ممكن طريقة توصيل الجى ام والكاسيت

**bam8572** · 30-01-2014 12:58 PM

السلام عليكم ورحمة الله وبركاته

عندى طقم صوت عاوز اوصله فى العربية
المصنعيات بقت حراقة اوى :d كل واحد عاوز له 100 جنيه عشان يوصل سماعتين ابواب وسماعتين ورا وكاسيت وجى ام وصب

فياريت لو حد عنده طريقة يشرحلى اوصل ازاى مع العلم انى عندى خلفية كنت بشوفهم بيركبوا قبل كدا ادامى كذا مرة

بس انا عاوز طريقة توصيل سلك الجى ام فى الكاسيت والبطارية
وطريقة توصيل الكاسيت نفسه يعنى عاوز اشيل الكاسيت اللى راكب واركب الكاسيت بتاعى واوصله على سلوك السماعات

اما انى افك الابواب واحط السماعات فيها امرها سهل , وكذلك فى البوردة من ورا انى افك السماعات واحط بتوعى واوصلهم بردو ان شاء الله امرهم سهل

فى انتظاركم

**bam8572** · 30-01-2014 01:00 PM

مع العلم ان جميع الوصلات موجودة

**body7733** · 30-01-2014 02:08 PM

المشاركة الأصلية كتبت بواسطة bam8572

السلام عليكم ورحمة الله وبركاته

عندى طقم صوت عاوز اوصله فى العربية
المصنعيات بقت حراقة اوى :d كل واحد عاوز له 100 جنيه عشان يوصل سماعتين ابواب وسماعتين ورا وكاسيت وجى ام وصب

فياريت لو حد عنده طريقة يشرحلى اوصل ازاى مع العلم انى عندى خلفية كنت بشوفهم بيركبوا قبل كدا ادامى كذا مرة

بس انا عاوز طريقة توصيل سلك الجى ام فى الكاسيت والبطارية
وطريقة توصيل الكاسيت نفسه يعنى عاوز اشيل الكاسيت اللى راكب واركب الكاسيت بتاعى واوصله على سلوك السماعات

اما انى افك الابواب واحط السماعات فيها امرها سهل , وكذلك فى البوردة من ورا انى افك السماعات واحط بتوعى واوصلهم بردو ان شاء الله امرهم سهل

فى انتظاركم

شوف انت حتى لو حد قالك على طريقة التوصيل انا بنصحك ماتجزفش علشان ميتحرقش منك اى حاجه ... الفنى حتى لو المصنعية بتاعته حراقه بس هو فاهم شغله اكتر وهو المسؤول لو حصل حاجه ... المثل بيقول ادى العيش لخبازه صح ولآ انت مش مقتنع والخسارة القريبه احسن من المكسب البعيد ..دى نصيحتى وليك حريتك بردو

**bam8572** · 30-01-2014 02:32 PM

مفيش مشكلة والله بس انا حابب اتعلم بردو
لإنى شغال فى العربيات , وفى الاجازات وكدا بخلى العربية معايا فترة طويلة

مش معقول كل عربية هقعدها معايا شوية عشان اركب سماعتين وكاسبت وصب ادفع 100 جنيه تركيب و100 جنيه افكهم

انا كدا دفعت تمن عدة جديدة

**bam8572** · 30-01-2014 02:40 PM

توصيل السماعات مفيهوش اى مشكلة ياجماعة

وسلوك الجى ام كلها داخلة فيه

فاضل بس الآتى :

توصيل الكاسيت نفسه بضفيرة السيارة يعنى سلك الكاسيت الرئيسى بس اللى فاضل مش عارف اوصله بإيه , لكن سلوك السماعات كلها تمام وصلتها

وفى سلوك طالعة من الجى ام وهى كالآتى :

سلك هيوصل بالبطارية ودا انا عارفه

وسلك تانى هيوصل بالكاسيت بس مش عارف اوصله فين بالكاسيت

وكابلين هيدخلوا فى الكاسيت ودول انا عارفهم

وسلكين قصيرين تقريباً هيتوصلوا بأرضى العربية فى الشنطة بس مش عارف اوصل مين فيهم او اوصله فين ( سلك اسمر وسلك احمر )

**bam8572** · 31-01-2014 08:14 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

**Moe86** · 31-01-2014 10:45 PM

فى سلك أرضى بيوصل بأى جزء معدن فى العربية, عندى متوصل بجزء تحت الكنبة

و الكهرباء بيوصل بالبطارية, بس مش فاكر السالب ولا الموجب! لو عايز أنزل اشوفلك

و فى فيوز كدة بيوصل فى سلك البطارية ضرورى علشان الكهرباء لو عليت , و عارف ان المسافة بين الفيوز دة و البطارية لازم تكون اقل من 40 سنتى

**Pondok** · 03-02-2014 10:29 AM

باشا الكاسيت طالع من وصلة عاملة زى بتاعة الفيديو دى هتجيب حاجة اسمها ار سى ويفضل من راديو شاك سعرها 45 جنيهة عشان تاخد انضف كواليتى للصوت وتوصلها من الكاسيت للجى ام دة اسمو الداخل
الوصلة دى هتغنيك عن اى وصلات تانية طالعة من الكاسيت وبالنسبة للكهرباء خد وصلة ديركت من البطارية للكاسيت عشان لو وصلتها على الدينا او الموبينة هتسمع صوت زنة وكمان هتلاقى صوت الكلاكس فى السماعات

وبالنسبة لسلوك الكهرباء فى واحد اسمو ريموت فى الجى ام هتلاقى واحد زيو فى الكاسيت دة بيخلى الجى ام بيشتغل وبيفصل مع الكاسيت بيتوصل علية

**bam8572** · 04-02-2014 01:13 AM

ياجماعةا لسلوك والوصلات كلها عندى ,, ناقصنى بس التوصيل

كل اللى بعرف اوصله سلوك السماعات ,,
وعرفت خلاص ازاى اوصل سلوك من الجى ام للصب , ومن الجى ام بجسم العربية

فاضل بس توصيل سلوك الكاسيت نفسه كـ باور مش عارف الاوان اوصلها بأيه ,, ؟؟ , والسلك اللى جاى من الجى ام للكاسيت عارفه بس مش عارف اوصله فين بردو ؟؟

**eldell** · 04-02-2014 08:05 PM

المشاركة الأصلية كتبت بواسطة bam8572

ياجماعةا لسلوك والوصلات كلها عندى ,, ناقصنى بس التوصيل

كل اللى بعرف اوصله سلوك السماعات ,,
وعرفت خلاص ازاى اوصل سلوك من الجى ام للصب , ومن الجى ام بجسم العربية

فاضل بس توصيل سلوك الكاسيت نفسه كـ باور مش عارف الاوان اوصلها بأيه ,, ؟؟ , والسلك اللى جاى من الجى ام للكاسيت عارفه بس مش عارف اوصله فين بردو ؟؟

بص ياباا بالنسبه لتوصيل الكاسيت فاكينا كاسيت بتاع عربيه لانوس ووصلنا الالوان ببعضها يعنى مثلا الاحمر بالاحمر بتاع الضفيره والاصفر كذالك بالاصفر والازرق كذالك تماااام وخد بالك علشان هتلاقى الوان مقلمه وفى الوان ساده يعنى هتلاقى اصفر مقلم واصفر ساده خد بالك من الحته ديه
بالنسبه بقى للسلك الى طالع من الكاسيت للجى ام ده بتاع الريموت علشان يفصل الجى ام لما تقفل الكاسيت وده هتلاقى سلك طالع من الكاسيت الى عندك ومكتوب عليه ورقه وهتلاقى فى الجى ام جنب الكهربا والارضى وده بيبقى سللك رفيع ميبقاش زى الكهربا يعنى 2 مللى مثلا يااارب اكون افادتك
بالنسبه بقى للجى ام سلك الكهربا بيتوصل بالموجب بتاع البطاريه والارضى الاحسن انه يبقى قصير مش طويل علشان ميبقاش فى زنه