الموضوع: سؤال لخبراء لادا 2107 ؟؟؟؟؟؟؟؟؟

المشاركة الأصلية كتبت بواسطة angel83

الحمد لله معايا عربية لادا 2107 موديل 2014 لسه شاريها من شهر تقريبا عامله دلوقتي حوالي 1500 كيلو وبسمع وانا ماشي علي التالت صوت ونه وانا ماشي علي التالت فقط يعني لما بحرق علي التالت يبتدي صوت الونه (او صفاره تقريبا) يظهر وبيكون ساعتها ال rbm عامل 3 او 4 مع العلم اني عملت صيانة الالف كيلو في التوكيل وغيرولي زيت الدربوكس والكورونه والموتور مع العلم بأن زيت الدربوكس اللي تم تغييره زيت اتقل من بتاع الفبريكه اللي كان فيها حتي بيخلي الغيارات الصبح بتبقي تقيله وبعدين بتبقي كويسه لما العربيه تسخن مع العلم ايضا ان صوت الونه ديه كانت موجوده قبل تغيير زيت الدربوكس
فهل ده طبيعي ؟ او هيروح لما العربيه تمشي كتير؟
ولا ده عيب في الدربوكس؟(ربنا يسترها)
ارجو الافاده وجزاكم الله كل خير وجعله في ميزان حسناتكم

اولا مبروك علي اللادا الزيرو -وربنا يسامحنا علي الجريمة اللي ارتكبناها في حق البشرية دي-

ثانيا حراااااام عليك العربية لسه بشوكها وهيا اصلا محدوده الامكانيات والافضل انك تزود مدة التليين مش تحرق بدري اوي كدا

ثالثا الونه دي جايه من انهي ناحيه الجيربوكس ولا الموتور ولا ايه بالظبط ولما بتحرق علي باقي الغيارات ايه الاخبار وبالتحديد الغيار الرابع؟ (اتاكد تاني معلش)

رابعا السيارة موديل 1974 وليس 2014 وهذا احتيال عقيم من التوكيل اللعين المسمي بالامل

المشاركة الأصلية كتبت بواسطة angel83

صوت الونه علي التالت فقط ومبتظهرش غير لما بحرق علي الغيار ؟؟؟؟؟؟؟؟؟؟؟؟؟

ممكن التيلة اللي ماسكه الترس بتاع التالت محتاجه تتغير او ما شابه

بس نصيحه بطل حرق الله يحفظك ويباركلك في عربيتك

هو المنتدى ده يا جماعه لسيارات لادا و لا (لكارهى سيارات لادا؟؟) هو كل واحد يشترى لادا زيرو تفضلوا تعقدوه من العربيه ليه؟؟؟ الف مبروك عليك العربيه و ربنا يبارك لسعادتك فيها و ان شا الله كل مشاكلها بسيطه و تنحل.

المشاركة الأصلية كتبت بواسطة mirra

هو المنتدى ده يا جماعه لسيارات لادا و لا (لكارهى سيارات لادا؟؟) هو كل واحد يشترى لادا زيرو تفضلوا تعقدوه من العربيه ليه؟؟؟ الف مبروك عليك العربيه و ربنا يبارك لسعادتك فيها و ان شا الله كل مشاكلها بسيطه و تنحل.

حاااااااااااااضر يا سيدي ..... بس اصلها حاجه تغيظ اوي هههه

المشاركة الأصلية كتبت بواسطة م.أحمد الدسوقي

حاااااااااااااضر يا سيدي ..... بس اصلها حاجه تغيظ اوي هههه

تسلم يا باش مهندس

بص ياباشا ،الغيارات التقيلة الصبح دى لانهم فى التوكيل للاسف بيغيروا الزيت بزيت فالفالينا 140 وده للاسف تقيل جدا وخصوصا فى الشتا انما فى الصيف هيمشى معاك كويس جدا،لو المشكلة مضايقاك قوى ممكن تغير لزيت فافالينا 80-90 ده هيضيعلك المشكلة دى خالص،لكن صوت الونه ده لازم تحدد جاى منين وماتحكمش عليه الا بعد مالعربيه تعمل 5 الاف على الاقل وهى فترة التليين المعقوله