راي محايد في فلونس face lift 2014

**Mohamed_89** · 01-05-2014 10:28 PM

ارجو من ملاك فلونس 2014 او اي حد عن تجربة بكل حيادية يقول رايه في شوية حجات مقلقاني
مبدئيا من حوالي اسبوعين كنت خلاص هحجز فلونس ولاكن بعد ما قريت شكاوي الملاك هنا علي المنتدي
من نقص زيت و أصوات من التابلوه و الباب سخونة من التابلوه عامود دريكسيون ..

بدات اصرف نظر و افكر في الشارك تقفيل ياباني و مسمعتش اي شكاوي منها

انا بفكر معاكوا و ردودكوا هتسعدني في الاختيار ان شاء الله ....رجاء من اي حد جرب العربية او عنده معلومة اكيده يساعدني بيهه :) شكرا مقدما

**active** · 01-05-2014 11:09 PM

أنا من رأيى الشارك هاتكون أفضل من ناحية الاعتمادية وقلة الاعطال

**Mohamed_89** · 01-05-2014 11:28 PM

المشاركة الأصلية كتبت بواسطة active

أنا من رأيى الشارك هاتكون أفضل من ناحية الاعتمادية وقلة الاعطال

شكـــــــراَ

طيب ان اللي بيخليني لسة بفكر في الفلونس توكيل - شكل العربية - الكماليات - و كمان قطع غيار ارخص و خصوصا الخارجية

لو المشاكل اللي ظهرت في الفلونس محدودة و مع عدد قليل هيكون الموضوع مشجع شويه خصوصا العربية بقالهه سنة يعني ممكن الناس تقدر تحكم عليها

**Hany Saad** · 01-05-2014 11:34 PM

أى عربية جديدة بيحصل فيها عيوب سواء تقفيل أو فى القطع المستخدمة نفسها....مفيش عربية مهما كانت مفهاش مشاكل....الشارك نفسها فيها مشاكل فى مكنة أزاز الكهربا و كام حاجة تانية....
مش مهم وجود المشكلة، الأهم هل الوكيل بيغيرها و لا لأ و لو غيرها بترجع تانى و لا لأ
قسم رينو مكشوف للجميع و محدش بيخبى أو بيدارى لأنه مش من مصلحة حد.....
- موضوع السخونية حصل عند عضو واحد فقط و لسه موداش العربية التوكيل
- موضوع الدريكسيون حصل عند بعض الأعضاء و لكن ده صوت فقط و بيتبدل على طول زى ما حصل معايا و انتهى الموضوع تماماً
-- نقص الزيت دى مشكلة موتور (خلوص البساتم مش مظبوط) و التوكيل بيبدل موتور كامل لو حد كان من المصابين و أعتقد الموضوع هيتحكم أكتر فى الدفعات الجديدة
- التزييق فى التابلوه ظهر عند البعض....فيه ناس متعايشة و فيه ناس ودتها التوكيل و راح الصوت
- فيه أستاذ shifo ظهر عنده مراية صالون سايبة عند التعرض الشديد للحرارة

ده و بمنتهى الأمانة كل المشاكل اللى ظهرت حتى الأن منذ 2013 بداية نزول السيارة، و برده لو حضرتك مقلق أو شايف أن فيه عربيات أعتماديتها أو تقفيلها أعلى فده قرارك.....

تحياتى

**yasser100** · 02-05-2014 12:51 AM

زى البشمهندس هانى قال لك ما فيش عربيه النهارده خاليه من العيوب و زى ما بقول دايما نتيجة التكنولوجيا المتسارعه فى العربيات بتظهر عيوب . عندك فولكس فاجن مشاكل لا حدود لها مع الفتيس . الاوبل استرا وزنها تقيل على الموتور . البيجو 301 مشاكل مع الفرامل و مشاكل تانيه . الكورولا واطيه و التوكيل سحب عربيات و بيعلي ارتفاعها . الاهم من المشاكل هو التوكيل اللى ورا العربيه . ادرس تانى و خد قرارك

**mostafa magdy** · 02-05-2014 04:49 AM

طبعا مفيش عربيه خاليه من العيوب ..
بس مفيش حاجه إسمها أغير موتور علي 7000 كيلو !!
و لا أغير عمود دركسيون في عربيات كتير !! لا يعلم عددها إلا الله ..

مفيش توكيل محترم بيبقي عارف مشكله العميل اللي عنده نقص زيت من أول ال 4000 كيلو و يفضل يمطوح فيه و تعالي لنا بعد 1000 كيلو و تعالي لنا بعد مش عارف كام كيلو عشان نشوف .. و تنقص تاني و يروح تاني .. و تنقص تالت و يقولوا له بمنتهي البساطه هنغير لك الموتور .. !!!

مفيش توكيل محترم .. لما بيدي للعميل المتضرر عربيه بديله " و ده أبسط حقوقه " .. يطلبها منه بكل بجاحه و كأنه مستلفها .. لسبب بسيط إنه مش عايز يستلم عربيته و إنه مش راضي بالحل اللي قالوه ..

مفيش حاجه إسمها أروح التوكيل عشان أتفاوض معاهم .. يقولوا لي Surprise !! إحنا غيرنا لك الموتور !!!

مفيش توكيل محترم بيقول للعميل الموتور اللي ركبناه متكلف 40 ألف جنيه !!!
ما إن شاء الله يتكلف مليون و انا مال أهلي .. هو ذنبي .. هما بيدفعوا من جيب اللي خلفوهم !!!

مفيش توكيل محترم لما العميل المتضرر بتغيير موتوره يصمم علي تبديل العربيه .. يقولوا له إدفع 15000 في صوره إن العربيه بتاعته تتباع و ياخد واحده جديده و يدفع فرق!! 15000 :D

مفيش توكيل محترم بيقول للعميل .. و هو قاعد يتفاوض .. أحنا واحد عمل معانا مشكله في عربيه كليو .. و شهر بينا .. و رفعنا عليه قضيه تشهير و هنكسبها !! دي توكيل من بولاق ده ولا إيه !!

أنا شخصيا لا أنصح أحد بالعربيه دي .. و التوكيل معلش مع إحترامي اللي بيحكوا و يتحاكوا عليه ده مفتش منه غير كل وساخه و قله إدب ..
و حسبي الله و نعم الوكيل ..

**SoFiMaN** · 02-05-2014 05:53 AM

استاذ مصطفى

ربنا يقويك بس بامانة انت لو عايش في اوروبا ولا امريكا فعلا مكانوش هيعملوا اكتر من اللي اتعمل..التوكيل لو عايز يبيعك كان باعك من بدري و بتلوم عليه انه عايزك ترجع عربيتهم المؤقتة اللي ادوهالك بحد ما يحلوا مشكلتك!!! هو حضرتك اشتريتها منهم ؟!! ماهو اكيد لازم ترجعها لان عربيتك جاهزة خلاص بغض النظر عاجبك الحل او لا ده جزئية تانية!

ربنا معاك

**ramymechanics** · 02-05-2014 07:58 AM

تجربتى الشخصية

العربية ممتازة و توكيل هايل بالمقارنة بالتوكيلات اﻷخرى ... مظهرتش عندى اى مشكلة من اللى ظهرت عند اﻷعضاء الكرام الحمد لله الا ان الكاسيت عمل 3 مراا ريستارت لوحده
انا عامل بالعربية 11 الف كيلو الحمد لله لا يعيبها فى وجهة نظرى الا صوت الموتور العالى بصوت ملفت للنظر ﻷنى مغيرتش زيت توتال اللى بيحطوه فالتوكيل

**Khaled Khattab** · 02-05-2014 08:24 AM

المشاركة الأصلية كتبت بواسطة mostafa magdy

طبعا مفيش عربيه خاليه من العيوب ..
بس مفيش حاجه إسمها أغير موتور علي 7000 كيلو !!
و لا أغير عمود دركسيون في عربيات كتير !! لا يعلم عددها إلا الله ..

مفيش توكيل محترم بيبقي عارف مشكله العميل اللي عنده نقص زيت من أول ال 4000 كيلو و يفضل يمطوح فيه و تعالي لنا بعد 1000 كيلو و تعالي لنا بعد مش عارف كام كيلو عشان نشوف .. و تنقص تاني و يروح تاني .. و تنقص تالت و يقولوا له بمنتهي البساطه هنغير لك الموتور .. !!!

مفيش توكيل محترم .. لما بيدي للعميل المتضرر عربيه بديله " و ده أبسط حقوقه " .. يطلبها منه بكل بجاحه و كأنه مستلفها .. لسبب بسيط إنه مش عايز يستلم عربيته و إنه مش راضي بالحل اللي قالوه ..

مفيش حاجه إسمها أروح التوكيل عشان أتفاوض معاهم .. يقولوا لي surprise !! إحنا غيرنا لك الموتور !!!

مفيش توكيل محترم بيقول للعميل الموتور اللي ركبناه متكلف 40 ألف جنيه !!!
ما إن شاء الله يتكلف مليون و انا مال أهلي .. هو ذنبي .. هما بيدفعوا من جيب اللي خلفوهم !!!

مفيش توكيل محترم لما العميل المتضرر بتغيير موتوره يصمم علي تبديل العربيه .. يقولوا له إدفع 15000 في صوره إن العربيه بتاعته تتباع و ياخد واحده جديده و يدفع فرق!! 15000 :d

مفيش توكيل محترم بيقول للعميل .. و هو قاعد يتفاوض .. أحنا واحد عمل معانا مشكله في عربيه كليو .. و شهر بينا .. و رفعنا عليه قضيه تشهير و هنكسبها !! دي توكيل من بولاق ده ولا إيه !!

أنا شخصيا لا أنصح أحد بالعربيه دي .. و التوكيل معلش مع إحترامي اللي بيحكوا و يتحاكوا عليه ده مفتش منه غير كل وساخه و قله إدب ..
و حسبي الله و نعم الوكيل ..

السلام عليكم يا دكتور مصطفى أو باشمهندس
كان ليا واحد قريبي وأنا في ثانوي تقريبًا اشترى سيارة من سيتروين تقريبًا بيكاسو
والسيارة كان فيها عيب في الموتور وبعد معاناة الموتور اتغير وهو رفض يستلم السيارة وبعت فاكس لسيتروين فرنسا ورفع قضية وكسبها وغير السيارة وخد تعويض من التوكيل محترم لأن ساعتها ما كنوش بيدوا الناس عربيات يمشوا بيها مصالحهم

على ما أتذكر، كان فيه قانون ينص إن كان في السيارة عيب جوهري زي عيب حضرتك وأقل من 5000 كيلو فيحق للعميل استبدال السيارة بسيارة جديدة مش عارف القانون ده لسه ساري ولا اتعدل ولا إيه

فلو حضرتك معاك ما يثبت إنك رحتلهم التوكيل على 4000 كيلو بالمشكلة دي
فاستشير محامي واتخذ الإجراءات القانونية قبلهم وإن شاء الله ستستبدل سيارتك بواحدة جديدة
توكيل رينو يعتبر من أنضف التوكيلات في مصر وده مش معيار بس زي ما بنقول أحسن الوحشين
حضرتك راسل الشركة الأم بإثبات نقص الزيت على 4000 كيلو وأرسل صورة المحضر وترجمته وإنك بدأت تتخذ الإجراءات القانونية لضمان حقك
وإن شاء الله السيارة تستبدل ليك بواحدة أخرى