الموضوع: شقة جديدة عالمحارة - عاوز أشطبها

المشاركة الأصلية كتبت بواسطة mabarakat

السلام عليكم ورحمة الله وبركاته

تحياتي لكم جميعاً أخواني في المنتدي. أنا صديق جديد لكم هنا وعاوز أخد رأيكم في حاجة.

دلوقتي الحمد لله ربنا كرمني بشقة كويسة في حدائق أكتوبر وكنت عاوز ان شاء الله أبدأ التشطيب فيها. المشكلة اني مش عارف حعمل ايه في موضوع التشطيب ده لأني أتعذبت مع الصنايعية لما عملوا لي الشقة اللي انا فيها دلوقتي غير الوقت والمجهود وبرده مش كل حاجة طلعت زي ما الواحد عاوز وفي حاجات طلع فيها عيوب وكده.

فهل تنصحوني بأني أتعامل مع شركة مقاولات مثلاً أو مهندس ديكور يصمم ويشرف على التنفيذ ولا ايه؟ والمشكلة حعرفهم منين الشركات كتير بس المشكلة مين اللي عنده ضمير وسعره كويس مش حيسرقني في الخامات ولا يعمل لي شغل أي كلام. عاوز حد خبرة برده علشان يفيدني لأني معنديش خبرة جامدة في موضوع التشطيبات والديكورات ويكون عارف ايه الأحسن وأفضل الماركات والأسعار وكده أكيد انتو فاهمني.

تشوروا عليا بإيه؟ وجزاكم الله كل خير.

وأرجو أنكم تتقبلوني صديق جديد بينكم.

هو الأفضل انك تشوف مهندس او مكتب ديكورات هو اللى يتولى ده و انت هتكتب معاه عقد بالمواصافات المطلوبه و وقت التسليم
انت بتختار الوان الدهانات و بتختار السراميك (من المجموعه اللى هو بيحددها) بمعنى انك مثلا عايز تشطب المتر بــ 500 جنيه هيقولك تختار سراميك متوسط سعر المتر كذا او فيه بيبقى عنده عينات محدده تختار منها و بتشترى طقم الحمامات
هو المتر ممكن بيتراوح سعره من 400 لــ 700 تقريبا و ممكن يزيد على حسب نوع التشطيب اللى انت عايزه

خلاص يبقى تشترى الخامات و تجيب انت الصناعيه و ممكن تتفق مع مهندس على الأشراف بس و بياخد مبلغ محدد او نسبه 10% من اجمالى التكلفه !!!!!!!!!!!
بس ممكن اعرف سوبر هاى لوكس هيكون فيها ايه ؟؟ لان كل حاجه ليها تمن فالتركيب و فالأخر الصنايعى هيبوظلك الحاجه و و الشغل مش هيطلع زى ما انت عايز و تتنكد و خلاص
فا لو سوبر هاى لوكس يبقى تتفق مع مهندس او مكتب و هو يتحمل كل حاجه و انت كل شويه تتابع الشغل و اللى مش عاجبك يتعاد او يتغير على حسابه