check gearbox

**airfox** · 09-11-2013 06:45 PM

النهارده و انا راجع من السفر رجلي سرحت علي البنزين شويه لحد ما وصلت 200 بالعربيه و فجأة طبعا ظهرت رسالهcheck gearbox كلمت طارق و قالي اقف وبطل و دور و امشي و الرساله راحت و رجعت عادي و العربيه محصلش فيها حاجه و لا حصل هبده و لا اي مشكلة في النقلات و انا راجع.المهم طارق قالي تقريبا هغير سولديد فالف و زيت فتيس و هيحطها علي الكمبيوتر يوم الاثنين . انا طبعا قريت المواضيع المتشابهه هنا و كلامه تقريبا صح بس في نقطه لاقيت ناس كتير بتقولها اللي هي الهبده و ده محصلش معايا و هل في احتمال يبقي في حاجه تانيه

**medohai510** · 09-11-2013 10:27 PM

الرسالة أعتقد أنها بسبب أنك ثبت علي سرعة عالية لفترة طويلة نسبياً مما أدي لسخونة الفتيس وبع ما برد لا يوجد مشكلة أن شاء الله
لكن لو محتاج زيادة تأكيد حطها علي الجهاز وشوف حالة ضغط سلونيد الفتيس ودرجة حرارة الزيت

**airfox** · 09-11-2013 10:40 PM

ان شاء الله ما انا ناوي اعمل كده . الصراحه انا اول مره اعدي ال 130 لان انا اصلا مش بحب اجري بس صاحبي جاب عربيه اخت بتاعتي و لما شوقتها جبت 170 فوقلت اجرب في عربيتي بس سرحت مني ان شاء الله ربنا يستر

**odod** · 10-11-2013 11:17 AM

متابع جدا ،،،،،
لان انا عندى نغس المشكلة انى طول مانا على الطريق الدولى ومثبت رجلى عند 90 او 100 مثلا تطلع check gearbox ابطل وادور تروح وممكن تيجى تانى برده
انما جوه البلد كله تمام

**ahmed elhddad** · 12-11-2013 02:29 PM

انا برده اعتقد بسبب السرعة العالية .. الموضوع ظهر معايا مرة على 180 برده وكنت قارص جدا على الفتيس ومن ساعتها وعادي جدا لغاية 150 لفترات مش قصيرة كمان .. برده السرعة العالية حمل على الفتيس الحساس ده بس نعمل ايه العربية ما شاء الله ثابته وبرغم احساسك بالسرعة انما بتكون مطمن .. ربنا يستر طريقك وطريقنا جميعاً بإذن الله

المشاركة الأصلية كتبت بواسطة odod

متابع جدا ،،،،،
لان انا عندى نغس المشكلة انى طول مانا على الطريق الدولى ومثبت رجلى عند 90 او 100 مثلا تطلع check gearbox ابطل وادور تروح وممكن تيجى تانى برده
انما جوه البلد كله تمام

لا ده اعتقد هاتغير الفلفات مع زيت بلزوجة صحيحة وبإذن الله كل شئ يكون تمام

**airfox** · 12-11-2013 02:44 PM

انا الحمدالله كشفت علي العريبه و طلع مفيش اي حاجه

**Hany Saad** · 12-11-2013 03:31 PM

المشاركة الأصلية كتبت بواسطة airfox

انا الحمدالله كشفت علي العريبه و طلع مفيش اي حاجه

متقلقش عربيتك مفهاش حاجة....هو بس سرعة ٢٠٠ لو سقت عليها شوية حرارة الفتيس بتعلى و بيطلع الرسالة....أعتقد تغيير الزيت ممكن يظبط الموضوع و لكن مش محتاج تغير سولونيد فالف....الفتيس عندك تمام و متلعبش فيه و لو مش ناوى تسوق على ٢٠٠ تانى يبقى متغيرش حتى زيت....اطمن و استمتع