الموضوع: بداية عودتى مع سيارتى

الحمد لله رجعت من السفر وبعد ما سلمت على الأهل والجيران والحبايب كلهم كان واجب عليا أنى أسلم على محبوبتى سيارتى لادا التى أفتقدتها تلك الفترة .
وبعد ما شحنت البطارية ونظفتها وغسلتها تمام وجيت أطلع بيها كانت زعلانة شوية وبدأت تعمل حاجات كدة زى صوتها على عن الأول ؟ يعنى البهدلة فى الصاج شزية والتجريح وشوية كماليات كدة .
المهم طلعت على الميكانيكى ظبط التاكيهات وقالى أنها تمام ممكن يكون وش الكاتينة عايز يتفك ويتشد الجنزير ممكن يكون عامل صوت ؟
المهم بعد ما خلص جينا نجربها بقى فى صوت زى زنة كدة عند 80 قالى دى كارونه ؟ وبص تحت العربية وقالى ممكن يكون الشكمان عشان مش مربوط ياريت تغيرة كلة من المشترك للعلبة ؟
وكان فى أقتراح أن نغيير الموتور ألى موتور 131 فيات 1600 سىسى قالى هايركب عندك وصوتة واطى ونغير الفتيس ألى 5 غيار هايريح العربية أكتر ؟ وهنا بقى ناخد رأى حضراتكم الأفاضل :

1. هل فعلا جنزير الكاتينة يعلى صوت العربية قوى لدرجة أنك ما تسمعش الراديو جوة العربية ولا أيه ممكن يكون عامل كدة .
2. تكلفة الشكمان كامل وياريت النصيحة هل أروح مصنع ولا ورشة ؟
3. فى كلام من بعض الزملاء قالو ممكن يكون كرسى النص هو ألى عامل الصوت ؟
4. دلوقتى أيه رأيكم فى تغيير الموتور ألى موتور 131 أستيراد بالفتيس ولا مش هايكون قوى للعربية لأن بصراحة صوتة واطى جدا .
5. والكارونة تتصلح ولا تتجاب جديدة ؟ وسعرها تقريبا قد أيه .

معلش بداية مش كويسة بس فعلا العربية دى غالية عليا قوى يا جماعه وفى أنتظار نصيحتكم وخبرتكم الجميلة

أنا من رأيى و لا موتور 131 و لا غيرة أدام موتورك ما شاء الله سليم
إتأكد من ضبط التاكيهات على 20 حريق و 25 عادم بالفيللر و تكون العربية مثلجه قبل ما الميكانيكى يشتغل
سلك الشكمان بس و متغيروش و إتأكد إن مفيهوش إخرام عند أى واحد بتاع شكمانات
نضف الكربراتير و إضبط الكهرباء (أبلاتين و كوندنسر و بوجيهات) و لو تغير زيت المكنه يبقى تمام
أعتقد بعد الشغل ده هتلاقى العربيه رجعت عروسه إن شاء الله