استشارة فى اوبل كورسا 2005

**eng wael** · 14-09-2013 10:17 PM

الاخوة الافاضل
انا عضو جديد لسه مسجل معاكم طول عمرى اسمع عن المنتدى بس مكنتش مهتم لحد ما قررت اعمل شويه تظبيط فى السيارة
بصراحه موضوع العربيات ده طلع عالم وموال رغم ان الواحد بيعشق العربيات بس العيال والشغل بيخلى الواحد مكبر دماغه
ندخل فى الموضوع
انا هدخل العربيه فى دوكو وسروجى وعايز اغير واركب جنوط 15 والطارة الدريكسيون عايزة تتغير وعايز اركب زينون يعنى شويه دلع طالما مش هبيع يبقى اصرف عليها شويه
السؤال عايز اعرف مقاس الكاوتش مع جنط 15 وهيفرق ولا اجيب جنوط 14
ومين افضل حد ممكن اشترى منه يكون محترم وامين واسعاره كويسه
واكسسوارتها اجيبها منين
ولو فيه حد كويس سروجى فى مدينه 6 اكتوبر يبقى تمام
وياسلام لو حد يعرف ميكانيكى شاطر فى الاوبل برضه فى 6 اكتوبر لانى بتعامل مع واحد بس مش مقتنع بيه قوى
تحياتى
م / وائل

**احمد فهمى** · 14-09-2013 10:56 PM

اهلأ بيك اولأ
ثانياً نصيحه خليك بنفس الجنط ونفس الجنوط الأصليه بنفس مقاس الكاوتش الأصلى
- قطع الغيار عندك سرور فى معروف شارع شمبنيون من ارخص الناس
- ميكانيكى اعرف واحد بس فى الدقى وده امين وهيظبتلك العربيه لو فى صيانه
- الدركسيون هتشتري طاره استيراد من الحرفيين اوبل
عايز تصرف شويه ركب انزار وده مهم وزينون مثلأ واي اسئله لا تتردد وكريم صديقنا هنا كانت معاه وعندو خلفيه عن كل حاجه فيها وف موضوع جديد فى تقرير عن العربيه هتلاقي فى الموضيع المثبته..والله المستعان

**eng wael** · 15-09-2013 12:06 AM

المشاركة الأصلية كتبت بواسطة احمد فهمى

اهلأ بيك اولأ
ثانياً نصيحه خليك بنفس الجنط ونفس الجنوط الأصليه بنفس مقاس الكاوتش الأصلى
- قطع الغيار عندك سرور فى معروف شارع شمبنيون من ارخص الناس
- ميكانيكى اعرف واحد بس فى الدقى وده امين وهيظبتلك العربيه لو فى صيانه
- الدركسيون هتشتري طاره استيراد من الحرفيين اوبل
عايز تصرف شويه ركب انزار وده مهم وزينون مثلأ واي اسئله لا تتردد وكريم صديقنا هنا كانت معاه وعندو خلفيه عن كل حاجه فيها وف موضوع جديد فى تقرير عن العربيه هتلاقي فى الموضيع المثبته..والله المستعان

تسلم يا باشا على الرد
بس ايه المشكله انى اركب جنط سبور نفس المقاس 14
تحياتى

**eng wael** · 15-09-2013 12:08 AM

المشاركة الأصلية كتبت بواسطة eng.salama93

و حتي لو هتغير الجنط ل 15 .. الكاوتش ال14 ميركبش عليه حتي لو اكبر مقاس ف ال 14

تمام ياباشا ماهو انا هغير الكاوتش اكيد مع الجنط 15

**hammad2010** · 15-09-2013 04:27 AM

نصيحة ياباشا اوعى اوعى اوعى تركب كاوتش او جنوط غير 14 اقسم بالله حتدمر العفشة بتاعتك ولو عندك عفشجى كويس كلمه وشوف حيقولك ايه وكلم التوكيل واساله / انت عارف ياباشا لو انت فكرت حتى تركب كاوتش 14 ولكن مقاش مختلف برضه حيأثر على العفشة على المدى البعيد والكلام اللى بقولهولك ده متاكد منه بنسبة مليووووون فى الميه واعرف اتنين صحابى عملوا زيك كده والعفشة باظت وندموا اشد الندم
ولو حضرتك قافلة معاك وعايز تعمل اى تغيير ممكن تركب جنوط سبور انا عملت كده والحمد لله بقالها معايا اكتر من 7 سنين وكويسة وممكن برصه تغير نوع الكاوتش - وطبعا بنفس المقاس - عشان الكاوتش اللى بيجى معاها وحش اوى وانا عن نفسي غيرته بعد 3 سنين بنوع اسمه دانلوب
اللهم بلغت اللهم فاشهد

**احمد فهمى** · 15-09-2013 10:05 AM

المشاركة الأصلية كتبت بواسطة eng wael

تسلم يا باشا على الرد
بس ايه المشكله انى اركب جنط سبور نفس المقاس 14
تحياتى

ﻷن الجنط الحديد اللى عندك الماني وقوة التحمل له عاليه جدآ ومن المستحيل تلاقى جنط سبور اصلي يعنى مش صينى ولا مليزى اقل من 3000 جنيه غير الكاوتش ولو باظ واحد هتضر تشتري طقم ، هي تمام بتاصتها اﻷصليه ولو مصمم انزل الحرفيين اشتري جنط اوبل استيراد اصلى بس وجهة نظري تشتري كاوتش ماركه كويسه علي الجنط الاصلى ومستقبﻵ لو لاقيت جنط استيراد اشتري

**eng wael** · 15-09-2013 06:28 PM

المشاركة الأصلية كتبت بواسطة احمد فهمى

ﻷن الجنط الحديد اللى عندك الماني وقوة التحمل له عاليه جدآ ومن المستحيل تلاقى جنط سبور اصلي يعنى مش صينى ولا مليزى اقل من 3000 جنيه غير الكاوتش ولو باظ واحد هتضر تشتري طقم ، هي تمام بتاصتها اﻷصليه ولو مصمم انزل الحرفيين اشتري جنط اوبل استيراد اصلى بس وجهة نظري تشتري كاوتش ماركه كويسه علي الجنط الاصلى ومستقبﻵ لو لاقيت جنط استيراد اشتري

شكرا على النصيحه

**hammad2010** · 15-09-2013 07:01 PM

العفو ياباشا على ايه بس
هو انا مركب نوع اسمه دانلوب واعتقد انه المانى والحمد لله كويس اوى وفى انواع تانية كتير وحلوة بس انا للاسف معنديش خبرة فى الكاوتش قد كده وانا كنت جايب الفرده الواحدة من 3 سنين ب 450