الموضوع: انتبه قبل شراء نيسان الشكل الجديد

والله أنا شايف إن فيه تحامل جامد علي العربية......أنا شايف ان العربية زي الفل وبقالها معايا حوالي 3 شهور مع العلم اني بمشي بيها حوالي 100 كيلو في اليوم.....بصراحة أنا شايف ان الناس بتتلكك وعاوزين حاجة نازلة من السما.....حرام نبوظ سمعة عربيا كويسة علشان الكاوتش بيلم طوب والكلام الفارغ ده خصوصا ان الشحنات الجديدة كلها محدش بيشتكي منها.....أعرف كذا واحد جايبين العربية وفيهم اللي عمل 20 ألف كيلو ومحدش اشتكي من كل الهيصة دي غير مشكلة التنابير الصراحة والتوكيل غيرهاله).......يا جماعة أنا حاسس اننا بقينا مش طايقين نفسنا.....جربتوا تركبوا الإلنترا الجديدة أو السيراتو 2014 وتشوفوا الكوارث اللي فيهم.....ومع ذلك ولا حد بيتكلم......يا ريت نبطل تلاكيك.....وردي لصاحب الموضوع كالأتي:
1- الكاوتش سئ جداً جداً يلم طوب . (معاك حق بس دا مش عيب في العربية الكاوتش هيتغير والعربية هتفضل)
2- سيمفونية الطوب التى لا تتوقف بسبب عدم وجود كرتيرات على العجل. ( نفس الصوت سمعته في الإلنترا بالرغم من وجود كارتيرات)

3- استكما السيمفونية صوت صفارة فى الفرامل وبعد متابعات مع التوكيل اعترفوا أن هناك عيب تصنيع فى الطنابير الأمامية ولكن للأسف غير متوفرة منذ أكتر من شهر. ( معاك حق مشكلة فعلا بس الحمد لله مظهرتش مع حد أعرفه غير واحد بس)
4- صوت الفرامل إذا ضغطت عليها من الوقوف تسمع صوت عربية نقل وقد اشتكيت منها ولا حياة لمن تنادى. (مشكلة فردية وعمري مسمعت حد بيشتكي منها)
5- قطع الغيار غير متوفرة اتكسر عندى الفانوس الخلفى يمين وسألت عليه فى التوكيل أكثر من مرة منذ ما يقرب شهرين ولا يوجد. ( جرب تسأل في أكتر من توكيل لأني عملت حادثة بعيد عنك وعن السامعين والحمد لله كل قطع الغيار كانت متوفرة في اوتو ايجيبت)
6- الزجاج الخلفى للسيارة أصيب بسرطان الزجاج بعد 3000 كيلو. (مشكلة طبعا بس كفاية إنك تعرف ان اي زجاج معرض لكده وملهاش مقياس وبرضه ده ميعيبش العربية لأن الزجاج هيتغير والعربية هتفضل زي مهيا)
7- خامات الطلبوه سيئة جداً. (واضحة وإنت بتشتري العربية .....إشتريتها ليه؟)
8- تقفيل الفرش والشنطة سئ. ( بالرغم من اعتراضي لأني شايف الفرش كويس جدا والشنطة مقبولة مش ممتازة بس برضه هقولك منت شايفها وانت بتشتريها .....اشتريتها ليه؟)

يا ريت حضرتك متزعلش مني بس أنا شايف ناس كتير بتختار الحاجة اللي مش علي هواها وبعد كده تشتم فيها وخلاص.....