الموضوع: تعديل عريبات الvag ارجو المساعدة!!!!

معلش مع كامل احترامي للكلام اللي زي الفل ده الا ان الحاسه السابعه عندي بتقولي ان الكلام ده مش مضبوط ليه بقي ؟ اصل ازاي تخلي ال168 حصان مش هقولك 300 حصان هقولك 200 بس باللعب ف السوفت وير هو سيادتك واخد بالك انت بتتكلم ف كام حصان فرق ده الواحد يوم ماعربيته تبقي ع الشعره من بوجيهات سبور واسلاك بوجيهات وتعديل هيدرا وشكمان كامل وفلتر هوا وشوية حاجات كمان مش متذكرها وبعد كل ده لوزادت 20 حصان علي بعض يبقي ببركه دعاء الوالدين ده لو المكنة استحملت لانه بعد المصاريف دي عايزها ولا الفيراري شد وغرز وتخميس بلاش كل ده هو ايه الشاسية اللي يستحمل ال 300 حصان ده لو سيادتك صبيته رصاص وركبت بارات برده عشان الشاسية مااعتقدش انه هيصبر اودام العزم ده كله بلاش دي طب ايه البلوكه والبساتم العادية بتاعه المصنع اللي تستحمل الضغط ده كله بتهيالي الموضوع صعب حتي ان الواحد يتخيله اصلا

يا جدعان اللي عنده حاجة مفيدة يقولها اللي معندوش ميعملش مشاركة عشان البوست ميبقاش مفتوح ع البحري! اللي يعرف برامج او تولز بتعيد برمجة او تعديل الكنترول في عربيات الvag يا ريت يشارك معرفته!

وبالنسبة للاخ اللي رادد فوق اه الهورس باور بتاعت الجولف 5 ممكن تتعدل من 168 حصان لغاية 250 حصان عادي جدا عن اعادة برمجة الكنترول (حاجة كده زي كسر السرعة في الهاردير بتاع الكمبيوتر!) بيبقي الصانع سايبلك مساحة كبيرة تلعب فيها بس بتبقي علي مسؤليتك والعربية لو في الضمان بتخرج منه لكن تعديل فلتر هواء وشكمان وتربو وسوبر والكلام ده كله فكسان يا مان lol انا بتلكم في حاجة اكبر من كده بكتير!

انت ممكن تحد زي ما تحط في العربية وتعدل فيها Mechanically بس زي منتا بتقول الهورس باور مش هتزيد عن حد معين قليل جدا ليه بقي؟ لان حضرتك مبرمجتش الكنترول علي علي التعديلات دي فالهورس باور زادت بنسبة قليلة لكن لو حضرتك برمجت الكنترول (يعني تكسر الحماية اللي عليه وتعدل اللي انت عايزه) هتقدر تفتح امكانيات رهيبة في المحرك بتاعك وطبعا العربية بالكامل هتستحمله لان الصانع اصلا عامل حسابه في ان فيه ناس هتكسر الحماية وتعيد برمجة الكنترول!

ارجو تكون المعلومة وصلت!

ربنا يزيدك ياباشا واسف ان كنت ازعجت سيادتك ولكن حبيت اني اشارك بمعلوماتي المحدوده ف انتظار رد الخبراء والمعنيين بالموضوع للمشاركه تقبل مني خالص تحياتي وشكرا للتوضيح