قبل ما أركب التنك الجديد ؟؟؟؟؟

**komodo** · 09-10-2013 12:56 PM

جبت تانك لادا استيراد بالعوامة .... أيه المفروض أعملة فى التنك قبل ما اركبه ...؟؟؟؟

**أحمد جودة** · 09-10-2013 02:56 PM

اللى هيركبة يشيك علية لو فيه حاجة ....... وبالاخص نضافة التنك من الداخل

**hassanin_lada** · 09-10-2013 06:32 PM

اه عشان يصدي وتروح تجيب واحد غيره صح كده !!

حضرتك هتملاه ميه عشان تتاكد ان مافيش تسريب ومن مكن العوامة تخفف الميه وتحط برل وتنضف كويس (في وقتها)
وتغسله كويسه وتقلبه وتسيبه شوية ينشف وركب علي كده وحضرتك انت ممكن اللي تركب سهل جدا مش محتاج صنيعي اصلا

**a7madramadan** · 10-10-2013 03:51 AM

ماتبيتش في التانك مية ولو حتى مية بصابون هيصدي زي ما الأستاذ تفضل وقال دي مسألة كيميا بسيطة :) ... اغسله كويس و اتاكد انه مافيهوش اي مشاكل ولا أخرام و ركبه :)

**Zing0** · 10-10-2013 03:48 PM

بص يا ريس أنا إللى أعرفه - و عملته بالفعل لما كنت بأسمكر- السمكرى فك التانك و حط فيه 3 أزايز خل, أيوه خل بتاع الأكل, بيشيل الصدا و مش حامى علشان ميعملش إخرام لو لاقدر الله فيه صدأ, و بيسد الفتحه بتاعته بالغطا و فتحة العوامة بإيده و فضل يرج الخل جامد, طبعاً نزل الخل لونه طينى من الحاجات إللى كانت فى البنزين.

**ahmedesmat1987** · 10-10-2013 03:59 PM

اول حاجه هتغير جوان فتحه العوامه بواحد جديد عشان القديم بيبقى متبهدل من ركنه التانك عند تاجر قطع الغيار

تانى حاجه هتغسله كويس جدا بمسدس هوا وصابون فى مغسله .

وتخلي الميكانيكى يبخره فى شكمان عربيه ويزود بنزين ويقفل الفتحات كلها ودا يكون زى تست لو التانك اتنفخ او قب لبره يبقى سليم ومفهوش اى خروم او شروخ

وبالمره وانت فى المغسله انفخ خراطيم البنزين بالهوا من ناحيه الكبوت وغير فلتر البنزين

وبكدا تبقى عملت صيانه كامله لدورة الوقود

**komodo** · 12-10-2013 10:43 AM

أشكر جميع الأخوة على الردود والنصايح المقيدة وبارك الله فيكم ....

بس مع الاسف التنك اللى جبتة طلع مرشوش وواحد قالى رجعة ومتركبوش ... وبالفعل رجعتة وبادور على واحد تانى ....