أعتقد إنه من المبكر تغيير التيل عند 8500 لكن هما أدرى و جايز برضه إن العربية موديل 2006....
أنا عربيتى مستلمها من سنة و عاملة 21 ألف أتوماتبك و مع صيانة ال20 ألف مغير تيل أمامى سعره 530 و طبعا الضرائب 53 و تركيبه ب 48 ......لو حد عايز يعرف أخبار باقى الفاتورة ممكن ابعتها هنا.
أنا شفت برضه التعديل البسيط فى 2009 ..ظريف
لسه طبعا واثق منها ....كفاية و أنا رايح أعمل الصيانة كنت واخد ملف قاسى فى الطريق اللى عند المنطقة الحرة و محور الشهيد علشان آخد لبدلئرى من مدينة نصر... كنت على 80 و فجأة لقيت زحمة قدامى...مشفتهاش بدرى لأن فى أكوام مخلفات عالية قوى لدرجة إنها قفلت حارة من الطريق..ده تهور منى بس أنا لا يمكن أتصور الساعة 7:20 صباحا فى المنطقة دى يكون فى كائنات حية صاحية ...مش كمان زحمة لدرجة الطريق شبه متوقف تماما..المهم أنا عارف إن التيل عايز يتغير و آدينى رايح أغيره و حصل اللى حصل لكن العربية أنقذت الموقف بمنتهى الهدوء (أنا قلبى كان فى رجلى لما دوست على الفرامل فجأة و بقوة على الملف على 80 و بحالة التيل دى) و لا حصل أى دراما و لا خرجت عن مسارها و لا عومت ولا صوت احتكاك الكاوتش
ظهر إلا لما سرعتها قلت...... ووقفت تماما بمسافة معقولة...طبعا ستر ربنا قبل كل شىء لكن هى دى جودة الصناعة اللى الواحد يدفع فيها فلوس...حتى وهى عايزة تتصلح الست متأخرتش و عملت موقف شهم....
المفضلات