موبيل 1 بيتغير كل 10 الاف - طيب لو العربية مركونه ؟

**actronx** · 30-09-2008 03:01 AM

بختصار حد يعرف صلاحية زيت موبيل 1 كام شهر ؟ يعني لو العربية مركونه طول السنه وبتتحرك شهر بس ... هل ينطبق عليها موضوع تغيير زيت كل 10 الاف ولا ليه مده معينه يتغير فيها ؟ افيدونا افادكم الله

**AHMEDCAR** · 30-09-2008 03:13 AM

صلاحيته 6 شهور

و فى الحاله بعتك دى يبقى حط زيت ال5000 و غيره قبل شهريين الاستخدام و بعد كده اركنها و لما ترجع تانى غيره و هكذا كده اوفرلك

**جمال** · 30-09-2008 03:19 AM

انا فى التوكيل حطولى زيت شل والمهندسة قالت لى غيره بعد 10 آلآف كم او سنه

**shoudy2005** · 30-09-2008 04:08 AM

المفروض لو ممشتش بيه كتير يتغير بعد 6 اشهر الزيت ده للناس اللى بتسافر كتير و بتحرق على المتور جامد لكن لو هتركنها كتير هاتلك موبيل xhp او شل سوبر و بيتغيرو كل 4000 كم

**MEDO80** · 30-09-2008 04:08 AM

ما بلاش الزيت المعدني المقرف دا انا جربت موبيل اكس اتش بي بعد 10 الاف كيلو كان عندي نفس المشكلة اني مش باعمل ال 10 الاف في 6 شور يعني اخري اعمل 5 او 6 الاف بس في ال 6 شهور فاستخسرت و حطيت زيت معدني خربلي الدنيا و العربية لسة جديدة الصوت بتاع الموتور علي و العربية بقت خشننة و سحبها قل و حاجة تقرف ما كملتش بية 2000كيلو و رميتة في الزبالة و حطيت موبيل1 بس بصراحة باستخسر انزلة بعد 6 شهور ان حاقعدة المره دية 9 شهور حاكون عملتلي فيهم بالزيادة 8 الاف كيلو و كمان العربية لسة عاملة 20 الف و خصوصا ان في ناس قبل كدا قعدوه سنة و شوية في عربية اوكتافيا و كانوا برضة بيركنوا عربياتهم و العربية زي الفل و وواحد صاحبي عمل مره بزيت موبيل 1 18 الف !!!! المهم طبعا الزيت اتبهدل و العربية جت في الاخر بقت مش تمام قوي المهم غيره و رجعت العربية زي الاول بدون مشاكل المهم ان موضوع ال 10 الاف دا و الست شهور دا كلام يمكن يكون مبالغ فية شوية و معمول لاسؤاء اسؤا ظروف تشغيل و الشركات بتحط المعايير دية علشان تحمي نفسها بالزيادة علي حساب المستهلك و في نفس الوقت تزود المبيعات
و في مواضيع هنا في المنتدي عن الزيوت بالهبل و عن مواعييد تغييرها و كل ما يتعلق بيها

**Ramytoyota** · 30-09-2008 04:12 AM

مشاكل الزيت مابتظهرش على طول فى العربيه بتظهر بعد فتره كبيره من الاستخدام

**mohamed ismail** · 30-09-2008 04:29 AM

ازيك يا عم اكرم
كل سنة وانته طيب يا باشا

المشاركة الأصلية كتبت بواسطة Akram

الل اعرفه كل 6 شهور زي ما احمد ما قال ,
بس لو العربية جديدة متغيروش من زيت تخليقي لمعدني حتى لو هتستخدم العربية شهر واحد في السنة .

ممكن اعرف السبب؟

**Dr. Elsaadani** · 30-09-2008 11:10 AM

اتكل على الله حط موبيل 1 واحسب سنة مركونة او ماشية

**MEDO80** · 30-09-2008 02:46 PM

المشاركة الأصلية كتبت بواسطة mohamed ismail

ازيك يا عم اكرم
كل سنة وانته طيب يا باشا

ممكن اعرف السبب؟

;دا برضة حندخل في القصة المعتادة و المكره بتاعت الزيت المعدني و التخليقي
الزيت التخليقي الخفيف زي موبيل1 بيحافظ علي موتور العربية و بيحمية اكتر من العادي و البورشور بتاع موبيل1 بيقول ان الموتور الي بيستعمل زيت تخليقي عمره اربع اضعاف عمر الموتور الي بيستعمل زيت عادي و بعدين الزيت التخليقي افضل علشان بيخليك تستمتع بامكانيات الموتور كاملة و خصوصا لو جديد يعني شد و اجري و اقرص براحتك ( الموتور محمي كويس من الاحتكاك و السخونة و الكلام دا ) ثانيا مكن تطلع من غير ما تسخن لانة بينتشر في الموتور بسرعة
ثالثا ما ينفعش تستخدمة الا و العربية جديدة
رابعا العربية لو في تكنولوجيا عليا نقاط حقن اليكتروني و صبابات كتير و هورس باور عالي زي معظم عربيات اليومين دول يبقي لازم موبيل1 او ما يعادلة علشان يستحمل الاتجهادات الي علي الموتور و بيدخل في ادق اجزاءه و بالتالي بيزيتة بنسبة عالية جدا و بيزيت اجزائة المتحركة و بالتالي بيحمية

-

الموضوع: موبيل 1 بيتغير كل 10 الاف - طيب لو العربية مركونه ؟

LinkBack

أدوات الموضوع

عرض

-

-

؟ -

-

-

-

-

المواضيع المتشابهه

هو زيت موبيل xhp للماروتي بيتغير كل كام كيلو؟؟

كم سعر صيانة 20000 جين 2 وإيه اللى بيتغير فى العربية

انهي زيت افضل للاكسنت rb شل اصفر5 الاف ولا شل الترا10 الاف كم

ماء الريدياتير بيتغير ولا لأ ولو بيتغير بيتغير على كام كيلو؟

تحسن العربية بعد الاف الاولى

الكلمات الدلالية لهذا الموضوع

المفضلات

المفضلات

ضوابط المشاركة