عايز أركب زجاج كهرباء أيه رأيكم

**ibnelfared** · 14-12-2013 05:26 PM

معروض عليا مكن يابانى زجاج سيارات بس ألى عايز يبعهم قالى أن المكن طولى وهو ما يعرفش اللادا أيه .
ممكن أعرف رأيكم أركبة ولا ؟ وهل عملى بالمعنى ولا ما ينفعش معانا ؟ هل المكن دة بيركب على اللادا ؟ وسعرة وتركيبة تقريبا كام

**saddam** · 14-12-2013 07:55 PM

صديقي.المواطن
معرفش بتاع صاحبك بيركب عندك ولا ﻷ ولكن هو إختراع ناجح وبيكلف من 400 إلى 600 جنيه بالزراير وحاجة محترمة وفخيمة بدل اﻷكر اللي معادتش تنفع في زمننا هذا واﻷنواع كتير وكلها مستعمل إستيراد وسيبك من صاحبك وروح لواحد يبيعلك ويركبلك في نفس الوقت عشان يتحمل مسؤولية أي نقص أو غلط في التركيب وتجنب مشاوير رايح جاي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mohamedadelemam** · 14-12-2013 10:50 PM

نصيحتى يا فندم بلاش ..انا لما ماكينة الزجاج بتبوظ بلعن اليوم اللى اخترعوا فيه الماكينات الكهربا وكذا مره فكرت اقلبها عادى بأكر بس بفشل

**maheralsisi** · 15-12-2013 12:07 AM

عن تجربة بلاااااااااش
مش عشان ازاز الكهربا وحش لا
لكن اللادا بيبانها تقيلة و ازازها تقيل و دايما بيريح
و كل شوية هاتلاقى المكنة مابترفعش للاخر او الازاز علق او الرفعة طالعة ملووحة ناحية اه و ناحية لا
ده غير ان لو البطارية ريحت و الازاز مفتوح الله عليك عقبال ما تفك الجنب و تثبت الازاز بمفك او تعلقه من تحت
لكن ع العموم لو مصمم اوك بس هات مكن مش واير لان ده مشاكله اكتر و الزجاج تقيل عليه و هاتلاقيه بطئ و كل شوية السلك يلف جوة و هبل كتير

**ايمن رجب** · 24-12-2013 03:08 PM

أنا مركب زجاج كهرباء امامى فقط مواتير تيوتا بقالى 5 سنين بلا مشاكل
بس شال السلك والبكرة نهائى عند واحد فى شارع ضياء هرم مطبعة
كل سنه باعمل صيانة وتشحيم
نصيحتى لو حتركب هات زراير زجاج اللادا من عند سيد نصار الواحد ب 50ج بس حيعيش