بشترى اوبل 98 وعايز خبراتكم

**طارق _عبد السلام** · 15-09-2013 03:06 PM

السلام عليكم احلى قسم

الموضوع ببساطه انا قريب لى عايز عربيه باى طريقه وتكون المانى وهو ابيض فى العربيات

وفوضنى فى شراء العربيه وانا للاسف مركبتش اوبل نهائى قبل كده بس عرفت من قسمكم شويه معلومات ...... المهم هو كلم واحد على النت معاه عربيه 98 رشه بره وطالب فيها 48 الف
اخدته امبارح ورحت شوفت العربيه ... العربيه مشرحه بمعنى الكلمه الحاله الخارجيه صعبه من او نظره القوايم فيها بارومه ومرمات الموتور الفرش كل حاجه عايزه تظبيط جامد سيبت العربيه ومشيت معجبتنيش نهائى
المهم وديته لمعرض معرفه اتصل وجابلى عربيه اوبل ماشاء الله عليها
فابريكه بره وجوه بجد وحاله الموتور ممتازه جدا وفيها توكيل من اول يد العربيه شبعانه جدا
بس لاحظت وانا مدور الموتور لمبه الايه بى اس فى اليمين منوره
التكييف بيجيب هواء بس وقالى محتاج تلاجه العربيه 1600 الموتور الاسود (وعرفت منكم انه مشاكله بسيطه وسهل التعامل معه)
المهم هو طالب 49 لان العربيه شاذه فى الحاله مفيهاش قلم بويه

وانا قلت 45 وسيبتهم لان كان معايا ميعاد ضرورى
وهقابله النهارده واعرف الرد
المطلوب خبراتكم فى السعر وفى الحاله

شكرا مقدما لكم رجاء لاتبخلوا بمعلومه مش عايز ادبس الراجل

**طارق _عبد السلام** · 15-09-2013 03:39 PM

تقريبا هخلص فيها النهارده
يارجاله اوبل برجاء افادتى

**طارق _عبد السلام** · 15-09-2013 03:51 PM

المشاركة الأصلية كتبت بواسطة m.osama

ال abs دي مشكله موجوده ف الموديل ده بكثره.. بيتصلح ب 400ج علي اخر علم ليا.. او بيتغير الوحده كلها بواحد استيراد

بالنسبه للتكييف.. نصيحه متشتريش عربيه اوبل تكييفها مش شغال.. لانو بنسبة 90% مش هيشتغل بكفاءه تاني.. ودي حاجه انا شفتها ف اكتر من عربيه

بالتوفيق

ربنا يبارك فيك على الاهتمام والرد

بالنسبه لموضوع التكييف هو قال لى لو هتخلص هسلمك شغال
يعنى من كلام حضرتك لو حتى هيتصلح وارد جدا انه يعطل تانى وفى وقت قصير

ربنا يبارك فيك

**فادى محمد** · 15-09-2013 04:49 PM

ازيك يا طارق . منور اوبل ..
حاول تنزل معاه علي قد ماتقدر كله راجع لك..
-الايه بي اس بيتصلح ب400ج
-التكييف.. لو تلاجه بس هتتغير تمنها 550ج جديده + شحن الفريون والمصنعيه طبعا
وتغييرها لا يعيب التكييف بالعكس . لو البائع هيغيرها ماشي بس اوعي تسيبها له لازم تقف
علي ايد الصنايعي علشان مايكروتش باعتبار العربيه متباعه.
-العربيه فعلا اختيار موفق جدا . توكل علي الله وماتقلقش من حاجه بعد كده. تحياتي

**hossamalsadik** · 15-09-2013 05:27 PM

التكييف عمتا فى اى عربيه وارد انه يعطل فمش معنى كده ان ملهوش حل
الفكره فى قطع الغيار انها تكون مناسبه للموديل وأصليه بس كده
طبعا علاوة على صنيعى تمام وفى واحد عضوا عمل تكييف عربيه سيات ابيزا عند حد خاص بالتكييفات بالمعادى هى شركه متخصصه عند ميدان محل مؤمن كده وركبله تكييف كامل جديد وتكلف 3000 وكان مبسوط من أدائه وكان نوعه يبانى
واخر ركب تكييف المانى وجاب الكمبروسر المناسب ل cc العربيه إستيراد بتاع بلدها وشتغل تمام

أنا من راى توكل على الله طلما اساسيات تمام وعارف انك هتخد التكييف شغال بس كنت بطمنك
وممكن تنتظر اراء رجالة الاوبل

**طارق _عبد السلام** · 15-09-2013 06:15 PM

المشاركة الأصلية كتبت بواسطة فادى محمد

ازيك يا طارق . منور اوبل ..
حاول تنزل معاه علي قد ماتقدر كله راجع لك..
-الايه بي اس بيتصلح ب400ج
-التكييف.. لو تلاجه بس هتتغير تمنها 550ج جديده + شحن الفريون والمصنعيه طبعا
وتغييرها لا يعيب التكييف بالعكس . لو البائع هيغيرها ماشي بس اوعي تسيبها له لازم تقف
علي ايد الصنايعي علشان مايكروتش باعتبار العربيه متباعه.
-العربيه فعلا اختيار موفق جدا . توكل علي الله وماتقلقش من حاجه بعد كده. تحياتي

الله يسلمك

القسم منور برجاله اوبل

ربنا يبارك فيك على المتابعه
انا اتصلت بيه لتحديد الميعاد وصاحبها قافل على 48 قلتله لما اقابله

العربيه بصراحه كأساسيات فوق الممتازه لدرجه انى شكيت ان العربيه مركبه نص من نضافتها من الداخل
وفرزتها كويس جدا لدرجه حتى برواز البربيز عيب الالمانى فى الاوبل والبولو مش راشش بسبب البارومه
والمشكله قريبى ماركب عربيه قبل كده وهيموت على العربيه وانا بقول له اتقل علشان نحاول ننزل معاه باى مبلغ ينفع فى تظبيط العربيه
ربنا يبارك فيكم

**طارق _عبد السلام** · 15-09-2013 06:19 PM

المشاركة الأصلية كتبت بواسطة hossamalsadik

التكييف عمتا فى اى عربيه وارد انه يعطل فمش معنى كده ان ملهوش حل
الفكره فى قطع الغيار انها تكون مناسبه للموديل وأصليه بس كده
طبعا علاوة على صنيعى تمام وفى واحد عضوا عمل تكييف عربيه سيات ابيزا عند حد خاص بالتكييفات بالمعادى هى شركه متخصصه عند ميدان محل مؤمن كده وركبله تكييف كامل جديد وتكلف 3000 وكان مبسوط من أدائه وكان نوعه يبانى
واخر ركب تكييف المانى وجاب الكمبروسر المناسب ل cc العربيه إستيراد بتاع بلدها وشتغل تمام

أنا من راى توكل على الله طلما اساسيات تمام وعارف انك هتخد التكييف شغال بس كنت بطمنك
وممكن تنتظر اراء رجالة الاوبل

اشكرك حسام بيك

هو فعلا قال لى ان دافع تقريبا 600 جنيه ثمن التلاجه عند صنيعى التكييف

وان شاء الله نشوف العربيه صاحبها هيتنازل ولا هيمسك فيها لان ربط على 48
فى انتظار القعده معاه بس انا شايف بالنسبه لاسعار السوق انها تنزل
بس بالنسبه للحاله فى العربيه ماتتسابش لانى من خلال القسم هنا
عرفت ان الاوبل عربيه يتحافظ عليها لكن ماتتشدش وتتظبط

**فادى محمد** · 15-09-2013 07:01 PM

ماتسيبهاش يا طارق توكل علي الله.
ولو نزلت حتي باكو هتصلح بيه الايه بي اس
وتعمل السيرفيس الاساسي سيور وفلاتر وخلافه

**طارق _عبد السلام** · 15-09-2013 07:04 PM

المشاركة الأصلية كتبت بواسطة فادى محمد

ماتسيبهاش يا طارق توكل علي الله.
ولو نزلت حتي باكو هتصلح بيه الايه بي اس
وتعمل السيرفيس الاساسي سيور وفلاتر وخلافه

ان شاء الله ربنا ييسر الامور
يعنى لو جت على 47 تبقى كويسه المشكله لو العربيه لى انا انا لى نظام اقول لو عربيه نضيفه وعجبانى لو جت عاليه الفين تلاته مش مشكله كأنى ركبت بيهم مواصلات فى الفرجه على عربيات ومشاوير ومبسيبش الفرصه
لكن لانه اخو المدام

واول مره يركب عربيه حاسس انى عايز اعمل له المستحيل لانك عارف القيل والقال بعد كده هههههههه
فهمتنى

الموضوع: بشترى اوبل 98 وعايز خبراتكم

LinkBack

أدوات الموضوع

عرض

بشترى اوبل 98 وعايز خبراتكم - انشر الموضوع فى :

-

-

-

-

-

-

-

-

المواضيع المتشابهه

حشتري اوبل كورسا 94 وعايز رأيكم

خلاص اخيرا اشتريت وعايز خبراتكم

انا بشترى لانسر 2006 خليجى وعايز اطلع بيها توكيل اكشف عليها ومش عارف فين ؟

ربنا رزقنى بولد وعايز اعملة عقيقة وعايز خبراتكم...

معايا اوبل استرا 2001 وعايز اوبل فيكترا ايكو تك راس براس

الكلمات الدلالية لهذا الموضوع

المفضلات

المفضلات

ضوابط المشاركة