الموضوع: استفسار بخصوص sound system

المشاركة الأصلية كتبت بواسطة medo555

السلام عليكم و رحمة الله و بركاته

كنت عايز اركب sound system كويس فى العربيه
انا عندى سماعتين pioneer 400w بس على كاسيت سئ
و كنت بفكر ازود عليهم سماعتين
kenwood 600w (double bass) kfc-hqr7100
فهل هى كويسه ولا لأ؟ و هل تستحق ال 900 جنيه ولا لأ؟
و كاسييت usb and aux) pioneer) بس مش عارف افضل موديل ايه
kenwood kac-8405 4 channel 720
بس برضه مش عارف ده افضل gm للسماعات دى ولا لأ!

من الأخر انا عايز صوت و bass محترمين, مش عايز اسمع خروشة bass خالص

فياريت تساعدونى :)

شوف يا باشا بالنسبه للسماعات انا بقولك عن تجربه اشتريهم وانت مغمض بس من التوكيل انا لسه شاريهم من التوكيل فى احمد عرابى فى المهندسين ودى تانى مره اشتريهم هما بالتركيب ب 950 جنيه اما بالنسبة للجى ام الكينود 720 وات 4 تشانل محترم جدا جدا ولو هتركب بازوكا يبقى تجيب جى ام سيمفونى 640 وات 4 تشانل انا معايا الاتنين بس عن تجربة الجى ام السيمفونى الصناعه الكورى بالذات صوته قوى جدا ونقى جدا جدا اما بالنسبه للكاسيت افضل نوع البايونير ثم السونى وده من وجهة نظرى...وانتظر رأى الاعضاء الافاضل وياريت اكون افدتك بمعلومه

المشاركة الأصلية كتبت بواسطة Ahmod

انت متاكد ان الجي ام السيمفوني صوته نقي !! ؟؟؟ ولو نقي فهو نقي بالنسبة لايه ؟

انت جربت نفس الصب / البازوكا على جي ام بايونير وقارنت فرق النقاء ؟؟

انا جربت الاتنين الكينود والسيمفونى على السماعات الكينود 600دبل بيز والبايونير 500 وات وعلى صب بايونير 1400 وات d4 وعلى بازوكا جى بى ال 1000 وات وتقريبا النقاء متقارب جدا والفرق فى البيز لصالح السيمفونى بصراحه قوى جدا

المشاركة الأصلية كتبت بواسطة ahmod

انا عارف ان السيمفوني اقوى والبيز فيه اقوى كتييير

بس انا كان عندي صب كيكر usa وكنت حاطه على جي ام بايونير 820 وات

بعد كدة ركبته على جي ام سيمفوني 400 وات بس المصري

السيمفوني اقوى في البيز بس فيه فرق رهييييييييييب في النقاء !!! لدرجة اني كرهت الصب وبعته مع انه كان صب محترم

فعشان كدة استغربت لما حضرتك قلت ان السيمفوني نقي !! ؟

لو الفكرة ان المصري هو اللى مش نقي والكوري نقي فانا لو كدة هنزل اشتري جي ام سيمفوني من بكرة بس انا لازم اتاكد الاول من النقطة دي

عشان ماشتريهوش ويحصل نفس السيناريو تاني

شوف يا احمد بك روح توكيل سيمفونى وخليه يجربلك الكورى واسمع صوته على الطبيعه وان شاء الله هتقتنع بصوته لان فى فعلا فرق بين المصرى والكورى لانى بردو جربت الاتنين 500 وات 4 تشانل المصرى كان فعلا صوته تعبان وبيزه عالى وغشيم اما الكورى تقريبا زى الكينود بس البيز بردو عالى بس نقى ... وبعدين يا راجل حد يبيع صب كيكر امريكى ده انت لو بعت العربيه كمان متبيعهوش هههههههه بهزر بس جرب زى ما قولتلك وهتقتنع وهتوفر مع انه سعرة دلوقتى 700 جنيه يعنى مفيش توفير وبالتوفيق يا احمد بك وربنا يوفقك فى الاختيار

السيمفونى 640 وات / 4 تشانيل أقوى وانقى - كورى وبضمان الوكيل سعره 760 جنيه بالتركيب
هتركب معاه البايونير 2550
طقم rc جولد - وعيش حياتك

بالنسبه للكاسيت انا بفكر فى Pioneer DEH-6450BT
و بالنسبه للسماعات انا كده هيبقى عندى ال kenwood 600w و ال pioneer 400w
لأنى مش هركب لا بازوكا ولا صب
فالتوصيل على ال الكينود ال 720 4 شانيل هيبقى ازاى
و هل اوصل ال 4 سماعات على ال GM ولا اوصل ال pioneer على الكاسيت بس؟
و هل السماعات ال kenwood هيبقوا من التوكيل صينى ولا اندونيسى؟