في البلد دي يعمل ايه؟؟؟
الموضوع للي يحب يقرا تفاصيله بالكامل عشان تاخدوا بالكم في مدونة "رسائل من قلب الميدان" "احذر !! قبل ان تشترى موبايل من موبينيل ويكون ضمانه مع رينج – معاناة ومماطلة" و ياريت بجد تخلوا بالكم اوي و ما تشتروش حاجة من اي شركة الا بعد ما تتاكدوا انها شركة محترمة و الضمان بتاع اجهزتكم مع حد محترم لان حقيقي التليفونات المحمولة دلوقتي اصبحت غالية جدا و مفيش مجال ان الفلوس دي كلها تروح عليكوا
و ربنا يسترها علينا كلنا

**speed_magnum** · 18-05-2013 02:14 AM

شکرا علی التنبیه

**miceg** · 18-05-2013 05:02 AM

بصراحة كلامك مظبوط
هي المجموعة كلها بتاعت موبينيل ولينك دي اس ال
لمواغذة يعني .............
هديلك مثال صغير
كان في عرض لينك كانت منزلاه وهو مضاعفة السرعه بمبلغ رمزي 20 جنيها
المهم العرض انتهى
مش يرجع سعادتك لسرعتك ألاصلية
لا ده حطك فالسرعة ال 4 ميجا من غير مايقولك
والغريبة انك لما تطلب تغير السرعة لسرعة أقل
يتقالك لازم تشرفنا فالفرع
هو وقت الناس عندكو تافه للدرجادي
بالرغم اني الاونر بتاع الخط وبكلمه من الرقم اللي عليه الخدمة
مش ناقص إني اطلعله من شاشة مكتبه عشان يتأكد إنه انا
يعني اشمعنى اي حاجة او اي زيادة فالسرعة او حاجة من هذا القبيل بتخلص بالتليفون
انما الكنسليشن اللي بيدخلّكو فلوس مقرفين فيه
بقالي شهرين بدفع فواتير خط 4 ميجا ومش مستفاد بالسرعة دي فحاجة
منطق بشع وسياسة حقيرة
يارب أكثر من المنافسين خلينا نخلص من ألاشكال دي