الموضوع: طلب استشارة لشراء انسب عربية لإحتياجاتي

المشاركة الأصلية كتبت بواسطة shiko85

شوف اللينك ده
السيارات المستعملة - contactcars.com

شكرا على سرعة الرد أولى :)

ثانيا .. أنا بقالي فترة مش قصيرة عمال ادور .. الهدف من سؤالي هنا هو ترشيح أنواع سيارات بعينها تناسب حدود الامكانيات المكتوبة .. خصوصا من حيث الاعتمادية و الامان و قطع الغيار "مش عايز حاجات رخيصة و خلاص" لو حتى فوق المعقول بنسبة مش كبيرة بس اكون واثق فيها .. يعني أركب القطعة و انساها ..

للصراحة أنا توصلت لنوعين .. سكودا فابيا حتى 2004 و جوليت .. لكني اقرب للفابيا صراحة " بعيدا عن فتي الناس اللي مجربتهاش لكنها بتسمع بس "

هل يوجد أنواع اقدر ادخلها في البحث ولا رأي حضرتك إيه ؟ :)

المشاركة الأصلية كتبت بواسطة shiko85

المشكله فالـــ abs و انها فوق الـ 2000
هى جوليت فيها abs ؟

بقدر معلوماتي البسيطة لأ ..
أنا عارف انه تقريبا سؤال تعجيزي يكاد يصل لمرحلة الخيال العلمي ... بس أنا روحت شفت عربية جوليت النهارده المفروض إنها حالة جيدة بس العربية في الأصل مش مقتنع بيها 100% .. مقارنة مع الفابيا مثلا في فروق ملحوظة في الأداء .. لكن اسعار قطع غيار الجوليت مفيش منافسة "مع اني مش مقتنع إن جودة قطع الغيار هتكون بالمثل في الفابيا مثلا"

أنا عارف انه سؤال محير ..
أنا كنت مدخل كذا نوع تاني هذكرهم و نقاطي عليهم ..
- جراند بونتو 2007 --> السعر مش اقل من 59 ألف و قطع غيار مبالغ فيها مقارنة بالسابق
- أوبل كورسا --> من فوق ال 2000 و هي تقريبا سيدان و الشكل غير عاطفي لحد ما / الهاتش باك في 2000 بس موتور ضعيف أو متسقطلها موتور اكبر "غير مضمون"
- سيات ابيزا --> تقريبا لا يوجد سيارات في حدود السعر و سنة الصنع المرغوب فيها سويا "يا إما تحت 2000 و سعرها حلو يا إما من 2006 و سعرها غالي"
- ستروين C3 --> عربية في الحدود المرغوب فيها لكنها غير اعتمادية بالشكل المتوقع و مشاكلها تكاد تكون كثيرة لحد ما مقارنة مع المنافسين
- هيونداي i10 --> والدي قال لي الصرف نظر عنها عشان قطع غيار نادرة و غالية "مش متأكد من كلامة بصراحة :D "
-فولكس فاجن بولو --> معملتش بحث عنها بصراحة فمش عارف هل تناسب احتياجاتي ولا لأ قطع الغير و هكذا

اذا في كذا حاجة تانية بس ده اللي فاكرة .. أنا عارف إني لخبط الدنيا بس اذا إن دي عادة أي حد عايز يشتري عربية تناسب طموحاته و يكون عارف انه جاب انسب حاجة وإن لم تكن بنسبة 100%

اسف على الاطالة و شكرا على الرد :)

متابع معاك عشان ظروفى نفس ظروفك بالظبط ربنا يدلنا على الخير

المشاركة الأصلية كتبت بواسطة shiko85

نوبيرا - فيرنا - لانوس - افيو - عربيات صينى

ايه الزباله دي يعني الراجل يقولك فابيا وبونتو وابيزا تقوله فيرنا افيو وعربيات صيني ده ما يركبش عربيات خالص ولا يركبش العربيات الزباله دي مع كامل احترامي لملاكها
شوف يا باشا (صاحب الموضوع ) ممكن تشوف فولكس واجن بولو اعتقد انها اقرب حاجه لاحتياجاتك من حيث السعر والمودديل والاعتماديه وجوده قطع الغيار .