سؤال بخصوص الفورد توراس 1997

**cojak72** · 19-07-2014 11:58 AM

السلام عليكم وكل سنة وحضراتكم طيبين
قدامى عربية توراس 1997 ف حدود 40000
ممكن اعرف عيوبها وهل قطع غيارها متوفرة وسهلة ولا هدوخ
الشكل عاجبنى وقدامى برضه كرايسلر نيون 1998 ب 28500 ومحتار بينهم
فممكن اذا تكرمتم حد يدلنى اعمل ايه لانى بصراحة لا املك الا فى حدود 35000
ومش عارف اعمل ايه

**kantofanto** · 20-07-2014 02:53 AM

بالنسبة للقطع غيار الفورد متوفرة إن شاء الله عند اكثر من محل جديد و إستيراد فى الوكالة و الحرفين و المعادى.
بخصوص سعرها انا مش متابع الاسعار ، بس هى عربية نضيفة انا بشوفها فى الشارع اللى وريا . بخصوص الميكانيكيا كل ميكانيكية الفورد بيشتغلوا فيها طبعاً و عندك اسمائهم فى المنتدى.

اما بخصوص الكرايسلر فالفورد طبعاً اكثر انتشاراً من الكرايسلر و هنا فى المنتدى هتلاقى ناس كتير تساندك و الميكانيكيا اكتر فنصيحة لو متعرفش حد معه النوع ده ابعد عنه. لان لما تيى تبيعها زبونها قليل اووى إنما الفورد زبونها معروف .

**kantofanto** · 20-07-2014 02:56 AM

نسيت اقوللك ان لو العربية مش حالتها نضيفة و كويسة و صاحبها مهتم بيها بلاش تشترها لانها هاتمرمطك و لو قررت يفضل توديها لميكانيكى فورد يكشف عليها مش رفع فى البنزينة و بس .

**cojak72** · 20-07-2014 03:25 AM

kantofanto

شكرا اخى العزيز على الرد وهى والله عجبانى بس اللى كان مخوفنى قطع الغيار
وكمان انا غاوى جرى بالعربية والعربية شكلها تقيلة على الارض وثابتة زى البيجو 406 اللى كانت معايا
ربنا يكرم وتبقى حالتها كويسة والله الموفق

**kantofanto** · 20-07-2014 03:40 AM

المشاركة الأصلية كتبت بواسطة cojak72

kantofanto

شكرا اخى العزيز على الرد وهى والله عجبانى بس اللى كان مخوفنى قطع الغيار
وكمان انا غاوى جرى بالعربية والعربية شكلها تقيلة على الارض وثابتة زى البيجو 406 اللى كانت معايا
ربنا يكرم وتبقى حالتها كويسة والله الموفق

بخصوص قطع الغيار دى متقلقش خالص يأخى و احنا هنا فى المنتدى هنساعدك فى أى شئ انا و الاعضاء المحترمين ، و طالما عايز حاجة ثابتة على الطريق و ناعمة يبقى خليك فى الفورد و استخير ربنا برضوا و اللى فيه الخير ربنا هايكتبهوللك و ربنا يوفقك يارب و ابقى طمينننا.

**masryxt** · 20-07-2014 04:00 AM

كانت معايا وحطيتني في مواقف اسواء ما تعرضت لة في حياتي والاسواء من كدة ان انت بتتعرض لكمية نصب من اشهر الناس اللي بيتعاملوا فيها وعلي فكرة بعتها بعد ما صرفت عليها اد كدة بعتها ب 23 الف وكنت كسبان بلاااااااأاااااااش انا ف ي عرضك