هل فلوانس ٢٠١٤ بها gps بخرائط مصر

**yassin_wael** · 23-09-2013 07:14 AM

السلام عليكم،
هل gps اللي موجود في اعلى فئة من فلوانس ٢٠١٤ به خرائط مصر، و لو في حد عارف الفرق في المزايا بين الفئات الاوتوماتيك يبقى جزاه الله كل خير.

**akmm** · 23-09-2013 10:55 AM

متابع وهى عربيه احب شكلها جدا ..... لم اقودها حتى الان ...............

**dr_mustang** · 23-09-2013 02:05 PM

حتي الآن مازالوا يحاولون دعم تطبيق الخرائط ولكن لم ينجحوا بعد.......الفرق بين الفئات
e3 فيها كل حاجة (جنوط-abs-ebd-2airbag-تكيف اوتوماتيك -فتحات تكييف خلفية-سنسور اضاءة ومطر-مثبت سرعة )
e3s تزيد فتحة سقف وباركنج سنسور خلفي
+e3sl تزيد ٦ ايرباج+زينون+فرش جلد
+e4 sl تزيد جنط ١٧+فرش جلد بيج ودواخل بيج+ وسنسور بارك امامي+مراية الكتروكروم
topline تزيد الr-link system

الاسعار (١٦٩٥٠٠-١٧٨٠٠٠-١٨٨٠٠٠-١٩٥٠٠٠-١٩٩٠٠٠)بالترتيب

ارجو ان اكون افدتك

**Hany Saad** · 23-09-2013 10:28 PM

حاليا الوكيل اعلى فئة بيوفر ها هى فئة الهاى لاين اللى تمنها ١٨٨ الف و يوجد بها فرش جلد كامل لون أسود و زينون و ٦ أيرباج و فتحة سقف و حساسات خلفية و جنوط ١٦
تم ألغاء الحجز على الفئات الأعلى اللى هما كانوا ب ١٩٥ ألف و ب ١٩٩ ألف

ال gps اللى كان بينزل معاها من إنتاج شركة tomtom و للأسف لا يتوفر لديهم خرائط لمصر و لا يوجد إمكانية لإضافة الخرائط لاحقا للسيارات المباعة فتم إلغاء الحجز على هذه الفئة

**yassin_wael** · 23-09-2013 11:36 PM

شاكر جدا يا جماعة على المعلومات المفيدة

**ALshahba** · 24-09-2013 02:21 AM

ما معني r-link system ؟؟

**dr_mustang** · 24-09-2013 03:01 AM

r-link system الي هو الشاشة والجي بي اس ووظائف تانية

**dr_mustang** · 24-09-2013 03:03 AM

المشاركة الأصلية كتبت بواسطة meggieboy

حاليا الوكيل اعلى فئة بيوفر ها هى فئة الهاى لاين اللى تمنها ١٨٨ الف و يوجد بها فرش جلد كامل لون أسود و زينون و ٦ أيرباج و فتحة سقف و حساسات خلفية و جنوط ١٦
تم ألغاء الحجز على الفئات الأعلى اللى هما كانوا ب ١٩٥ ألف و ب ١٩٩ ألف

ال gps اللى كان بينزل معاها من إنتاج شركة tomtom و للأسف لا يتوفر لديهم خرائط لمصر و لا يوجد إمكانية لإضافة الخرائط لاحقا للسيارات المباعة فتم إلغاء الحجز على هذه الفئة

حضرتك هل الكلام ده اكيد لاني كنت هحجز التوب لاين وسألت قالولي مفيش مشكلة بس طلب دفعة حجز كبيرة شوية وسألت علي اي اضافات ممكن اضيفها قالي ممكن

**Hany Saad** · 24-09-2013 01:55 PM

المشاركة الأصلية كتبت بواسطة dr_mustang

حضرتك هل الكلام ده اكيد لاني كنت هحجز التوب لاين وسألت قالولي مفيش مشكلة بس طلب دفعة حجز كبيرة شوية وسألت علي اي اضافات ممكن اضيفها قالي ممكن

أنا متأكد إلى حد كبير لأنى لسه مكلم التوكيل إمبارح (مدير مبيعات أسكندرية) لأنى حاجز الهاى لاين و موصلتش فى الدفعة الأخيرة و لا واحدة هاى لاين.....و كانوا بيحاولوا يقنعونى أخد الفئة اللى ب 169500 علشان هى دى المتوفرة حاليا و إلا إنتظار كمان 3 شهور....بس أنا تمسكت و فضلت الأنتظار عن أنى أجيب فئتين أقل.....

أعلى حاجة متاحة للحجز و كمان مش بتتوافر بسهولة و الطلب عليها قليل هى الهاى لاين اللى ب 188 ألف....الفئتين الأعلى كانوا فعلا متاحين فى بداية نزول الface lift و بعدين بطلوا يحجزوا عليهم...

فى رأى الشخصى يمكن بطلوا الفئة اللى ب199 ألف علشان الخرائط مش شغالة فى مصر و لا سبيل لتشغيلها لاحقا و اللى ب 195ألف علشان بتنزل بجنوط 17 و هذا الجنط غير مفضل فى شوارع و مطبات مصر، ده غير أن الsetup بتاع العربية مع هذا الجنط بيبقى sport setup و ده بينشف العفشة مقابل ثبات أعلى و أنخفاض العربية أقل على الأرض.

مش عارف هل ممكن تطلب هذه الفئات الأعلى كspecial order....إحتمال و لكن مش موجودين فى الprice list بتوع التوكيل....أعلى فئة الأن هى الهاى لاين اللى ب 188 ألف دون أى زيادة فى الأسعار حتى يومنا هذا.....