هل أوبل فيكترا سيارة عمليه؟

**ibnelfared** · 15-07-2014 11:12 PM

أنا فى حيرة لشراء سيارة مستعملة تكون بأمكانيات جيدة وبعد بحثى الكبير وجدت موديلات عديدة للأوبيل فيكترا لكن يخذروننى منها نظرا لأرتفاع ثمن قطع الغيار الخاصة بها فضلا عن أنها تبلع البنزين فأرجوا أفادتى أعزكم الله

**micky2010** · 15-07-2014 11:43 PM

بص يا برنس قطع الغيار مش غاليه اوووى بس عربيه كويسه بس المهم تجيب عربيه نضيفه علشان متتعبكش

**o0Hanafi0o** · 16-07-2014 01:38 AM

عجبتنى تبلع البنزين ديه ( لغه عربيه فصحه فصحه يعنى ) بص يا سيدى صدقنى الاوبل من ارخص قطع الغيار فى فئتها وقطع الغيار ليها بدائل كتييير ودلوقتى باه فى كل منطقه فى حد بيشتغل اوبل فمتقلقش منها خالص وتوكل على الله بس زى ما بنقول دايما الاوبل حاااااااااااااااااااااااا اااااااله لو حاله صعبه هتقرفك وهتصرف عليها كتير ومش هتعرف تنظفها بردوا وداه العيب الوحيد ان الى معاه عربيه حلوه مش بيفرط فيها ولو حب يبيع بيمسك فى سعر عالى ومعظم المعروض حالات تعبانه اوى

**Omar Mahmoud** · 16-07-2014 01:39 AM

اولا الفيكترا عربية جميلة و عملية يعني هتنفعك
ثانيا قطع الغيار مش غالية جدا يعني لو هتقارنها بالفيات القديم (128-132-131) لادا طبعا في فرق سعر بس مش للاوبل بس اي عربية في نفس الفئة و قطع الغيار منتشرة جديد و استيراد http://www.nilemotors.net/Nile/365850-a.html
ثالثا العربية معايا هي مش بتستهلك بنزين كتير يعني استهلاك عادي
رابعا و ده الاهم تدور علي الحالة ثم الحالة ثم الحالة لان حالة العربية لو مش تمام هتكره العربية
بالتوفيق