الموضوع: اسئلة لملاك فلوانس فيس لفت 2014

1 كلها غامق ما عدا اعلى فئه فرشها جلد بيح لونه تحفه تحفه تحفه شفتها ف توكيل رينو اسكندريه
2 شفت كمان الاسود و الكريمى و الموكا فى موضوع هنا فيه صور للالوان على الطبيعه
3 الزيت الأعضاء هنا بيقولوا عادى
4 لو قصدك المحرك يبقى الاجابه ﻷ لكن الباقى مريات و زجاج و اضواء و سنتر كله بيقفل
5 لا اعرف اعتقد بتفتح
6 لا اعرف
7 كرسى السائق ايوه كرسى الراكب الامامى معرفش
8 ﻷ قارنت بالتويوتا فقط

المشاركة الأصلية كتبت بواسطة Dr.Galileo

السلام عليكم ورحمة الله
بداية مبروووووووك لكل واحد جاب العربية دي وعقبالي عن قريب لما احصلكو ان شاء الله

عندي بقا كام سؤال كده قبل قرار الشراء باذن الله تعالي
1- ايه هي الالوان بتاعتها من جوه .... يعني كلها غامق ولا في منها فاتح ولو في فاتح هل بيتوسخ بسرعة والا ايه
2- ايه هي الالوان الخارجية الموجوده منها لانها مش مكتوب في البروشور بتاعها وملفتش عند المصرية غير النبيتي والفضي... وترشحولي ايه
3- لاحظت ان التوكيل بيتعامل مع زيوت توتال .... طيب لو انا حبيت احط زيت تاني واخدت معايا اي نوع زيت تاني في التوكيل اثناء الصيانة بيرضو ولا لا
4- لو سبت العربية شغالة ونزلت وريموت العربية معايا بتقفل ولا لا ؟
5- فتحة السقف بتفتح ولا بانوراما بس
6- الساوند سستم بتاعها اخباره ايه والصوت نقي على الفلاشة ؟
7- الكراسي الامامية ........ بتتحرك لفوق وتحت ولا لا ؟
8- حد كان بيقارن بينها وبين القشقاي زي حلاتي وتنصحوني بايه

وربنا يبارك فيكم جميعا ويحفظلكم عربيتكم ويكفيكم شرورها

هحاول أفيدك على أد ما أقدر
1- فى فاتح وفى غامق واللى معايا غامق وبيترب بسرعة فأعتقد الفاتح بيترب أسرع
2- الألوان اللى شفتها منها حتى الآن: الموكا "اللى معايا" والنبيتى والأبيض والعاجى الأوف وايت والأسود والفيرانى و الشامبين "بالمناسبة اللون دة تحفة عليها" والبرونزى oyster grey ودة بردو تحفة جدا عليها وهو والشامبين والموكا بيدوا درجات مختلفة تماما حسب الإضاءة
3-أى نوع زيت يعجبك خده وهم هيحطوه ومتشغلش بالك
4- أنا جربتها ومنفعش لو حد من الأعضاء جربها ونفعت يا ريت يقولنا لأنه اوبشن ظريف جدا
5- فتحة السقف بتفتح وهى والإزاز لو حد حط أيده فى سكتهم بترجع تانى مش بتقفل على أيده
6- الساوند سيستم زى الفل وحلو جدا ومجربتش الفلاشة انا بشغل من الموبايل بلوتوث على طول
7- كرسى السائق بيتحرك لفوق وتحت اللى جنبه بيتحرك لفوق وتحت فى الفئة اللى أعلى من اللى معايا e3 والله اعلم فى اللى بعدها على طول ولا اللى بعدها كمان
8- الفلوانس حمادة والقاشقاى حمادة تانى خالص ... دى عربية كروس اوفر ودى سيدان والقاشقاى كانت من ضمن مقارناتى هى والسبورتاج وكام عربية تانيين .. اسبتعدت السبورتاج لسعرها الأوفر واسبتعدت القاشقاى لأنى حسيتها فقيرة جدا ... هدفع 205 ألف فى عربية مفهاش بلوتوث ولا مرايات ضم ولا اشارات فالمرايات ولا مثبت سرعة بالإضافة انى لقيتها "كنزة" من ورا وانا كنت عاوز عربية عائلية

[
ايه هي الالوان بتاعتها من جوه .... يعني كلها غامق ولا في منها فاتح ولو في فاتح هل بيتوسخ بسرعة والا ايه
كل الفئات الصالون بتاعها غامق ماعدا اعلي فئة خالص و دي تقريبا مش بتنزل غير بالطلب دي الصالون بتاعها بيج

2- ايه هي الالوان الخارجية الموجوده منها لانها مش مكتوب في البروشور بتاعها وملفتش عند المصرية غير النبيتي والفضي... وترشحولي ايه

الاسود و الفضي و النبيتي و الشامبين و الموكا و الجراي و الابيض تقريبا دول اللي متوافرين لكن ممكن تلاقي علي الويب بتاع رينو اللون الازرق او غيره بس اعتقد دول مش موجودين و طبعا بقا انت و ارتياحك لكن من وجهة نظري انا شايف الاسود و الموكا و الجراي جمال جدا عليها انا معا اللون الجراي و هو فعلا جديد عن الموديل اللي قبله لان مبقاش فيها فاتح و غامق بقا لون واحد بس جديد

3- لاحظت ان التوكيل بيتعامل مع زيوت توتال .... طيب لو انا حبيت احط زيت تاني واخدت معايا اي نوع زيت تاني في التوكيل اثناء الصيانة بيرضو ولا لا

من متابعتي للاعضاء بيقولوا ينفع لكن لسه بصراحه مرحتش التوكيل

4- لو سبت العربية شغالة ونزلت وريموت العربية معايا بتقفل ولا لا ؟

العربيه بتقفل و المرايات بتقفل لكن للاسف الموتور بيفضل شغال و دي مشكله فعلا لان الواحد ممكن ينزل و ينسي لانك مش بتحس ان العربيه دايره اساسا

5- فتحة السقف بتفتح ولا بانوراما بس

بتفتح كهربا وكمان فيها خاصيه اماله برضه كهربا

6- الساوند سستم بتاعها اخباره ايه والصوت نقي على الفلاشة ؟
جيد جدا و علي الفلاشه برضه جيد دا بس المهم درجة جوده الملفات علي الفلاشه

7- الكراسي الامامية ........ بتتحرك لفوق وتحت ولا لا ؟
لكرسي السائق بيتحرك لفوق و لتحت و كمان فيه مسند الفرات القطنيه للظهر بتقدر تتحكم فيها من خلال ذراع في يمين كرسي السائق بس طبعا كله يدوي مش كهربا

8- حد كان بيقارن بينها وبين القشقاي زي حلاتي وتنصحوني بايه

كنت في نفس المقارنه و كان ثالثهم البيجو 308sw بس بصراحه بعد ما اتفرجت عليهم كلهم هي اللي كسبت و طبعا برضه مش لعيوب في العربيات التانيه لكن دا بيبقا ارتياح و انا بافضل السيدان و كمان موتور و فتيس القشقاي اعتقد ان هو هو مواصفات موتور و فتيس الفلوانس الفيس ليفت


نفس الحيره كلنا تقريبا كنا فيها ماتقلقش و اتفرج علي كله و اقعد في كل عربيه و هتلاقي نفسك تلقائي ارتحت لعربيه معينه و ربنا يرشدك للخير

الف الف شكر يا رجالة

ان شاء الله هاحصلكو قريب