الموضوع: اللى يعرف حد امين يدور لك على طلبك

الموضوع مش صعب :) ولا عميل ولا حاجة العربية بيبان عليها
انت بنفسك تقدر تجيب سيارة
اولا : شوف دواخل السيارة مهم جدا تكون مش رشة برة مش فارقة مبيفرقش غير فى التجارة لو عاوز تشتغل وتبيع ! المهم دواخل العربية تكون سليمة بتبان بجد بالنظر وانزل شوف ارضية السيارة من تحت
ثانيا : دور الموتور هتسمع صوتو الموتور فى اى سيارة فى العالم لو كويس بيكون صوتو كويس افتح الغطا شوف فى بخرة ولا لا ؟
ثالثا : دور العربية كذا مرة وشوف وخلي العربية دايرة وشوف السخونية والعداد كلها شغالة ولا لا
رابعا : امشي بالعربية شوف العفشة وجربها فى المدقات
خامسا : صاحب السيارة لو قالك دي حاجة بسيطة على اى مشكلة فى العربية قولة اعملها على حسابي ياعم المهم استلم منك السيارة تمام
سادسا : الكماليات والحجات الى بتبهر كل دة حجات انت ممكن تعملها بمعني انك ممكن تلاقي عربية فيها اكسسورات وعدادات زيادة وبازوكة وعدة صوت كل الكلام دة اونطة سيبك منو اهم حاجة حالة السيارة
دواخل فبريكا - كوتش كويس - موتور ناعم - عفشة كويسة -
والله يكرمك ان شاء الله وتجيب احسن عربية