الموضوع: صيانة ال 1000 كم عند وهدان

يوم جميل عليكم يا شباب, الحمد لله كملت ال 1000 كم امبارح و قررت اروح إنهاردة اعمل الصيانة فى مركز وهدان المعتمد الى فالعجوزة, و ها هو التقرير المفصل:

-من كام يوم كلمت غب 16661 و كنت عايز احجز ميعا و إدونى ميعاد يوم 23/3/2014 ان شاء الله فقررت اروح مركز معتمد و اقربهم كان وهدان العجوزة رقم المهندس المختص و مدير الورش "مهندس: تامر" 01111117009 الراجل متعاون جدآ و محترم و زوق و بينصح و مابقفلش الدنيا

- كلمتة و رحت انهاردة و اول ما وصلت ذهلت انها ورشة اصلآ مش مركز و مهندسين و كدة.

- الفنيين قاعدين يتكلموا كتير بصوت عالى و شتيمة و قلة ادب مبالغ فيها فا محدش يبعت انثى للتعامل معاهم

- الفنيين مش مدربيين و هو اصلآ كان مركز بيجو فالعربية جديدة عليهم

- المهندسين مش واخدين كورسات كفاية للعمل على السيارة بإحترافية

- العدد مش متوافرة " يعنى مثلآ المركز كلة فية زرجينة واحدة لفك فيلتر الزيت.

- المركز فى شارع ضيق جدآ لدرجة إنى شفت عربيتيين إتخبطوا قدامى و انا واقف.

الأشياء التى تمت فالسيارة كالأتى:

- تغيير فلتر زيت محرك
- تغيير زيت محرك
- إعادة رجلشة نور الإستوب الخلفى
- تربيط العفشة
- تنظيف فلتر الهواء
- الكشف على صوت الفريون فى التكييف
و كلة تم امامى و رفعت اكمامى و نزلت معاهم تحت العربية كمان, فالحمد لله كلو تمام.

كانوا بيحاولوا يقنعونى احط زيت موبيل 1 و قلتلهم ان الإزاز و تحت الكبوت و الشركة بتنصح بشيل هيلكس و حطيت الهيلكس فعلآ.

كنت انا إلي بسوق العربية فى المنطقة لعدم توافر سائقين خبرة و لا اماكن امام مركز الخدمة و لخوفى على السيارة من المكان و لما ركبها واحد من المكان ماكنش متعود على سواقتها و رجلة ماكانتش واخدة على العربية و الدواسات

التقييم:
الإستقبال: 5/10
تسليم السيارة: 1/10
معرفة المشاكل و الملاحظات و السؤال عنها: 1/10
طريقة الكشف على السيارة: 1/10
العمل على حل الملاحظات: 5/10

التقييم فى كلمة:
"لو كنت رحت بنزينة كان افضل"

بس بغض النظر عن دة كلة,
- الحمدلله نور الستوب إتظبط
- الحمد لله صوت الموتور بقى افضل
- الحمد لله التجمييع على النقلة بقى افضل
- شفت العربية من تحت و شفت التقفيل و مستريح نسبيآ الحمد لله

لسة ما اخدتش كتاب الضمان

اسف على الإطالة بس لازم انقل التجربة بكل امانةو الي هايروح هناك لازم يكون فاهم الي فالعربية و يتكلم مع الورشة كلها عشان ماتعرفش مين هايشتغل فالعربية و مين لأ. و ربنا يحفظنا و يحفظ عربياتنا... و دمتم

المشاركة الأصلية كتبت بواسطة s o p h o s

عقبال صيانة ال 100 الف

اشكرك بشدة يا عاشق التويوتا