طلب شراء سياره من 25 الف الى 28 الف

**Mohamed PH** · 07-11-2013 10:27 AM

بسم الله الرحمن الرحيم

بعد ازنكوا لسه جديد فى العربيات و مش عارف اجيب ايه بصراحه :(
عايز اركب عربيه عائليه هل المبلغ ده يجيب عربيه كويسه ولا صعب
فى اسكودا فليشيا .. و فى سيات ابيزا بس قطع غيارها غاليه جدا
و هيونداى اكسنت موديل 99
معتقدش المبلغ يجيب حاجه كويسه و تكون فابريكه
يارين يا جماعه اى حد يفدنى و اسف على الاطاله :)
شكرا

**saddam** · 07-11-2013 01:43 PM

صديقي المواطن
من إختياراتك أعلاه أقلهم أعطالا هي أكسنت 99 بس فلوسك مش حتجيبها محتاج تخش جمعية في السريع
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**ahmedfouad** · 07-11-2013 06:51 PM

عليك وعلى الرينو رينبو ممتازة كانت معايا

صالون فاخر ..
عفشة رائعة ..
2 زجاج كهرباء امامى ..
1300 سى سى
تكيف و سنتر
عريضة وثابته
وقطع غيار ارخص من الفيات وزلطة ....

بس اهم حاجة الحالة

وهتلاقى منها فئتين:
الرينو 19 من موديل 1989 - 1996 ودى فرنسية خالصة ،
والرينو 19 رينبو (قوس قزح - Rainbow) ودى فرنسية مصنعة فى تركيا

الاول : الفرنساوى من 89 الى 96
موتور 1400 سى سى وهى فرنسية خالصة

الثانى :
اربع موديلات من 97 - 2000 وتسمى الرينبو
وهى فرنسية مصنوعة فى تركيا بنسبة 40% من السيارة تحت اشراف شركة رينو
وعلى فكرة كل الاساسيات فرنساوى
زى الصاج والموتور والكبالن وكل الدوائر الكهربائية والمفاتيح والزراير وحتى اللمبات

والتركى فيها بعض الاجزاء
زى الاكر والكاوتش والبطارية والحاجات الغير مؤثرة

سهلة الصيانة .. فخيمة قوى من جوة ومريحة وثبات مهول لعرضها وخصوصا بعد ال 130 غير الكليو اللى معايا دلوقتى

عفشة فولاذية تناسب الطرق الزبالة بتاعتنا .. وعالية عن الارض

قطع الغيار ببلاش واعتمادية جداً جداً وعن تجربة شخصية روحت بيها شرم واسيوط تحفة فى السفر وممكن تحمل براحتك فيها

عيبها الوحيد كان الكربراتير وروحت ظبطه فى مركز الصفا بتاع جسر السويس وبقت تمام

مش عاوز اقولك انى عاوز اشترى واحدة تانى من حبى ليها ههههههه

ولو فى اى سؤال انا تحت امرك لوجه الله ورقمى معاك اهو 01024648224 احمد