محتاج نصيحة مستعجلة فى شراء سيارة لو سمحتو

**khalid.abdalla** · 31-07-2013 03:54 PM

انا خالد
عاوز أشترى عربية مستعملة لأول مرة هركب عربية
محتار أجيب اية
انا حاطط رينج من 40-50 ومش عارف ممكن أجيب اية كويس وميتعبنيش فى صيانتة وتكاليفة
حاجة تانية ..هل فى عربية أوتوماتيك فى الرينج دة تكون حالتها معقولة ؟

منتظر ردكم...شكرا

**AlGazar2** · 31-07-2013 04:17 PM

دايو نوبيرا احسن حاجة فى الرينج ده قيمة مقابل سعر و ما تخسرش فى اعادة بيع و قطع غيار متوفرة
بس بلاش منها اوتو الا لو هتعاملها فى الصيانات بتاعه الفتيس مظبوط و قبل الميعاد عشان الاوتو بتاعها ضعيف شوية بس الفتيس الاوتو بتاعها استيراد بالف جنية + او - 200 جنية

**khalid.abdalla** · 31-07-2013 04:25 PM

شكرا على ردك

أنا واخد قرار انى هعمل صيانة منتظمة للعربية الى هجيبها ان شاء الله

بس انا اول مرة اسوق عربية وفى ناس خوفتنى من المانيوال وانه هيتعبنى وخصوصا انى هسوق مسافات طويلة

ففكرت فى الأوتوماتيك ومش عارف المبلغ دة يجيب حاجة اتواماتيك ولا لا

النوبيرا كام سى سى ؟

**Land_Cruiser** · 31-07-2013 04:54 PM

المشاركة الأصلية كتبت بواسطة khalid.abdalla

شكرا على ردك

أنا واخد قرار انى هعمل صيانة منتظمة للعربية الى هجيبها ان شاء الله

بس انا اول مرة اسوق عربية وفى ناس خوفتنى من المانيوال وانه هيتعبنى وخصوصا انى هسوق مسافات طويلة

ففكرت فى الأوتوماتيك ومش عارف المبلغ دة يجيب حاجة اتواماتيك ولا لا

النوبيرا كام سى سى ؟

لو المسافات طويله بس الطرق فاضيه المانيوال مش هيضايقك خالص . المشكله لو كانت الدنيا زحمه و الطريق مش ماشي حتي لو مسافه قصيره لان ساعتها هتضطر تنقل كتير و ده اللي بيزعل الناس من المانيوال . من الاختيارات برضه الفيرنا و هتبقي موديل 2008 او 2009 ممكن تبقي في أوائل الخمسينات و اتوماتيك

**khalid.abdalla** · 31-07-2013 11:49 PM

شكرا على ردك...الفيرنا هتبقى فى حدود 55 او اكتر واناا مش هقدر اوفر المبلغ دة دلوقتى
انا عاوز حاجة فى حدود 45 مثلا

**mhopa2440** · 01-08-2013 01:14 AM

شوف حضرتك رنج الفلوس دي هتتكلم ف العربيات الاتية
دايو (لانوس 1 او 2 نوبيرا 1 او 2) هيونداي (فيرنا ) كيا ( سيفيا أو شوما) وممكن لانسر كريستاله دي تقريبا افضل العربيات من حيث اعادة البيع وسعر قطع الغيار والصيانة

انا ارشح ليك بكل قوة افضل العربيات فيهم على الإطلاق
كيا شوما أو سيفيا (الاثنين زي بعض في كل شئ عدا الشكل الخارجي فقط)
ثم النوبيرا (بس استهلاك النزين عالي شوية جوه البلد)

طبعا الكيا شوما هي الافضل واسئل ناس معاها العربية دي مستألش حد ميعرفش عنها حاجة اسئل واحد عنده شوما عربية ممتازة ف كل شئ مساحة داخله افضل من اللانوس والفيرنا معدل استهلاك بنزين قليل بالنسبة للنوبيرا قطع غيار وصيانة متوفرة وبنفس سعر النوبيرا والاوتو منها جميل جدا في جميع الاحوال لازم تراعي الفتيس الاوتوماتيك وتستخدمه صح وهيعيش معاك سنين

وربنا يوفقك ان شاء الله