from Fully synthetic to semi synthetic oil

**mosman** · 22-04-2014 04:14 AM

لو سمحتم أنا عندي سؤال .....أنا غيرت لزيت ولف اكستندد تك 10w40 و بعد ما غيرت لقيت صوت العربية عالي عن قبل كده ....أنا كنت طول عمري بستخدم زيت تخليقي بالكامل و الزيت ده نصف تخليقي و أنا ماخدتش بالي من النقطة دي ساعة تغيير الزيت ...هل لازم أروح أنزله و استمر على زيت تخليقي بالكامل زي زمان ...ولا اكمل بيه شوية قبل ما أنزله ؟؟؟ موديل العربية ..لانسر أوتوماتيك 2009 بومة و عاملة 53 ألف ....منتظر ردكم يا خبراء

**a_mohamedsamir** · 22-04-2014 08:58 AM

كمل بالزيت النصف تخليقى لغاية ميعاد التغيير
والمره الجايه حط الزيت التخليقى وغير الفلتر
ودائماً خليك فى التخليقى لأن الفرق بين التخليقى والنصف تخليقى كبير

**gadoo30** · 22-04-2014 01:00 PM

المشاركة الأصلية كتبت بواسطة a_mohamedsamir

كمل بالزيت النصف تخليقى لغاية ميعاد التغيير
والمره الجايه حط الزيت التخليقى وغير الفلتر
ودائماً خليك فى التخليقى لأن الفرق بين التخليقى والنصف تخليقى كبير

اتفق معاك فى الرأى

**mosman** · 23-04-2014 12:53 AM

احمد سمير .....شكرا لنصحيتك يافندم ....بس السؤال هو ...الزيت النصف تخليقي ده ممكن يضر محرك العربية من الناحية الميكانيكية ولا لأ ؟؟؟ و زي ما ذكرت الموتور مش عامل مسافة كبيرة ....53 ألف بس ...لانسر اوتوماتيك 2009 بومة

**gadoo30** · 23-04-2014 03:02 PM

فية ناس وتوكيلات بتحط زيوت معندنية فى مواتير زيرو ودة طلعا مش صح بس انت حطيت نص تخليقى واعتقد مرة واحدة مش هتضر الموتور
انا عربيتى افيو 2006 من الزيرو لحد 55000 كم كانت بتحط زيت معندى موبيل 5000 فى التوكيل وبعد ما اشتريتها نقلت لزيت تخليقى وماشى بية بس حصلت مشكلة واحدة ان جوان وشح التاكيهات رشح زيت وغيرتة والحمد لله الدنيا تمام
كمل مدة الزيت بتاعك عادى حرام الفلوس تترمى على الارض

**a_mohamedsamir** · 23-04-2014 04:31 PM

إنشاء الله مره واحد مش حتعمل حاجه وبعدين انت حاطط زيت محترم ولزوجته مناسبه للعربيه
الفكره ان التخليقى بيكون افضل وده مش معناه ان النصف تخليقى حيضر
وزى ما الزميل قال لحضرتك فى توكيلات بتحط زيت معدنى مش نصف تخليقى وبتحطه فى عربيات زيرو
كمل الكيلوات بتاعة الزيت واول ما تلاقيه بدأ يغير من لزوجته ريح نفسك ونزله بس على الاقل كمل بيه خمسة الاف كيلو علشان متبقاش رميت فلوسك على الارض

**mosman** · 23-04-2014 10:14 PM

احمد سمير.....شكرا جزيلا لردك ....انا هاكمل فيه لحد 60 الف فعلا و بعد كده زيت تخليقي بالكامل ....انا نسيت اقول اني مع تغيير الزيت دا انا غيرت معاه بوجيهات ngk bkr7 و انا كنت باستعمل bkr6 ....هل دا ليه علاقة بصوت الموتور العالي؟ ؟

**a_mohamedsamir** · 24-04-2014 12:57 AM

البوچيهات حتسامحنى لأنى معرفش الكود المناسب لعربيتك لكن الافضل تجيب الكود اللى فى المانيوال بتاع العربيه بتاعتك

**mosman** · 24-04-2014 02:39 AM

ألف شكر يا جماعة ع المعلومات القيمة

**mosman** · 16-05-2014 10:18 PM

أنا ماتحملتش صوت الموتور العالي و رحت غيرت لولف 5w40 اللي المفروض إنه تخليقي بالكامل و لسة صوت الموتور عالي زي ماهو .....أنا مش هاحط الزيت ده تاني ...مقلب .....أنا هارجع تاني لفالفولين أو شل هلكس الترا