الموضوع: ايه موضوع العفشه التورشن بيم دى اللى نازله فى الفلونس

لالالالالالالالالا يا باشا العربيه مقتنع بها تماما و بعد مقارنات مع الكورولا و الاسترا بس بصراحه ما خطرش على بالى ادقق فى العفشه لانى متأكد انهم مش هاينزلوا عفشه اى كلام فى عربيه زى دى حتى لو تورشن بيم . و انا عارف كويس انه مافيش عربيه كامله و لكن باخد الاجمالى , شاكر لرد سيادتك و فعلا باستمتع بها :)) , ما عليش ليه طلب تانى , اشتريت العربيه من معرض و معرض كبير لا داعى لذكر اسمه علشان التوكيل عنده حجز و فتره طويله خصوصا على e3s و طبعا الشرا من معرض لا يخلو من حركات العيال , ما استلمتش الخمس مسامير بتوع الاستبن و همه طبعا مختلفين عن مسامير الجنوط لان الجنوط 16 و الاستبن 15 و مش جنط , المهم هو سعرهم مش غالى بس مقاسهم كام ؟ لو عندك فكره افيدنى

المشاركة الأصلية كتبت بواسطة miceg

انا برضه استلمت من معرض
ومستلمتش المسامير ومعنديش فكرة والله
هحاول اوصل للمعومة وأقولك
وربنا يديم عليك وعلينا الفلوانس نعمة ويحفظها من الزوال

تحياتي

امين و يكفينا شر العين , انا سالت التوكيل بنفسى و قال بينزل 5 مسامير للاستبن بس ما يعرفوش المقاس , محتاجين يوصلونا بمهندس , بس دى فعلا مشكله ما حدش يقدر يعرف امتى تتعرض لموقف تغيير العجل حتى لو جديد , و الله انا باخاف من المعارض علشان الحركات دى بس هاعمل ايه , التوكيل هو اللى بيجبرنا و عليه ضغط حجز لدرجة انه لفيت اكتر من 5 معارض كبيره علشان اتفرج بس و ما فيش حتى فى التوكيل عربيه تتفرج عليها

المشاركة الأصلية كتبت بواسطة opelcars

قارنت بين الفلونس وبين الاسترا والكورولا واقتنعت ب رينوا
مينفعش اصلا مقارنه بين رينو واوبل او رينوا وكورولا
حضرتك كده ظلمت نفسك\
تحياتي

ما عليش مش فاهم :) , ظلمت نفسى من ناحية ايه بالظبط ؟ الافضليه لهم ؟ لا اعتقد

مش كل المالتي لينك ثابت و لا كل التورشن مراجيح
هو طبعا المالتي لينك بيديك قبل الثبات نعومة و راحة لكن مش هو أساس ثبات العربيه
الفلوانس من أجمل العربيات في فئتها في الثبات مع إنها مش أوروبي مخلص لكن ثابته جدا و مريحه في نفس الوقت
أستمتع بعربيتك و مبروك عليك