جلد الارضية ب 500 جنيه ,,,,معقولة !!!!!!

**hamid20** · 15-06-2013 05:14 PM

كنت عند سروجى امبارح وقالى جلد الارضية ب 500 جنيه !!!!!!

وهيفك السقف بس علشان السمكره ومش هيغيره ب 300 جنيه !!!!!!!!
ايه رأيكم فى الكلام ده ؟؟؟
وعايز اعرف اسعار الخامات اللى هتستخدم ؟؟
وعايز اعرف سعر فرشة الابواب الاربعة كام ؟؟
وسعر ل فرش جديد للكراسى ؟؟
وكمان سعر تجليد التابلوه ؟؟

معلش الاسئلة كتيرة بس انا عشمى فيكم كبير
والف شكر مقدما

**yousefsemsem** · 15-06-2013 09:52 PM

طبعا ده اسمه استهبال واستعباط في الاسعار انت تعمل العربيه كلها فرش ب1000 جنيه فك وتركيب وجلود كمان

**amrelsaqqa** · 15-06-2013 09:55 PM

اخويا سأل من فترة سروجى وقال له نفس الرقم بالظبط للارضية الجلد !
طبعا الارضية عندى كانت متبهدلة لما لقيت كدة قمت جاي فاككها وغاسلها غسلة محترمة ومركبها تانى والعربية رجعت زيرو !
بس انا ساعتها قلت الراجل ده اكيد بيستهبل والسعر اكيد اقل من كدة بكتير !

**ahmed salah90** · 15-06-2013 10:02 PM

لا يا عم انا عملها من سنتين ب 150 جنيه تقريبا و حاجة نضيفه و في اسماعيلية كمان يعني في القاهره اكيد اقل

**mahgoup** · 15-06-2013 10:30 PM

انا سالت واحد سروجى قالى ياخد 100 جنيه مصنعيه وسالت على الجلد نوع كويس لقيت المتر ب25جنيه فى اربعة يعملوا 100جنيه يعنى كله200جنيه
وسالت من فترة عند واحد تانى قالى الجلد من عنده بتركيبه 250 ولوحعمل الشنطة يبقى 300

**mahgoup** · 15-06-2013 10:33 PM

اما بالنسبة لفرش الابواب واحد قريبى اشترى فرش الابواب الاربعة ب60 جنيهة وركبهم ب25 جنيه

**hamid20** · 15-06-2013 11:23 PM

الف شكر يا رجالة
انا سألت عند سروجى تانى وقالى هياخد مصنعية 80 جنيه على الارضية وانا اللى هجيبله الخامات
وبالنسبة للكسوة الجاهز فمصنعية تلبيسها وتظبيطها ب 100 جنيه
الكسوة الجاهزة الكويسة تعمل كام ؟؟؟
وتجليد التابلوه بكام؟؟

**hamid20** · 15-06-2013 11:39 PM

معلش يا رجالة فيه خطأ فى المشاركة بتعتى اللى قبل ده ,,,, المصنعية 250 جنيه شاملة الارضية وتركيب وتظبيط الكسوة الجاهزة

**hassanin_lada** · 16-06-2013 12:17 AM

المشاركة الأصلية كتبت بواسطة hamid20

معلش يا رجالة فيه خطأ فى المشاركة بتعتى اللى قبل ده ,,,, المصنعية 250 جنيه شاملة الارضية وتركيب وتظبيط الكسوة الجاهزة

المصنعية دي معقوله بس بلاش تخليه هو اللي يجيب الخامات بتاعت الارضيه لان في 3 اونواع ب 3 اسعار

في حاجه ب 25 وفي حاجه ب 40 وفي حاجه ب 60 يفضل اللي ب 40 كويسه جدا

فرش الابواب ب 60 جنيه ومش محتاج توديهم عند حد انت اللي تركبهم سهلين يعني مافهمش افتكاسه

تجليد التبلو دي عند اي حد بتاع اكسسوري هتبقي في حدود 70 جنيه ممكن اقل ممكن اكتر خد سعر من كذا واحد وشف الافضلية بالنسبالك

فرشات الكراسي في ب 150 لحد 1000 جنيه انت وميزانيتك بردو لف وشوف لان الحاجات دي بتبقي خامات ونقشات ومصانع مختلفه فمحدش هيعرف يفيدك فيها

**hamid20** · 16-06-2013 09:33 PM

ان شاء الله هاجيب كسوة جاهزة للكراسى ,,,,ياريت تقولولى اهم النصايح والملاحظات وانا بشترى علشان مدبسش(الميزانية من 200 الى 250 ) ؟؟؟؟

العربية لونها سن الفيل وهادهنها(هى فى السمكرة حاليا ) ان شاء الله يا ترى احسن لون للادا 2107 ايه ؟؟؟؟ وياترى لو غيرت اللون ,,,ايه المشاكل اللى هتقابلنى فى الترخيص ؟؟؟
وايه احسن لون للكسوة اللى هاجيبها لو اللون فضل زى ما هو (سن الفيل) مع العلم انى هاجيب الكسوة لونين مش سادة ؟؟
والف شكر مقدما