العربية مش عاوزة تدور

**ah-gawad** · 06-07-2014 04:23 PM

النهاردة جيت ادور العربية مش عاوزة تدور و لكني ملاحظ ان نور التابلوه كويس و الريموت شغال يعني تقريبا البطارية سليمة و وسمعت صوت طلمبة البنزين عادي بيتهيالي ان اللي فاضل هو المارش ازاي ممكن ادور العربية علشان اروح بيها لصنايعي و لو معرفتش هل ممكن حد يغيره في مكانها بالجراج و هل اي كهرباءي ممكن يغير المارش .انا بكرة هتاكد لان النهارجة الاحد و مفيش حد فاتح يا ريت حد يدلني اتصرف ازاي و شكرا

**moumen_hs** · 06-07-2014 04:50 PM

أى كهربائى بياخد سلكة من المارش للبطارية مباشرة ويدور العربية دة لو المارش شغال والعيب فى التوصيلات أما لو المارش قاطع يبقى تدور زق دة لو العربية مانيوال لو أتوماتيك بيفك المارش فى مكانة ويصلح ويركب مفيش حل تانى

**mahmoud_ali** · 06-07-2014 05:49 PM

هوا ممكن برضوا ميكونش مارش ويكون سلوك بوجيهات

**ah-gawad** · 06-07-2014 06:09 PM

المشاركة الأصلية كتبت بواسطة mahmoud_ali

هوا ممكن برضوا ميكونش مارش ويكون سلوك بوجيهات

طيب لو سلوك بوجيهات اعرف ازاي ان العيب منها

**ah-gawad** · 06-07-2014 06:10 PM

من باب العلم بالشئ هو المارش تقريبا بكام

**mahmoud_ali** · 06-07-2014 07:55 PM

المشاركة الأصلية كتبت بواسطة ah-gawad

طيب لو سلوك بوجيهات اعرف ازاي ان العيب منها

هتخلى واحد يدور العربيه وانت واقف عند الكبوت وتشيل كل طرف من اطراف البوجيهات واحد واحد وهوا بيدور العربيه بترفع طرف البوجيه من عند الاسبراتير وشوفه بيطلع كهربه ولا لا لو بيطلع تبقى ممكن حساس كرنك هوا اللى بايظ ولو مش بيطلع كهربه يبقى تغير بوجيهات وسلوك البوجيهات

**yalahwy2010** · 06-07-2014 08:54 PM

اكشف علي الفيوذ العمومي....ممكن يكون فاصل

**ah-gawad** · 07-07-2014 01:03 AM

شكرا للمساهمات الفعالة و بكرة ان شاء الله اقول وصلت لايه و ربنا يستر لان بصراحة الكهربائي الوحيد اللي جنب الجراج ماشي الحال اوي اوي و يا ريت يقدر يفيدني

**أسامه الحسيني** · 07-07-2014 10:05 AM

لو العربيه قاطعه خالص يعني مافيش مرش خالص اتاكد من مكنه الاستوب انك لما بدوس فرامل نور الفرامل الخلفي بينور ولو تمام يبقي تتاكد ان المارش واصله كهرباء 12 فولت
ولو واخد 12 فولت ومالوش ولا حس ولا خبر يبقي يتفك ويتصلح ويركب مكانه تاني ولو مش واصله 12 فولت
تراجع على فيوز العربيه
ممكن تلاقي فيوز المارش ضارب ولا حاجه
وبالتوفيق ان شاء الله وبسيطه ان شاء الله

**MohammedAladel** · 07-07-2014 07:44 PM

المارش اشتريته ب 450 وبيتفك عادى ليه 3 مسامير 13 وهو مكانه رخم من ورا بين الفتيس والموتور وهتستعمل بيبة 8 لفك السلك السالب وبيبة 10 لفك الكابل الموجب بتاعه دا لو فعلا كان العيب من المارش

بس فى الغالب قبل ما بيبوظ بيبقى فيه تعتيلة فى الدوارة وتلاقيه بيقطع مبيبوظش فجأة كدا

الموضوع: العربية مش عاوزة تدور

LinkBack

أدوات الموضوع

عرض

العربية مش عاوزة تدور - انشر الموضوع فى :

-

-

-

-

-

-

-

-

المواضيع المتشابهه

العربية لسة ماكملتش 40000 ك و الميكانيكى بيقولى عاوزة عامرة

128 مش عاوزة تدور

العربية مش عاوزة تشتغل

المكنه مش عاوزة تدور

عندى بقع على العربية مش عاوزة تطلع

الكلمات الدلالية لهذا الموضوع

المفضلات

المفضلات

ضوابط المشاركة