الموضوع: دخان وشياط وستر ربك

دى أسطوانه دبرياج ومافيش كلام تانى . طب تعمل كده أمتى ؟ لما تكون زاويه المطلع شديده (الرامب العموله اللى بيعملوا بتاع الشكمان مثلا ) وده غير وارد لأن كوبرى مهمشه الاف السيارات بتصعده يوميا وما بيحصلش حاجه والسبب التانى الخامه السيئه لماده الأسطوانه . وكتر خيرك ياغبور عملت اللازم مع العربيه .

المشاركة الأصلية كتبت بواسطة momken61

السلام عليكم
الريحة مش ريحة بلاستك والعربية لسة معملتش 4000 كيلو

ماهى لو ريحه بلاستيك بيشيط يعنى الضفيره ساحت ( لا قدر الله ) ما كانتش العربيه دارت تانى . انما ال Rpm يعلى جامد والعربيه معشقه ومافيش حركه للعربيه ( او الحركه ضعيفه ) يعنى ان الأسطوانه ضايعه او خامتها سيئه والدخان ده بيحصل من أنزلاق الديسك على الأسطوانه لعدم تواجد أحتكاك مناسب بينهم الناتج عن الحمل الزايد على الأسطوانه ( بتحاول تطلع على رصيف عالى 25سم مثلا ) لو الموضوع ده أتكرر تانى معاك (ركب اربعه معاك ) وجرب على رامبات جراج البستان لو ال rpm على والعربيه ما طلعتش المطلع عليك وعلى الصيانه يغيرولك الأسطوانه فى الضمان (خد بالك كل التوكيلات بتستعبط وحسبى الله ونعم الوكيل فيهم )