الموضوع: شوية استفسارات في صني الشكل القديم 2013

الف الف مبروك وربنا يبارك لك فيها ويعطيك خيرها ويكفيك شرها
واختيارك لهذه العربيه اختيار صائب

الله يبارك فيك يا باشا، الحمد لله ربنا وفقني في اختيارها بعد استشارة الرجالة في المنتدي واجماعهم على الشكل الجديد

لا تقلق ده طبيعى لان الباور بتعها مش كهربا وهو مش تقيل للدرجه اول ما تتحرك بيخف وبيبقى ميه ميه

تمام وانا حسيت بدة فعلا، ويمكن انا احساسي بتقل في الطارة لان كان معايا اوكتافيا وكانت خفيفة جدا وجت فترة سوقت فيها عربية خالي كيا ريو، ودي كان دركسيونها مية بمعني الكلمة ، فممكن الاحساس يكون مني انا فقط

اسبوع كده وهتتعود عليه وهتحس انه طبيعى

فى زرار لونه احمر ده زرار اللوك ده اول ما تجيب العصايه على p وتشيل المفتاح بيبقى عامل لوك للعصايه
على شان ما تتحركش لكن لو حبيت تحركها لاى غرض من غير ما تفتح كونتاكت فبدوس على الزرار الاحمر ده يفك اللوك بتاع العصايه وتقدر تحركها

وفى زرار تانى فى العصايه نفسها غير النيكل ده بتاع الكيك داون وده بيخلى الفتيس يحرق على الغيارات كلها وبيخلى الفتيس ينقل الى النقله الثالثه فقط وده ما دوس عليه الا لو عايز تحرق على الغيارات كلها وده بيخلى فى زياده كبيره فى سحب البنزين

الزار الاولاني دة تمام انا فهمت فكرته، لكن مش لاقيله لزمة بصراحة، ماهي العصاية عمرها ما هتتحرك لوحدها، ولو حبيت تحركها لوحدها مش هينفع لازم الكونتاك يكون مفتوح ودايس على الفرامل، الاوكتافيا كانت كدة معايا

هو بينفع لما يكون فى الاسره اطفال صغيره على شان لو خارجيين و نزلت مثلا تجيب حاجه وسبت الاسره فى العربيه والاطفال بتحب تلعب فى اى حاجه ممكن من غير اللوك العصايه تتحرك لكن مع اللوك بيدى امان اكتر

الزار التاني اللي في العصاية هو اللي كنت بسأل عنه
طيب هو انا كدة فهمت وظيفتة بس معلش استفسار تاني في كيفية استعماله
لو جاي موقف فيه مثلا لازم اعدي عربية بسرعة لان في حد مزنق عليا، وجيت ادوس على الزرار دة، هل لازم وقتها اشيل رجلي من على البنزين وادوس على الزار دة واحطها تاني بقوة اكبر، ولا اكتفي اني ازود بنزين وادوس على الزار من غير ما اشيل رجلي؟؟

لا مش شرط تشيل رجلك من على البنزين خالص تدوس عليه عادى وبعدين تزود يعنى لحظه الدوس على الزرار بس هى اللى مش بتزود بنزين بس

هو لو انت كبست هو بيحرق الغيار اللى انت عليه ويخليك تقدر تعدى من الموقف اللى انت فيه
لانه بيجمع بسرعه

تمام جميل اوي، طيب هي الفتيس بتاعها 4 سرعات و 5؟

الاوتوماتيك 4 سرعات المانيول هو اللى 5

40000

تمام

هو بيتزود ولكن للمحافظه على الطرمبه ودوره الباور يفضل كل 2 الى 3 يغيير بالكامل

2 الي 3 دي تقصد بيها سنة صح ؟؟

تمام كده

التفعيل بيكون للصنى الجديده الشكل الجديد وببلاش

يعني الشكل القديم مفيهوش انذار اصلا ؟؟

فيها نظام امان اسمه ناتس( nats) والنظام ده بيشتغل لو حد حاول يفتح العربيه من جوا يعنى كسر الزجاج وفتح من جوه او حاول يلعب بالضفيره ويدور السياره والنظام ده يخلى العربيه مش تدور حتى بالمفتاح الاصلى لفتره معينه بعد اصدار صوت التنبيه الى هو الكلاكس

واى سؤال تانى انا تحت امرك

الف الف الف شكر ليك يا باشا على الاجابات الوافية
معلش تعبتك معايا

لا شكر على واجب اخى الفاضل وتعبك راحه وتحت امرك فى اى سؤال