طلب نصائح عند استلام ام جراند

**ali_saker_2010** · 18-04-2014 01:13 AM

لو سمحت يا جماعة
عاوز نصيحة من الخبراااااااء واصحاب الجيلي ام جراند
حجزنا الحمد الله العربية اول امبارح و ان شاء الله الاستلام بعد شم النسيم ...
عاوز بقى نصايح اصحاب الام جراند .. اية اول حاجة ابص و اتأكد منها عند استلام العربية
واية النصايح اللي احطها على بالي وانا بستلم

و ادعوالي ان ربنا يبارك في العربية :b4_282:

**midooo_119** · 18-04-2014 02:09 AM

الف مبروك مقدما ... اهم حاجه تتور العربيه تسمع صوت الموتورو تتطمن عالزيوت و تجرب الازاز الكهربا و الانوار و الاشارات و تفتح الشنطه بالريموت و من جوه و تشوف الاستبن و عده الكوريك و تتاكد ان مفيهاش خدش و ربنا يكرمك ان شاء الله

**karimfahmy99** · 18-04-2014 06:57 AM

المشاركة الأصلية كتبت بواسطة midooo_119

الف مبروك مقدما ... اهم حاجه تتور العربيه تسمع صوت الموتورو تتطمن عالزيوت و تجرب الازاز الكهربا و الانوار و الاشارات و تفتح الشنطه بالريموت و من جوه و تشوف الاستبن و عده الكوريك و تتاكد ان مفيهاش خدش و ربنا يكرمك ان شاء الله

تمام كدة و نضيف تجربة المفتاحين لدوارة السيارة و الكاسيت خد معاك اسطوانة و فلاشة للتجربة و فى وصلة بتيجى مع الكاسيت لتشغيل الفلاشة تاخدها منهم - اعتقد مش هتاخد كتالوج و لا دفتر صيانة و هتاخدهم من التوكيل - من باب الحيطة بس تاكد ان رقم الشاسية يكون 13000 او اعلى من كدة و بيقى معروف الرقم من الاستيكر اللى على ازاز العربية الامامى

المشاركة الأصلية كتبت بواسطة ali_saker_2010

شكراااااا يا بااشااا على النصيحة
بس سؤااااال ... اكشف على الزيوت ازاااي ؟؟

زيت الباور واضح على الشمال و زيت الباكم واضح امامك و زيت الموتور تتطلع المقاس و تشوف مستوى الزيت بعد مسحة و ادخال المقاس و اخراجة مرة اخرى

**walidzakzok** · 18-04-2014 02:14 PM

انا لو مكانك اجل الشراء العربية لحد ما اتاكد ان العربيات مابقاش فيها صدا ....الصدا دة زي السرطان مالوش علاج وصدا الصاج الغير معزول مالوش علاج لاني شغال فى الصاج واختباراته والجلفنة بتاعته

تخيل ان الصاج المعزول ممكن يحصله تاكل وصدا لان فيه حاجة اسمها edge corrosion لان حرف الصاج مكان القطع ما بيكونش متعالج فبيبدا فيه الصدا

اما انك تدفع فلوس في عربية فيها صدا حتى لو نقط بسيطة فانت بتدفع فلوس فى حتة خردة على مدى 5 سنين

الاميجراند احسن عربية فى فئتها بدون مشكلة الصدا اما بالصدا ما ادفعش فيها 20 الف جنيه

اما علاج الصدا برش اسبراي الزنك على اماكن الصدا فدة شغل نصب وترييح زبون

تحياتي ليك

**M I D O** · 18-04-2014 08:17 PM

الف مبرووووووووووووووووك و اختيار موفق باذن الله وبص علي البودي من برة و الدهان كويس واركب العربية وشوف التقفيل وجرب الازاز و السنتر و التكييف و الكاسيت و الاشارات و الانوار وشوف كدة كل حاجة راكبو مظبوط ولا في حجات معووجة وافتح الموتور بص علية وشوف مياة التبريد وزيت الباور وزيت الباكم و شوف الشنطة و الجنط و العدة وان شاء الله خير وموفق في الاستلام باذن الله