مساعدة من خبراء الصوتيات في اختيار جي ام و بازوكا

**ahmedpharma** · 30-05-2013 12:14 AM

السلام عليكم
ازيكم يا شباب

الموضوع أن عربيتي راكب فيها كاسيت صيني دبل دن اللي هو فيه (تاتش و بلوتوث و جي بي اس و فلاشة و الخ الخ)
المهم الكاسيت ده على أد كل الامكانيات دي صوته ضايييييييييييييييع يعني مش حاسس بنقاء الصوت أو بالبيز تماما مجرد صوت طالع و خلاص

الكاسيت ده شغال على سماعات الأبواب الأربعة (النترا 2007 )

و أنا مش عايز أخرم في الرف اللي ورا و أركب سماعات

فكرت اجيب جي ام و بازوكا و اركبهم على الكاسيت ده عشان أحس بفرق في جودة الصوت

مش عارف ده كده هيبقى تمام و لا محتاج أغير سماعات الأبواب (بيتهيألي أن سماعات الالنترا كويسة)

المهم أنا مش من هواة الصوت العالي أوي و الكلام ده أنا بس محتاج صوت نقي و بيز واضح بس مش مهم يكون عالي

أجيب جي ام نوعه ايه أشغله على الأربع سماعات و البازوكا

و أجيب بازوكا نوعها ايه ( أصغر بازوكا ممكن أجيبها عشان تبين البيز بس مش عايز صوتها عالي )

تنصحوني بايه يا خبراء الصوتيات

**mody_mt2007** · 30-05-2013 12:44 AM

بص يا بوب بما انك مش من هوات الصوت العالى و الكلام دا يبقى اللى هتدفعة فى البازوكا و الجى ام هاتلك بية كاسيت محترم ( بايونيير او سونى ) و ريح دماغك من وجع القلب دا و هتسمع صوت محترم جدا

**magedkahla** · 30-05-2013 04:05 AM

بص طلاما مش من هوات الصوت العالي والبيز العالي يبقى البزوكة ملهاش لزمة لإن البيز بتعها عالي اوي فانا رأي بردو تبيع الكاسيت إل معاك وتجيل حاجة بيونير محترمة

**ahmedpharma** · 31-05-2013 08:40 PM

شكرا يا شباب على ردودكم الجميلة

أنا رحت ادريان المعادي النهارده و وريته الكاسيت و سألته عن رأيه

و طبعا سألته عن تغيير الكاسيت قاللي أن مفيش كاسيت براند (بيونير أو سوني) دبل دين فيه جي بي اس و بلوتوث مع بعض
الموجود فيه بلوتوث فقط

قلتله أنا مش هستغنى عن ال جي بي اس

المهم رأيه أني أغير سماعتين البابين الأمامين بسماعتين سوني مدور 300 وات

و أعمل رف ورا و أركب فيه سماعتين بيونير 500 وات

و أركب جي ام 400 وات 4 تشانيل و أوصل عليه السماعتين البيونير

و ألغي سماعتين الأبواب الخلفية

و قاللي بلاش بازوكا أو صب لأنهم هيعملوا صوت عالي أوي و أنا قلتله أني مش عايز دربكة جامدة

بصراحة مش عارف

أنا مش عايز أخرم في الصاج عشان أركب سماعات في الرف اللي ورا
و حكاية الغاء سماعات الأبواب الخلفية دي مش عاجباني

مفيش حد من الخبراء يفيدني برأي

**Ahmod** · 01-06-2013 03:10 PM

المشاركة الأصلية كتبت بواسطة ahmedpharma

شكرا يا شباب على ردودكم الجميلة

أنا رحت ادريان المعادي النهارده و وريته الكاسيت و سألته عن رأيه

و طبعا سألته عن تغيير الكاسيت قاللي أن مفيش كاسيت براند (بيونير أو سوني) دبل دين فيه جي بي اس و بلوتوث مع بعض
الموجود فيه بلوتوث فقط

قلتله أنا مش هستغنى عن ال جي بي اس

المهم رأيه أني أغير سماعتين البابين الأمامين بسماعتين سوني مدور 300 وات

و أعمل رف ورا و أركب فيه سماعتين بيونير 500 وات

و أركب جي ام 400 وات 4 تشانيل و أوصل عليه السماعتين البيونير

و ألغي سماعتين الأبواب الخلفية

و قاللي بلاش بازوكا أو صب لأنهم هيعملوا صوت عالي أوي و أنا قلتله أني مش عايز دربكة جامدة

بصراحة مش عارف

أنا مش عايز أخرم في الصاج عشان أركب سماعات في الرف اللي ورا
و حكاية الغاء سماعات الأبواب الخلفية دي مش عاجباني

مفيش حد من الخبراء يفيدني برأي

بص يا باشا الصب او البازوكا هيديلك بيز !! اه هينقي الصوت لانك هتفصل بيز السماعات والبيز بشكل كبير هو اللى بيعمل خربشة في الصوت لما بيطلع من السماعات على الصوت العالي

بس برضوا مش هيديلك النقاء اللى انت متخيله !! لان النقاء ده في الاول وفي الاخر سماعات مش صب او بازوكا

انا رايي الشخصي القصة اللى دخلك فيها ادريان دي هتدفع فيها كتير وانت بتقول انك مش من هواة الصوت العالي

وسماعات الابواب مش بتدي الصوت المطلوب !! انت محتاج سماعات ورا

فانت ممكن تعمل الرف اللى ورا بس تتاكد انه هيعملك رف مش هيخرم في صاج العربية

وتركب عليه سماعتين كينود 500 وات

وتجرب !! ادالك الاداء اللى انت عايزه كان بها وزي الفل

حبيت تزود الاداء شوية تركب على السماعتين دول اي جي ام سواء بايونير او سوني او سيموفني حاجة كدة 300/400 وات هتديلك الاداء اللى انت عايزه وزيادة كمان