هل الكرباريتر ممكن يسخين العربية

**lada2010** · 23-09-2008 03:13 PM

انتم عارفين ان لادا بتسخين بسرعة فهل الكرباريتر ممكن يكون السبب فى تسخين العربية ولا ماهى اسباب السخونة ومع السخونة العربية بتتقيل فى السحب وتبطل طول ما انت ماشى وبتجاب كهرباء زيادة

**عزيز محمد** · 24-09-2008 12:49 PM

المشاركة الأصلية كتبت بواسطة ahmed1981

الكربيراتير الغير مضبوط قد يؤدي لتسخين السيارة

معقول يا باشمهندس تقول الجملة دى وتسكت، دى أصلا تنفع عنوان لموضوع، الشرح لو سمحت موضحا لماذا؟ وأعراض المشكلة؟ وكيفية الوقاية منها؟

**ahmed1981** · 25-09-2008 03:37 AM

حيث أن وظيفة الكربيراتير هي المعايرة لحجم كل من الهواء والبنزين
وكذلك تحديد النسبة بينهما
فإنه في حالة عدم ضبطه أو وجود خلل به
قد يزيد من نسبة البنزين في الخليط بدون داعي
والتي بدورها ترفع من حرارة المحرك وكذلك تزيد من إستهلاكه للبنزين

لذلك فإن إن كان هناك شك في أن الكربيراتير غير مضبوط ويسخن السيارة فعليك بالتوجه لأقرب كربيراتيراتي يضبط لك الكربيراتير

والذي أعرفه بشارع الأربعين متفرع من جسر السويس
وإن كانت آخر مرة تعاملت معه منذ حوالي خمس سنوات لكنه مازال يعمل وكلما أرسلت له أحدهم أثنى على إتقانه في عمله
إسم المحل العسكري
وعنوانه: بشارع الأربعين متفرع من جسر السويس في أول الشارع على الشمال ثالث عمارة على الشمال

**عزيز محمد** · 25-09-2008 06:25 AM

شكرا جزيلا على التوضيح يا باشمهندس أحمد

والعسكرى أنا رحت له فعلا، وكان عندى مشكلة واتحلت على إيده والحمد لله

توضيح صغير: هو فعلا فى شارع الأربعين على الشمال وانت جاى من جسر السويس، إنما بعد المزلقان بشوية صغيرين

**hazem_khidr** · 25-09-2008 08:32 AM

طب ما تشوف التاكيهات ممكن تكون مش مضبوطه.
لما التاكيهات ما بتبقاش مضبوطه العربيه بتسخن
و شوف ساعه الحراره
و اكشف علي الردياتير و سلكه او غيره لو محتاج

**ahmedkb** · 03-11-2008 12:54 AM

السلام عليكم
انا انضميت للمنتدى حديثا جدا
المواضيع جميلة المنتدى جميل

بالنسبة للحرارة انا لى تجربة معها
عندى لادا 2305 كانت بتسحن جدا
بالصدفة غيرت طلمبة المياء فالميكانيكى قالى الراديتير مسدود مش بيقلب الميه
لما روحت اسلك الرداياتير
اكتشفت ان فيه تعديل بيتعمل فى دورة المياه بحيث انه بيقفل مسار للمياء بيدخل المياء الساخنة بالكامل للراديتير
وده حل جزء كبيييييييييير جدا من مشكلة الحرارة فتتاكد بس من ان التعديل البسيط ده حد عمله قبل كده
لانى اشتريت العربية من غير التعديل ده
شكرا

**ahmedkb** · 03-11-2008 12:56 AM

اسف
2105
بدل من 2305
ممكن طلب لو حد يعرف كتب عن الكاربريتوراو ظبط التاكيهات
او تعديلات فى العفشة
تعديلات فى شكل السيارة
تعديلات فى الفرش
اى شىء يخص السيارة ياريت يبعتلى وشكرا