مساعد أمامى مازدا 3

**amarsafy** · 03-06-2013 10:55 AM

السلام عليكم،
من أسبوع سمعت صوت دربكة عند الموتور ناحية الشمال، فرحت رفعتها فى بنزينة لقيت المساعد شمال جايب زيت.

بناء علية رحت الصيانة (عندى صيانة 40 ألف) و بلغت عن المشكلة. بعد كام ساعة خلصو و بلغونى انهم غيرو المساعد الشمال و اليمين كمان لأنه كان على وشك و دا تحت بند الضمان (مازدا 3 موديل 2010).

محتاج أعرف هوا عادى معروف ان مساعدين المازدا بتضرب كدة ة لا أية لأنى مش بضرب مطبات بقدر الامكان.

تحياتى

**Thebutcherr** · 03-06-2013 11:52 AM

لا هو مش عادى يا ريس بس وارد و عشان كده اتعمل الضمان !!

**amarsafy** · 03-06-2013 03:12 PM

تسلم يا جميل

**pioneerahmed** · 03-06-2013 10:00 PM

المساعدين بتوع المازدا الاصلى صناعة تايلاندى و ناشفة

**janjon1978** · 06-06-2013 11:52 PM

المشاركة الأصلية كتبت بواسطة pioneerahmed

المساعدين بتوع المازدا الاصلى صناعة تايلاندى و ناشفة

no .. not made in Thailand
the front shocks made in poland and the rear shocks made in Czech
وفعلا بيبوظو بسرعة انا غيرت الامامين على ٨٠ الف ونصحيتى ليك لما بيبوظوتاني هات مونرو او KYB

**topstar** · 15-06-2013 06:08 AM

انا كمان انصحك بالمونرو... ركبتهم عندي 3 سنين بجد محترمين جداااااااااا وعليهم ضمان سنه ..

**hos3ziz** · 16-07-2013 12:38 PM

لو سمحت كنت جايبهم من فين المونرو لأن أنا دلوقتي بسأل عليهم مش موجود غير أصلي ب2000 جنيه و kyb ?

**topstar** · 18-07-2013 08:13 AM

كنت جايب المونرو من فرع ليهم كان في وسط البلد ... بس علي ما اعتقد المكان اتغير... بس ليهم فرع تاني .. بس كنت جايب الاتنين اللي قدام بــ 1100 بس بجد قمه الاحترام.. مساعدين حلوه جدا .. انا هغيرهم قريب لان حاسس انهم خلاص بقي 3 سنين شغل كفايه عليهم اوي... ولو عرفت سعرهم الجديد والمكان ياريت تعرفنا هنا عشان الكل يستفاد

**hos3ziz** · 18-07-2013 01:00 PM

المشاركة الأصلية كتبت بواسطة topstar

كنت جايب المونرو من فرع ليهم كان في وسط البلد ... بس علي ما اعتقد المكان اتغير... بس ليهم فرع تاني .. بس كنت جايب الاتنين اللي قدام بــ 1100 بس بجد قمه الاحترام.. مساعدين حلوه جدا .. انا هغيرهم قريب لان حاسس انهم خلاص بقي 3 سنين شغل كفايه عليهم اوي... ولو عرفت سعرهم الجديد والمكان ياريت تعرفنا هنا عشان الكل يستفاد

أنا أعتقد ان في محل فى شارع دمشق شغال فى مونرو هبقي أروحلوا أسأل , هو الأنا سألت عليهم كان kyb بيقولوا كان حلو بس الموجود دلوقتى مضروب ب850جنيه و نوع تانى بيقولوا أسبانى اسمه bsg و هو ولا مكتوب عليه أسبانى ولا حاجة هو كان ب1100 تقريبا فبصراحة مش ضامنه برضو, فكده المونرو أعتقد أفضل الحاجات الموجودة دي كلها و الله حتلاقيه أحسن من الأصلى كمان ب 2200 جنيه و بولندي مش يابانى و بيضربوا بسرعة جدا, فأنا هسأل على المونرو فى شارع دمشق اليومين دول و ارد عليك إنشاءالله

**topstar** · 19-07-2013 07:31 AM

حبيبي تسلم... وهنتظر ردك برضو... وانا هسأل واللي يعرف يقول برضو هنا عشان الكل يستفاد ..

الموضوع: مساعد أمامى مازدا 3

LinkBack

أدوات الموضوع

عرض

-

-

-

المواضيع المتشابهه

حد يعرف سعر 2 مساعد أمامى ماتريكس , واحسن نوع , ومنين

طقم بلى أمامى للنيوأكسنت . استفسار؟

ايهما افضل للفورد اسكورت مساعد زيت ولا مساعد غاز وزيت؟

استفسار عن اكصدام مازدا 3 2009 أمامى

مساعدين أمامى جين 2

الكلمات الدلالية لهذا الموضوع

المفضلات

المفضلات

ضوابط المشاركة