اسكودا فيليشيا 95

**ah-elgendy** · 13-11-2013 01:59 PM

عربيه اسكودا فيليشيا 95 موتور 1300 سى سى فبريكة دواخل السيارة بها تكيف وجنوت اسبور وفتح الشنطة من الداخل لانها فيلشيا المعدل السيارة مشيى 82 الف كيلو وعارضها ع 30 الف
العربيه لواحد صديقى بيسئل عنها فا قولت مفيش غير وحوش الاسكودا هنا يفيدونا
تقيم السعر غالى ولا ايه وممكن توصل لحد كام
العداد ده ممكن يكون حقيقى ولا ملعوب فيه و يتعرف ازاى
واخيرا قطع الغيار و الصيانه بتاعتها
(للعلم ديه اول عربيه ليه )
معلش اذا كنت طولت عليكم بس مفيش غيركم هيساعدنا

**أحمد جودة** · 13-11-2013 03:08 PM

ادخل هنا هتعرف كل حاجة

قسم خاص بسيارات سكودا فيفوريت وسكودا فليشيا - نايل موتورز - NileMotors.net

موضوع العداد اكيد ملعوب فيه او عددات العربية مش بتاعتها وعلى فكرة الكيلوهات مش مقياس لنضافة العربية

**sakr_skoda** · 14-11-2013 07:24 PM

السعر عالى شوية هى ممكن تخلص على 25 الف لو حالة الموتور جيدة اما بالنسبة لعداد دا مش مقياس ممكن عربية تعمل 50 الف وتتبهدل من سؤ المعاملة والسواقة.... وممكن عربية تعمل 250 الف كيلو وحالتها ممتازة بصيانة صاحبها ومتابعة اى مشكلة بها وحلها يعنى محافظ عليها....

فالمهم حالة الموتور....

حالة الصاج وخصوصا العتب من اسفل اخبار البارومة ايه*

باقى الحاجات سهلة وعادى موضوع راشة ولا مو عادى كلنا بنرش عربيتنا بسب اعمال الاحتكاك منا او من الغير....

بالنسبة للتكييف انسى موضوع التكييف مع الفليشيا اكيد التكيف راكب ومش شغال.... اذا كان انا فيفورتى فيها تكيف فبريك نازل مع العربية ومع ذالك مش شغال ورافض انى اصلحى علشان اعرف امشى بالعربية....

**المنسي** · 16-11-2013 12:46 PM

اولا موضوع العداد اكيد ملعوب فيه يعنى متغيرلها طابلوه وثانيا اهم حاجة فالعربية الاساسيات بتاعتها من عفشة وشاسيه وميكونش فيها بارومة ولو الموتور بتاعها مفوت مش مشكلة لانك ممكن تعمله نص عمرة او عمرة اوتسقط موتور استيراد بالنسبة للسعر اعتقد غالى حبتين يعنى موديل 95 وب 30.000 اعتقد انها مش هتزيد عن 26.000 بالكتير