بسمع صوت تخبيط فى الجزء الخلفى من العربية

**محمود سيد محمو** · 14-05-2014 11:26 AM

لما بمشى بسرعة ومع اى ارض غير مستوية بسمع صوت تخبيط فى الجزء الخلفى من العربية كأن حاجة بتفكك من بعضها
بس لما باخد اى مطب وانا مهدى السرعة مش بسمع حاجة روحت للعفشجى قالى مفيش حاجة مش عارف ايه ده

**kokowasfy** · 14-05-2014 11:33 AM

انت عارف ممكن تكون بسيطة يعنى انا حصل معاية موقف كان هيجننى سامع صوت تخبيط و شخللة من ناحية الشانطة مزعج جدا روحت كذا عفشجى يقولى العربية زى الفل مفيش اى حاجة و بعد عناء اكتشفت ان الاستبن فى الشنطة مش متركب فى مكانو مظبوت فا كل شوية يتحرك و اسمع صوتة فهقولك نصيحة افتح شنطة العربية و نزل كل الى فيها ورتبها من جديد ممكن الصوت يروح

**goldengold4** · 14-05-2014 11:39 AM

شيك على الحاجات اللى فى الشنطة الاول زى ما العضو kokowasfy بيقولك لانها حصلت برده معايا و كانت الحاجات اللى فى الشنطة هيه اللى مع المطبات القوية كانت تعمل صوت

**Zing0** · 14-05-2014 01:40 PM

بالضبط فضى الشنطة خالص و جرب و أتأكد من الصوت تانى
لو لسه موجود يبقى تكشف على المساعدين (عند طرف كل شنطه و تضغط بإيديك و تشوف العربية بتنزل و تطلع بمقاومه و لا المساعد بقى فاضى من جوه و بقى بيخبط فى العربية على طول)