الموضوع: اكبر تجميعة حلول لكل مشاكل الفرامل بكل انواعها بالصور

الموضوع دة يا رجالة بعد تجارب كتير اوى اوى ومشاكل واسئلة فقولت اعمل ملخص لكل جزء يعني هاعمل للماتور والعفشة كل واحد موضو لوحدة

اولا الفرامل

مهم اوي فى الاول تتاكد من الحاجات دى

1- زيت الفرامل يكون جديد يعني بقالة سنة بالكتير اوى
2- التيل يكون جديد ومن نوع نطيف يعني الماني او ايطالي
3- الكاوتش يكون مش متاكل يعني جديد شوية
4- الماستر الفرعي يكون مافهوش هوا وهاقولك ازاى تاخد الهوا


نبدا الاسئلة

1- لو الكاوتش اللى قدام بيمسك واللى ورا مش بيمسك خالص والتيل جديد او كويس يعني

الحل

ها تتفك الطنبورة وتصنفرها يدوي واوعي تعمل ليها خرط لانها بتاثر علي كفاءة الطنبورة وسمكها
وتاكد علي اولسيل بتاع البلي ساعات كتير بيكون مهوي فبينطر الشحم علي التيل ...
هتخلي الميكانيكي يعمل رجلاش اللى هو تربيط هتلاقيها بقت زي الفل وال 4 عجلات بيمسكو





2- لو دواسة الفرامل بطيئة او تقيلة فى النزول للاخر ...

الحل

غير زيت الفرامل لانة بقي وسخ اوى اوى
تسريب زيت فى دايرة الفرامل ا


3- الفرامل لما بتدوس مش بتوقف العربية علي طول

يبقي غير تيل امامي وخلفي نظافة ليك بردة


4- العربية مش بتقف الا لما بتدوس اكتر من مرة يعني دوسات صغيرة ورا بعض

يبقي هواء علي طول فى الفرامل وتاخد الهوا من الفرامل او بتطلع الهوا من الدايرة
هاتيجي تفك العجلة اللى ورا يمين وترفع العربية
هتلاقي ورا الماستر بزبوز كدة ولية صامولة هاتفكها وتدوس فرامل هتلاقي زيت بينزل وفى فقاعات هواء كررها لحد ما تلقي الزيت بينزل فقط من هوا


5 - لما بتدوس فرامل بتسمع صوت عالي

يبقي يا اما فى تراب علي التيل وفى الطنبورة او التيل منتهي


6- العجل بيسخن اوي من الفرامل

يبقي فرامل اليد مشددوة اوى اوى اوى ودة غلط لازم تريحها شوية

او ممكن يبقي تيل الفرامل معلق يعني ماسك ومش رجع لطبيعتة وبيحتاج نقطة زيت علية ...


مهم اوي يا رجالة الفرامل اوعي تستهر لانها الطريقة الوحيدة اللى بتوقف العربية

اى سوال انا موجود فى الخدمة

السلام عليكم
طيب انا بقا عندي عفريت في الفرامل انا التيل مابقعدش اكتر من شهرين ويخلص والفرامل بحس على طول انها ضعيفه والدواسه تقيله وبعد المشاوير التقيله مبيبقاش في فرامل اصلا غيرت الماستر الرائيسي والمساتر كلها وغيرت التيل الي قدام والي ورا مع الطنابير وطبعا الزيت من موبيل مش عارف فاضل ايه في الفرامل معملتوش والمشكله لسه موجوده حد عندوا حل