التكييف تانى

**Hesham.H** · 11-07-2014 04:26 AM

الزملاء الأعزاء ... رمضان كريم

كنت حكيت لحضراتكو مشكلتى مع التكييف فى موضوع سابق وهى انه كان تبريده ضعيف على السرعات البطيئه .. على السرعات فوق ٦٠ كم كان بيبقى كويس
المهم انى روحت فورت الشحنه وقلت اشحنها تانى بس عند نفس الراجل اللى عندى
المشكله بقت حاجه تانيه
بعد ما شحن وقالى كله تمام .. جربت العربيه فى مشوار ... التبريد مش بيبدأ غير بعد نص ساعه من تشغيل التكييف !!!!
ايوه فعلا
اول نص ساعه هو فاتر اقرب للهواء العادى ... بعد كده بدأ يبرد ... على ما وصلت القاهره كنت حسيت انى فى تلاجه

يا ترى إيه المشكله كده ؟؟ اروح أشحن عند حد تانى ؟؟ ولا كده فى مشكله لازم تتحل الأول ؟؟
كل عام وأنتم بخير

**احمد فهمى** · 11-07-2014 05:37 PM

لو الفريون قل يبقى الكويل بيسرب وراجع سرعات مروحة التبريد

**Hesham.H** · 12-07-2014 12:42 AM

المشاركة الأصلية كتبت بواسطة احمد فهمى

لو الفريون قل يبقى الكويل بيسرب وراجع سرعات مروحة التبريد

الحمد لله مافيش تسريب بعد ما كبست الدوره كذا مره ... سرعات المروحه مظبوطه .. انا شاكك فى العداد اللى عند الراجل بيدى قرايه مش مظبوطه لكميه الفريون

**Hesham.H** · 12-07-2014 12:42 AM

المشاركة الأصلية كتبت بواسطة gomgom3

بص الفريون ناقص العربيه بتاخد كيلو
نفس الكلام حصل معايا السنه ديه وشخنته عند نفس الرجل مرتين وكل مرة اروحله بنفس المشكله
لحد مرحت عند واحد تاني قالي دة مش حاطط فريون اصلا وزودة والعربيه بئت 100 %
راجه شحنه الفريون وتقدر تتعرف عليها الصبح في عز الضهر امسك ماسورة الراجع بتاعت البارد الي هي تخينه وشوفها ساعقه متلجه ولا لا لو لئتها سخنه اعرف ان مفيش فريون وكرر الموضوع دة بالليل لو لقيتها ساعقه تلج اعرف ان الفريون 100000000000000000000 % ناقص

انا فعلا بشك فى نقص الفريون .. هاجرب طريقتك واشوف النتيجه .. تحياتى

**فادى محمد** · 12-07-2014 02:56 AM

فريون ناقص او نوعه رديء..
جرب طريقه دكتور عبده ,معتمده ..

**trise2** · 12-07-2014 03:06 AM

للاسف الفريون غالبا بيسرب عند اماكن الوصلات… غالبا عند الكمبريسور .. ودي مش هتبان عند الكبس غير مع حركه السياره والرجرجه او ممكن تحرك الخراطيم بايدك وتشوف اللي بيتحرك حركه مش طبيعيه عند الوصلات

**Hesham.H** · 12-07-2014 03:07 AM

المشاركة الأصلية كتبت بواسطة فادى محمد

فريون ناقص او نوعه رديء..
جرب طريقه دكتور عبده ,معتمده ..

ايه يا باشا الطريقه العظيمه دى

**trise2** · 12-07-2014 03:13 AM

ليه التسريب بيبقي في الوصلات اللي عند الكباس او المجفف في حوض العربيه ?
لان الخراطيم دي عرضه للحركه كتير لما ميكانيكية او غيره بيمد ايده في حوض العربيه فبتريح عند اضعف نقطه اللي هي صواميل الوصلات… الصاموله مش هتكون مفكوكه لكن الخرطوم هتلاقيه قابل للحركه فيها… مش مبرشم مكانه
اتمني تكون الفكره وصلت