الموضوع: ريحة كربون عادم داخل السيارة

السيارة لادا2105 موديل 95 قبل ما اعمل العمرة كنت فاكك خرطوم التفويت من الكربراتير وعملة وصلة ماشية مع الشكمان الى خلف العربية وبعد العمرة ركبت خرطوم التفويت مكانة فى الكربراتير وكنت سادد جميع الفتحات الى من الكابينة على الموتور ارجو الافادة لان الموضوع هام وشكرا

انا عربتي نفس عربيتك و بعد العمره لاقيت برده ريحه زيت محروق اكتشفت ان غطاء المتور مكان ما بنحط الزيت بيوقع زيت علي الموتور مع السخونيه بيتحرق و يعمل الريحه دورت علي حل للمشكله حطيت كذا جوان بعد اسبوع بترجع نفس المشكله لما سألت قالولي مشكله في معظم 2105 هذا و الله اعلم

راجع الفرن ووصلات الشكمان عشان اى تسريب هيدخل الصالون من فتحات التهوية او فتحات الدواسات او اى فتحة ولو بسيطة

شكرا على سرعة الرد ولاكن انا راجعت على كل وصلات الشكمان وغيرت الشكمان مرتين وسديت كل الفتحات داخل الكابينةولسة مازالت ريحة العادم مع العلم ان الريحة بتكون موجودة وانا فاتح زجاج السيارة فقط لاكن لمااغلق الزجاج تختفى ريحة العادم من داخل الكابينة فى واحد قالى راجع على جلد الشنطة لان الدخانة ممكن ترد من الشكمان على الشنطة ومنها للكابينة انامش فاهم ازاى دة يحصل بس اناعندى جلد قفل الشنطة مش كامل كلة ممكن حد يقلى بيتباع فين وبكام

متابع ارجو الرد للاهمية وشكرا

انا اشتريت كاوتش احكام قفل الشنطة النهاردة وركبتة اخدت4.75م *8جنية المتر وفعلا هو السبب لانى لما فكيت الجلد القديم ورحت بالعربية علشان اشترى الجلد الجديد كانت ريحة العادم داخل الكابينة زايدة جدا ولماركبت الجلد الجديد اختفت الريحة لاكن السروجى قالى ان فية فتحات داخل الشنطة مفروض تكون مسدودة بسدادات بلاستيك الفتحات دى من الشنطة الى اسفل السيارة فسدها بقطن وقالى لحد ما تلاقيلها السدادات الخاصة بيها ولحد دلوقت ماعرفتش ازاى العادم بيدخل من الشنطة الى داخل الكابينة

للاسف عندى نفس المشكلة شايل خرطوم الفايز والريحة بشمها علطول وبتزيد مع السرعات العالية وياريت لو عند حضرتك الحل ياريت تعرفنى علشان اتخنقت خلاص لادا 2105 موديل 95 ورقم موبايلى 01001333527 وجزاك الله خير الجزاء

أنا كانت عندى نفس المشكله (و ما زالت بس قلت عن الأول)
و ده ممكن يكون سبب:
الكربراتير عاوز يتضبط, و تغيير بكاته, هتفك الكربراتير و تغير بك السلانسية و السرعة بنفس مقاساتهم , لأن إللى راكبين بيكونوا وسعو مع الإستخدام و بيرموا بنزين زياده