عفشة ومساعدين الفلوانس

**ymthmy** · 30-05-2013 12:17 PM

السلام عليكم
كنت حابب أسأل الناس اللي معاهم الفلوانس عن موضوع المساعدين والعفشة
أنا في الرياض - السعودية- واشتريت الفلوانس 2013 بس الشكل القديم
العربية ما شاء الله عليها في كل شيئ
ملاحظتي الوحيدة موضوع العفشة بتاعتها
أنا لما بشوف المساعدين بتوعها وهي واقفة بحس انهم كويسين جدا
انما وانا ماشي حاسس بكل كسر في الأرض بكل حاجة بمشي عليها وخصوصا ان هنا في الرياض مهتمين أوي بزيادة عيون القطط اللي بتبقي في الطريق
بحس ان العفشة غير مرنة بالمرة
قبل كدة أخدت مطب ( حفرة في الطريق ) حسيت ان العربية مفيهاش مساعدين أصلا بس الصراحة العربية الحمد لله أخدت المطب وبعدها محصلش حاجة خالص
علي الفكرة العربية عاملة 2100 كيلو فقط ولما رحت صيانة الألف قولت للمهندس علي مشكلة العفشة دي قاللي ده عشان العربية جديدة وهتتظبط مع الوقت بس حسيت انه بيقوللي كده وخلاص لأن كان عندي شوية ملاحظات تانية
عايز رأي أهل الخبرة في الفلوانس في الموضوع ده عشان مقلقني أوي وساعات بصراحة بحس بالندم علي اختياري للعربية بس بصراحة ساعات تانية كتييييييييير بحبها جدا وبحس ان ربنا وفقني في اختيارها والحمد لله

**aldesha989** · 30-05-2013 12:57 PM

الشكوى دى من الناس كلها ان العافشه بتاعتها ناشفه شويه

بس انا رائي انك تستنى عليها شويه وان شاء الله هتنعم معاك لو ما نعمتش معاك عند صيانه العشره خليهم يغيرولك العفشه